ⵜⵏⵏⴰ ⵜⵎⵙⵙⴽⵜⵉⵜ ⴰⴷ ⵎⴰⵙⴷ ⵉⵇⵇⴰⵏ ⵓⵙⴽⵓ ⵏ ⵜⵖⴰⵡⵙⵉⵡⵉⵏ ⵏ ⵡⴰⵎⵓⵏ ⴷ ⵓⵙⴱⵓⵖⵍⵓ ⵏ ⵜⴷⴰⵎⵙⴰ ⵜⴰⵏⴰⵎⵓⵔⵜ ⵙⴳ ⵡⴰⵏⵏⴰⵍ ⵏ ⵓⵙⵙⵔⵏⵓ, ⴷ ⵓⵙⴷⵓⵙ ⵏ ⵜⵖⴹⵎⵜ ⵜⴰⵏⴰⵎⵓⵔⵜ .
ⵜⵣⴰⵢⴷ ⵜⵎⵙⵙⴽⵜⵉⵜ ⴰⴷ ⵜⵏⵏⴰ ⵎⴰⵙⴷ ⴰⵎⴰⴹⴰⵍ ⵉⴷⴷⵔ ⴳ ⴽⵉⴳⴰⵏ ⵏ ⵜⴰⵙⵙⴰⵙⵉⵏ ⵙⴳ ⵓⵙⴳⴳⵯⴰⵙ ⵏ 2000 ⵍⵍⵉⵖ ⵜⵍⵍⴰ ⵜⵎⴰⴹⵓⵏⵜ ⴷ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⴷ ⵉⵎⵓⴽⵔⵉⵙⵏ ⵏⵏⴰ ⵜⵙⴽⵔ ⴳ ⵉⴳⵔ ⵏ ⵜⴷⵓⵙⵉ ⴷ ⵜⴷⵍⵙⴰ ⴷ ⵡⴰⵎⵓⵏ,ⵉⵣⴹⴰⵕ ⵍⵎⵖⵔⵉⴱ ⵙ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⴷ ⵢⴰⵔⵉ ⴰⵎⵓⵏ ⵏⵏⵙ ⵙⴳ ⵓⴱⴰⵢⵢⵓⵕ ⴰⴷ ⴷⴷⵓ ⵜⵏⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⴰⴷ ⵣⵔⵉⵏ ⵜⴰⵙⵙⴰⵙⵜ ⴰⴷ ⵜⴰⴷⵓⵙⴰⵏⵜ .
ⵜⴰⵙⵔⵜⵉⵜ ⴷⴷⵅ ⵜⵓⵊⵊⴰ ⵜⴰⵎⴰⵣⵉⵔⵜ ⵏⵏⵖ ⴰⴷ ⵏⴼⵔⴳ ⴰⵎⵓⵏ ⵏⵏⵖ ⵙⴳ ⵓⴱⴰⵢⵢⵓⵕ ⵏ ⴽⵓⵕⵓⵏⴰ , ⵢⵉⵍⵉ ⴰⵡⴷ ⵢⴰⵏ ⵡⴰⵏⵏⴰⵍ ⴰⴷⵔⵉⵎⴰⵏ ⵉ ⵜⴰⵡⵊⵉⵡⵉⵏ ⴷ ⵜⵎⵙⵙⵏⵜⴰⵢⵉⵏ ⵏⵏⴰ ⵎⵓ ⵜⵙⴽⵔ ⵜⵎⴰⴹⵓⵏⵜ ⴰⴷ ⴽⵉⴳⴰⵏ ⵏ ⵉⴱⴽⴽⵉⴹⵏ ⴳ ⴽⵉⴳⴰⵏ ⵏ ⵉⴳⵔⴰⵏ, ⵉⴳⴰ ⵍⵃⴰⵍ ⴰⵙⵏⴼⴰⵕ ⵏ ⵡⴰⵔⴰⵢ ⴰⵏⴰⵎⵓⵏ ⴷ ⵓⵙⴱⵓⵖⵍⵓ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⴷ ⵓⵙⴽⴽⵉⵔ ⵏ ⵓⴼⵏⵉⵇ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏ ⵓⵙⵙⵔⵏⵓ ⴷ ⵓⵙⴳⴳⴷ ⵏ ⵉⴳⵔ ⴰⵎⴰⵜⵜⴰⵢ .
ⴰⵙⵏⵜⵉ ⵏ ⵓⵙⴳⴳⵯⴰⵙ ⵏ 2022,ⴷⴼⴼⵉⵔ ⵏ ⵓⵏⵏⵓⵕⵥⵎ ⵏ ⵉⵡⵜⵜⴰ ⵉⵏⴰⵎⵓⵔⵏ ⴳ ⵡⴰⵢⵢⵓⵔ ⵏ ⴱⵕⴰⵢⵕ ⵉⵣⵔⵉⵏ ⵎⴰ ⴰⵏⵏ ⴰⴷ ⵢⵓⵊⵊⴰⵏ ⴽⵉⴳⴰⵏ ⵏ ⵜⴷⵔⴰⵡⵉⵏ ⵉⵣⴷⵉⵏ ⴷ ⵜⵎⴰⵍⵍⴰⵢⵜ ⴰⴷ ⴷⴰⵖ ⵙⵙⴰⵖⵓⵍⵏ ⴰⵎⵓⵙⵙⵓ ⵏⵏⵙⵏ .
ⵉⵍⴽⵎ ⵓⵜⵓⵢ ⵏ ⵓⵔⵏⵏⵓ ⴳ ⵓⵎⵙⴹⵉⵚ ⴰⵎⵣⵡⴰⵔⵓ ⵙⴳ ⵓⵙⴳⴳⵯⴰⵙ ⵏ 2022 ⵉⵙⵡⵉⵔⵏ ⵉⵎⵢⴰⵏⴰⵡⵏ ⴳ ⴽⵉⴳⴰⵏ ⵏ ⵜⵎⵓⵔⴰ ⵏ ⵓⵎⴰⴹⴰⵍ ⴷⴼⴼⵉⵔ ⵏ ⵓⵍⵓⵢ ⵏ ⵡⴰⵜⵉⴳⵏ ⵏ ⵓⵙⴰⴷⵓⵔ ⴷ ⵜⵎⵜⵜⵉⵡⵉⵏ ⵜⵉⵎⵣⵡⵓⵔⴰ ⴷ ⵜⴰⵔⵏⴰ .
ⵙⴳ ⵜⵎⵙⵙⴽⵜⵉⵜ, ⵉⵥⵍⵉ ⵓⵙⴳⴳⵯⴰⵙ ⵏ 2022 ⵙ ⵓⵙⴷⵔⵓⵙ ⵏ ⵓⵏⵥⴰⵕ ⵍⵍⵉⵖ ⵜⵍⵍⴰ ⵜⵛⴰⵃⵓⵕⵜ ⴳ ⵜⵎⴰⵣⵉⵔⵜ ⵏⵏⵖ ⵍⵍⵉⵖ ⴰⵙ ⵜⴽⴽⴰ 40 ⵏ ⵓⵙⴳⴳⵯⴰⵙ, ⵎⴰ ⴰⵏⵏ ⴰⴼ ⵜⵜⵓⵙⵏⵉⵍⵏⵜ ⵜⵖⵔⵎⵉⵏ ⵏ ⵓⴳⴰⵎⴰ ⵏⵏⴰ ⵉⵜⵜⵓⵜⵏ ⵙ ⵜⵛⴰⵃⵓⵕⵜ ⴰⴼⴰⴷ ⴰⴷ ⵜⴰⵏⴼ ⵜⵏⴱⴰⴹⵜ ⵉ ⵓⵎⵓⴽⵔⵉⵙⵏ ⵏ ⵓⵙⴷⵔⵓⵙ ⵏ ⵡⴰⵎⴰⵏ .