Published on MAPNews (https://www.mapnews.ma/am)

Accueil > ⵜⵓⴳⵉ ⵔⵓⵙⵢⴰ ⴰⴷ ⵜⵙⴱⵉⴷⴷ ⵓⵍⵓⴼ ⴳ ⵓⴽⵕⴰⵏⵢⴰ

ⵜⵓⴳⵉ ⵔⵓⵙⵢⴰ ⴰⴷ ⵜⵙⴱⵉⴷⴷ ⵓⵍⵓⴼ ⴳ ⵓⴽⵕⴰⵏⵢⴰ

17 ⵎⴰⵕⵚ 2022 Version Imprimable
ⵕⵕⴱⴰⵟ - ⵢⵓⴳⵉ ⵍⴽⴰⵕⵎⵉⵍⵉⵏ ⴰⵙⵙ ⴰⴷ ⵏ ⵓⴽⵡⴰⵙ ⴰⵙⴽⴽⵉⵔ ⵏ ⵜⵙⵏⵏⴱⴹⴰⵢⵜ ⵜⴰⴳⵔⴰⵖⵍⴰⵏⵜ, ⵅⴼ ⵢⴰⵏ ⵓⵏⵎⴰⵍⴰ ⴰⵙⵏⵏⴱⴹⴰⵢ ⵏⵏⴰ ⵉⵡⴰⵍⴰⵏ ⵉ ⵜⵎⴰⵣⵉⵔⵜ ⵏ ⵜⵎⵜⵜⴰ ⵉⵎⵓⵏⵏ, ⴳ ⵎⴰⴷ ⵉⵥⵍⵉⵏ ⵙ ⴰⵢⵍⵍⵉ ⵜⵙⴽⵔ ⵔⵓⵙⵢⴰ ⴳ ⵡⴰⵙⵙ ⵏ ⴰⴽⵕⴰⵙ ⵏⵉⵜ ⵉⵣⵔⵉⵏ ⵏⵏⴰ ⵉⵥⵍⵉⵏ ⵙ ⵓⵙⴱⵉⴷⴷ ⵏ ⵓⵍⵓⴼ ⴷ ⵉⵎⵉⵖ ⴳ ⵜⵎⴰⵣⵉⵔⵜ ⵏ ⵓⴽⵕⴰⵏⵢⴰ.

ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵍⴽⴰⵕⵎⵉⵍⵉⵏ ⴷⵉⵎⵉⵜⵔⵉ ⴱⵉⵙⴽⵓⴼ ⵉ ⵉⵏⴰⵖⵎⴰⵙⵏ ⵎⴰⵙ ⵓⵔ ⵣⴹⴰⵕⵏ ⴰⴷ ⴰⵙⵉⵏ ⵙ ⵓⵙⵏⵏⴱⴹ ⴰⴷ ,ⵉⵣⴰⵢⴷ ⵉⵏⵉ ⵎⴰⵙⴷⴷ ⵉⵇⵇⴰⵏⴷ ⴼ ⵔⵓⵙⵢⴰ ⴷ ⵓⴽⵕⴰⵏⵢⴰ ⴰⴷ ⵙⵔⵙ ⵙⴽⵔⵏ ⴳ ⵎⴰⴷ ⴷ ⵢⴰⵣⴹⵏ.

ⴳ ⵜⵎⵏⴰⴹⵜ ⵢⴰⴹⵏ ⵉⵖ ⵓⵔ ⵜⵙⴽⵔ ⵔⵓⵙⵢⴰ ⵙ ⵜⵖⴰⵡⵙⴰ ⴰⴷ ⵏⵏⴰ ⵔⴰⴷ ⵉⴼⴽ ⴰⴼⵙⵙⴰⵢ ⵉ ⵉⵎⵉⵖ ⵏⵏⴰ ⵉⵍⵍⴰⵏ ⴳⵔ ⵜⵎⴰⵣⵉⵔⵜ ⵏ ⵓⴽⵕⴰⵏⵢⴰ ⴷ ⵔⵓⵙⵢⴰ, ⵏⵏⴰ ⵉⵙⵙⵏⵜⴰⵏ ⴳ ⵓⵙⵙⴰⵏ ⴰⴷ ⵣⵔⵉⵏⵉⵏ.

ⵉⵙⵔⴳ ⵉⵎⵉⵖ ⴰⴷ ⵉⵀⵔⵛⵏ ⴳⵔ ⵙⵉⵏ ⵉⵡⴰⵏⴽⵏ ⴰⴷ ⵔⵓⵙⵢⴰ ⴷ ⵓⴽⵕⴰⵏⵢⴰ ⵉ ⵜⵎⵜⵜⴰⵏⵜ ⵏ ⴽⵉⴳⴰⵏ ⵏ ⵉⵡⴷⴰⵏ ⴷ ⵉⵙⵔⴷⴰⵙ ⴷ ⵉⵏⵎⵓⵔⵉⵏ ⴳ ⵜⵎⴰⵣⵉⵔⵜ ⵏ ⵓⴽⵕⴰⵏⵢⴰ.

ⴳ ⵓⵎⵏⵉⴷ ⵢⴰⴹⵏ, ⴽⵛⵎⵏⵜ ⴽⵉⴳⴰⵏ ⵏ ⵜⵎⵉⵣⴰⵔ ⴰⴼⴰⴷ ⴰⴷ ⴰⴼⵉⵏⵜ ⴰⴼⵙⵙⴰⵢ ⴷ ⵓⵙⴱⵉⴷⴷ ⵏ ⵓⵍⵓⴼ, ⵎⴰⵛⴰⵏ ⵜⴰⵎⴰⵣⵉⵔⵜ ⵏ ⵔⵓⵙⵢⴰ ⵜⵙⵓⵍ ⵓⴳⴰⵏ ⵙⵓⵍ ⴳ ⵓⵙⴷⵓⵔⵔⵉ ⵏⵏⵙ ⴷ ⵉⵎⵉⵖ ⵎⴳⴰⵍ ⵏ ⵉⵙⵔⴷⴰⵙ ⵓⵍⴰ ⵉⵏⵎⵓⵔⵉⵏ ⵏ ⵜⵎⴰⵣⵉⵔⵜ ⵏ ⵓⴽⵕⴰⵏⵢⴰ.

Dernière modification : 17 ⵎⴰⵕⵚ 2022
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%9C%E2%B5%93%E2%B4%B3%E2%B5%89-%E2%B5%94%E2%B5%93%E2%B5%99%E2%B5%A2%E2%B4%B0-%E2%B4%B0%E2%B4%B7-%E2%B5%9C%E2%B5%99%E2%B4%B1%E2%B5%89%E2%B4%B7%E2%B4%B7-%E2%B5%93%E2%B5%8D%E2%B5%93%E2%B4%BC-%E2%B4%B3-%E2%B5%93%E2%B4%BD%E2%B5%95%E2%B4%B0%E2%B5%8F%E2%B5%A2%E2%B4%B0