ⵉⵙⴰⵡⵍ ⵓⴷⵍⵉⵙ ⴰⴷ ⵏⵏⴰ ⴳ ⵍⵍⴰⵏⵜ 335 ⵏ ⵜⴰⵙⵏⴰ, ⴼ ⵜⵏⵜⵜⴰⵎⵜ ⵜⴰⵡⵕⵓⴱⴱⵉⵜ ⵜⴰⵎⴰⵢⵏⵓⵜ ⴼ ⵓⵣⵡⴰⴳ ⵏⵏⴰ ⵉⴼⵙⵔ ⵓⵏⵎⴰⵍⴰ ⴰⵡⵕⵓⴱⴱⵉ ⴳ ⵓⵙⴳⴳⵯⴰⵙ ⵏ 2020. ⵉⵏⵏⴰ ⵓⵎⴰⵔⴰ ⵏ ⵓⴷⵍⵉⵙ ⴰⴷ ⵎⴰⵙⵙ ⴱⵍⴳⵏⴷⵓⵣ ⵎⴰⵙ ⴰⵔ ⵙⵙⵎⵔⴰⵙⵏ ⵉⵡⵕⵓⴱⴱⵉⵏ ⵜⵉⵣⵎⵎⴰⵔ ⴷ ⵜⵏⴼⴽⵉⵜⵉⵏ ⵏ ⴰⵢⵜ ⵉⴼⵔⵉⵇⵢⴰ ⵙ ⵓⴽⴰⵏ ⵙⵉⵙⵏ ⵙⵖⴰⵡⵙⴰⵏⵜ ⵜⵎⵉⵣⴰⵔ ⵏⵏⵙⵏ.
ⵉⵙⴰⵡⵍ ⵓⵎⴰⵔⴰ ⴰⵡⴷ ⴼ ⵜⵙⵔⵜⵉⵜⵉⵏ ⵏⵏⴰ ⵉⵣⴷⵉⵏ ⴷ ⵓⵣⵡⴰⴳ ⴰⴷ ⵓⵍⴰ ⵡⴰⵏⵏⴰ ⵉⵜⵜⵓⴱⴷⴰⵔⵏ ⴳ ⵓⴳⵏⵙ ⵏ ⵜⵏⵜⵜⴰⵎⵜ ⴰⴷ ⵜⴰⵡⵕⵓⴱⴱⵉⵜ ⵏⵏⴰ ⵉⵜⵜⵓⴼⴽⴰⵏ ⵉ ⵎⴰⴷ ⵉⵜⵜⴳⴳⴰⵏ ⵙⴹⵉⵚ ⵉⴷ ⵎⵍⵢⵓⵏ ⵏ ⵓⵎⵖⵔⵉⴱⵉ ⵏⵏⴰ ⵉⵍⵍⴰⵏ ⴳ ⵜⵎⵉⵣⴰⵔ ⵏ ⴱⵕⵕⴰ.
ⵉⵣⴰⵢⴷ ⵓⵎⴰⵔⴰ ⵉⵏⵏⴰ ⵎⴰⵙⴷ ⴰⵡⵜⵜⴰⵙ ⵏ ⵜⴰⵎⵓⵏⵜ ⵜⴰⵡⵕⵓⴱⴱⵉⵜ ⵓⵔ ⵜⴳⴰ ⵖⴰⵙ ⴰⴷ ⵜⴰⵡⵉ ⵉⵡⵡⵓⵔⴰⵏⵏ ⵏⵏⴰ ⴷ ⴷⴰⵔ ⵜⵉⵏⴼⴽⵉⵜⵉⵏ ⴷⵓⵙⵏⵉⵏ ⴷ ⵜⵣⵎⵎⴰⵔ ⴳ ⵜⵎⵉⵣⴰⵔ ⵢⴰⴹⵏ ⵣⵓⵏⴷ ⵍⵎⵖⵔⵉⴱ, ⵎⴰⵛⴰⵏ ⴰⴷ ⵜⵏ ⵜⴼⵔⴳ ⴰⴷ ⴳⵉⵏ ⵡⵉⵏⵏⵙ.
ⴰⴼⴰⴷ ⴰⴷ ⴰⵏⴼⵏ ⵉ ⵓⵣⵡⴰⴳ ⵏ ⵉⵏⵍⵍⵉⵜⵏ ⵙ ⴱⵕⵕⴰ ⵉⵏⵏⴰ ⵎⴰⵙ ⴱⵍⴳⵏⴷⵓⵣ ⵎⴰⵙⴷ ⵓⵔⵜⴰ ⵉⵍⵍⴰ ⵓⵎⵔⴰⵔ ⴼ ⵜⵙⵜⵕⴰⵜⵉⵊⵉⵢⵢⵉⵏ ⵏⵏⴰ ⵔⴰⴷ ⵉⴼⵔⴳ ⵉⵡⵡⵓⵔⴰⵏⵏ ⴷ ⵡⵉⵏⵏⴰ ⴷ ⴷⴰⵔ ⵍⵍⴰⵏⵜ ⵜⵏⴼⴽⵉⵜⵉⵏ ⴷⵓⵙⵏⵉⵏ, ⵙⴷ ⵉⵇⵇⴰⵏ ⴰⴷ ⴼⵔⴳⵏ ⵉⵡⴰⵏⴽⵏ ⵣⵓⵏⴷ ⵍⵎⵖⵔⵉⴱ ⵉⵡⵓⵔⴰⵏⵏ ⵏⵏⵙⵏ ⴰⴼⴰⴷ ⴰⴷ ⵓⵔ ⴷⴷⵓⵏ ⵙ ⵜⵎⵉⵣⴰⵔ ⵏ ⵡⵉⵢⵢⴰⴹ .
ⵉⵙⵎⴷ ⵓⵎⴰⵔⴰ ⴰⵡⴰⵍ ⵏⵏⵙ ⵍⵍⵉⵖ ⵉⵏⵏⴰ ⵎⴰⵙⴷ ⵉⵇⵇⴰⵏ ⴰⴷ ⵉⵍⵉⵏ ⵉⵏⵎⴰⵍⴰⵜⵏ ⴷ ⵉⵏⵎⵓⵇⵇⴰⵔⵏ ⴼ ⵓⵣⵡⴰⴳ , ⵉⵣⴰⵢⴷ ⵉⵏⵏⴰ ⵎⴰⵙⴷ ⵍⵎⵖⵔⵉⴱ ⵉⵣⴹⴰⵕ ⴰⴷ ⵉⴳ ⴰⵡⵡⵓⵔⴰⵏ ⴳ ⵉⴳⵔ ⴰⴷ ⵏ ⵓⵣⵡⴰⴳ ⵉⵙⴽⵔ ⵓⵍⴰ ⵢⴰⵏ ⵓⵙⵏⴼⵍ ⵉ ⵜⵏⵜⵜⴰⵎⵜ ⵜⴰⵡⵕⵓⴱⴱⵉⵜ ⵜⴰⵎⴰⵢⵏⵓⵜ ⴼ ⵓⵣⵡⴰⴳ.