ⴳ ⵓⵏⵎⵓⴳⴳⴰⵔ ⴰⴷ, ⵎⵔⴰⵔⴰⵏ ⵉⵎⵙⵜⴳⴳⴰⵔⵏ ⵙ ⵙⵉⵏ ⵉⵙⵏⵜⴰⵍ ⵉⵣⴷⵉⵏ ⴷ ⵓⵙⵏⵜⵍ ⵏ ⵓⵙⵏⵖⵎⵙ ⵙ ⵓⵎⵢⴰⵡⴰⵙ ⴳⵔ ⵜⵙⵏⵓⵔⴰⵢⵜ ⴷ ⵜⴰⵎⵓⵏⵜ ⵏ ⵉⵏⵖⵎⵉⵙⵏ ⴳ ⵎⴰⴷ ⵉⵣⵍⵉⵏ ⵙ ⵓⵙⵎⵓⵜⵜⴳ ⵏ ⵉⵏⴰⵖⵎⴰⵙⵏ ⴳ ⵜⵙⵏⵓⵔⴰⵢⵜ ⴷ ⵜⴰⵎⵓⵏⵜ ⵏ ⵓⵙⵏⵖⵎⵙ.
ⴳ ⵉⴳⵔ ⴰⴷ ⵏⵉⵜ,ⵉⵏⵏⴰ ⵎⴰⵙⵙ ⵀⴰⵛⵉⵎⵉ ⵉⴷⵔⵉⵙⵉ ⵎⴰⵙ ⵔⴰⴷ ⵜⴱⴹⵓ ⵜⵙⵏⵓⵔⴰⵢⵜ ⴰⵙⴳⵓⴷⵉ ⵏ ⵜⵉⵔⵎⵉⵜⵉⵏ ⵏⵏⵙ ⴷ ⵜⴰⵎⵓⵏⵜ , ⵙⴳ ⵓⵙⵏⵎⴰⵍⴰ ⵏ ⵜⴰⵙⵙⵓⵜⵍⵉⵏ ⵏ ⵓⵙⵎⵓⵜⵜⴳ ⵉ ⵉⵏⴰⵖⵎⴰⵙⵏ ⵉⵄⵔⵔⵉⵎⵏ ⴰⵎ ⵜⴰⵏⴰⵖⵎⴰⵙⵜ ⵜⴰⴷⵎⵙⴰⵏⵜ ⴷ ⵡⵉⵏ ⵜⵙⵏⵎⴰⵍⴰⵢⵜ ⴷ ⵓⵏⴱⴱⵕ ⵏ ⵜⵙⵏⵓⵔⴰⵢⵉⵏ ⵏ ⵜⵏⵖⵎⴰⵙⵜ ⴷ ⵓⵙⵜⴳⴳⵔ ⴰⵡⵜⵎⴰⵏ.
ⵉⵏⵏⴰ ⵎⴰⵙ ⵉⵍⵍⴰ ⵓⵙⵖⵉⵡⵙ ⵙ ⵓⵙⵎⵓⵜⵜⴳ ⵉ ⵉⵄⵔⵔⵉⵎⵏ ⵉⵏⴰⵖⵎⴰⵙⵏ ⴰⴼⴰⴷ ⴰⴷ ⴰⵡⵙⵏ ⴳ ⵓⵙⴱⵓⵖⵍⵓ ⵏ ⵉⴳⵔ ⵏ ⵓⵙⵏⵖⵎⵙ.
ⴳ ⵜⵙⴳⴰ ⵢⴰⴹⵏ ⵉⵏⵏⴰ ⵎⴰⵙⵙ ⵀⴰⵛⵉⵎⵉ ⵉⴷⵔⵉⵙⵉ ⴰⵏⵙⵙⵉⵅⴼ ⵏ ⵜⴼⵉⴷⵉⵕⴰⵍⵉⵜ ⵜⴰⵜⵍⴰⵚⵉⵜ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⴼⵔⵉⵇⵉ(ⴼⴰⴱⴰ) ⴰⴼⴰⴷ ⴰⴷ ⵉⵙⴽⵔ ⵢⴰⵜ ⵜⵙⵖⵔⵜ ⵉ ⵎⴰⵙⵙ ⴰⵢⵢⴰⵕ ⴰⴼⴰⴷ ⴰⴷ ⵉⴷⵔⵓ ⴳ ⵜⵙⵙⵓⵜⵍⵜ ⵜⵉⵙⵙ ⵙⴹⵉⵙⵜ ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⴼⵉⴷⵉⵕⴰⵍⵉⵜ ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⵉⵎⴰⵍⴰⵙⵙ ⴰⵎⵣⵡⴰⵔⵓ ⵏ ⵡⴰⵢⵢⵓⵔ ⵏ ⴽⵜⵓⴱⵕ ⴷ ⵢⵓⵛⴽⴰⵏ.
ⴳ ⵜⵙⴳⴰ ⵏⵏⵙ , ⵉⵏⵏⴰ ⵎⴰⵙⵙ ⴰⵢⴰⵕ ⵎⴰⵙⵜ ⵉⵙⵙⵓⵙⵎ ⵓⴱⵓⵖⵍⵓ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵏⵏⴰ ⵉⵙⵎⵢⴰⵏⴰⵡⵏ ⵉⵙⵓⴳⴰⵎ ⵏ ⵉⵏⵖⵎⵉⵙⵏ ⵏⵏⵙ ⵍⵍⵉⵖ ⵜⴳⴰ ⵜⴰⵎⵣⵡⴰⵔⵓⵜ ⴳ ⵉⴳⵔ ⴰⴷ.