ⵜⴰⵎⴰⵜⴰⵔⵜ ⵏ ⵓⵏⵎⵓⴳⴳⴰⵔ ⴰⴷ ⴳ ⵜⵙⵓⵜⵍⵜ ⵏⵏⵙ ⵜⴰⵎⵣⵡⴰⵔⵓⵜ ⵜⴳⴰ - ⵜⴰⵙⴽⵉⵡⵉⵏ; ⵜⴰⵎⴰⴳⵉⵜ ⴷ ⵜⴰⵢⵙⵉ ⵜⴰⵙⵓⵍⴰⵏⵜ", ⴳ ⵜⵉⵣⵉ ⵏⵏⴰ ⵉⵍⵍⴰⵏ ⴳⵔ 22 ⴰⵔ 24 ⴳ ⵡⴰⵢⵢⵓⵔ ⴰⴷ ⵏ ⴽⵜⵓⴱⵕ.
ⵉⴳⴰ ⵓⵏⵎⵓⴳⴳⴰⵔ ⴰⴷ ⵢⴰⵏ ⵓⵙⵎⵖⵕ ⵉ ⵜⵣⵎⵎⴰⵔ ⵏⵏⴰ ⵏⵏ ⴱⴷⴷⴰ ⵉⵜⵜⴳⴳⴰ ⵍⵎⵖⵔⵉⴱ ⴰⴼⴰⴷ ⴰⴷ ⵉⵙⴱⵓⵖⵍⵓ ⵜⴰⵢⵙⵉ ⵢⴰⴷ ⵉⴼⵔⴳⵜⵜ ⴳ ⵓⵏⵖⵓⴱⵓ, ⵔⴰⴷ ⵉⵜⵜⵓⵙⵏⵎⴰⵍⴰ ⵙ ⵢⴰⵏ ⵓⵡⵇⵇⵕ ⵉ ⵉⵜⴳⴰⵔⵏ ⵉⴷⵓⵙⴰⵏⵏ ⵙ ⵓⵙⵔⴰⴳ ⵏ ⵓⴼⵔⴰⴳ ⴷ ⵓⵃⵟⵟⵓ ⵏ ⵓⴽⵓⵙ ⴰⴷ ⴰⴷⵍⵙⴰⵏ ⴷ ⵔⵔⴽⵣ ⴰⴷ ⵏ ⵜⴰⵙⴽⵉⵡⵉⵏ ⵏⵏⴰ ⵢⵓⵜⵏ ⵙ ⵉⵥⵓⵕⴰⵏ ⵏⵏⵙ ⴳ ⵓⵎⵣⵔⵓⵢ ⴰⵇⴱⵓⵕ.
ⴳ ⵎⴰⴷ ⵉⵥⵍⵉⵏ ⵙ ⵜⵔⵓⴱⴱⴰ ⵏⵏⴰ ⵔⴰⴷ ⵢⴰⵡⵙ ⴳ ⵓⵏⵎⵓⴳⴳⴰⵔ ⴰⴷ , ⵜⵜⵓⵙⵜⴰⵢⵏⵜ ⵎⴰⴷ ⵉⵜⵜⴳⴳⴰⵏ 19 ⵏ ⵜⵔⴰⴱⴱⵓⵜ ⵏ ⵜⵥⵓⵕⵉ ⵏ ⵜⴰⵙⴽⵉⵡⵉⵏ , ⵏⵏⴰ ⵔⴰⴷ ⵉⵎⵍ ⴰⵎⵢⴰⵏⴰⵡ ⴷ ⵓⴱⵓⵖⵍⵓ ⵏⵏⴰ ⵉⵍⵍⴰⵏ ⴳ ⵉⴳⵔ ⴰⴷ ⵜⴰⵙⵓⵜ ⵙ ⵜⴰⵢⵢⴰⴹ.
ⵎⴽⵍⵍⵉ ⵉⴳⴰ ⵓⵡⵜⵜⴰⵙ ⵏ ⵓⵏⵎⵓⴳⴳⴰⵔ ⴰⴷ ⴰⴷⵍⵙⴰⵏ ⵏⵏⴰ ⵔⴰⴽ ⵉⴽⴽ ⴽⵕⴰⴹ ⵓⵙⵙⴰⵏ, ⴰⴼⵔⴰⴳ ⵉ ⵔⵔⴽⵣ ⴰⴷ ⵏ ⵜⴰⵙⴽⵉⵡⵉⵏ ⴷ ⵓⵙⵓⵙⵙⵏ ⵏⵏⵙ ⴷ ⵓⵎⵢⴰⵏⴰⵡ ⵏⵏⴰ ⴳⵉⵙ ⵉⵍⵍⴰⵏ ⴰⴼⴰⴷ ⴰⴷ ⵜⵜⵓⵙⵙⴰⵏⴻⵏ ⵉⵏⴰⵥⵓⵔⵏ ⵏⵏⴰ ⴰⴽⴽⵯ ⵉⵙⴽⴰⵔⵏ ⵜⴰⵣⵓⵕⵉ ⵢⴰⴷ ⴳ ⵜⵎⵏⴰⴹⵜ ⴰⴷ ⵏ ⵜⵔⵓⴷⴰⵏⵜ.
ⵉⴳ ⵓⴽⵓⵙ ⴰⴷ ⴰⵥⵓⵕⴰⵏ ⵢⴰⵜ ⵜⴰⵢⵙⵉ ⵏⵏⴰ ⵉⵜⵜⵎⴰⵜⵜⴰⵢⵏ ⵜⴰⵙⵓⵜ ⵙ ⵜⴰⵢⵢⴰⴹ ,ⵔⴰⴷ ⵉⵜⵜⵓⵙⴽⴰⵔ ⴰⵡⴷ ⵢⴰⵏ ⵓⵙⵓⵙⵙⵏ ⵙ ⵉⵎⴰⵙⵙⵏ ⵏⵏⴰ ⵙⵙⵎⵔⴰⵙⵏ ⵉⵎⵔⴽⴰⵣⵏ ⵏ ⵜⴰⵙⴽⵉⵡⵉⵏ , ⴷ ⵓⴼⵙⴰⵔ ⵏ ⵢⴰⵏ ⵓⵙⴰⵔⵓ ⵓⵏⵜⵉⵎ ⴳ ⵉⴳⵔ ⴰⴷ ⵏⵉⵜ.
ⵏⵏⴰⵏ ⵉⵎⵙⵜⴳⴳⴰⵔⵏ ⵏ ⵓⵏⵎⵓⴳⴳⴰⵔ ⴰⴷ ⵎⴰⵙ ⵔⴰⴷ ⵜⴳ ⵜⵙⵙⵓⵜⵍⵜ ⴰⴷ ⵜⵓⵥⵍⴰⵢⵜ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵔⴰⴷ ⵎⵎⴰⵖⵏ ⴰⴼⴰⴷ ⴰⴷ ⵙⵓⵙⵙⵏⴻⵏ ⵙ ⵉⵜⴳⴰⵔⵏ ⴷ ⵡⴰⵜⵉⴳⵏ ⵉⵖⵓⴷⴰⵏ ⵏⵏⴰ ⵉⵍⵍⴰⵏ ⴷⴰⵔ ⵜⴰⵙⴽⵉⵡⵉⵏ ,ⴳ ⵓⵙⵡⵉⵔ ⴰⵏⵎⵏⴰⴹ ⴷ ⵓⵏⴰⵎⵓⵔ ⴰⴼⴰⴷ ⴰⴷ ⴰⴽⴽⵯ ⵙⵙⵏⴻⵏ ⵉⵏⵎⵓⵔⵉⵏ ⴷ ⵉⵎⵣⴷⴰⵖ ⴰⴽⴽⵯ ⵎⴰⵙ ⵜⵥⵍⵉ ⵜⴰⵢⵙⵉ ⴰⴷ ⵏⵏⴰ ⵓⵔ ⵉⵖⵉⵏ ⴰⴷ ⵜⵏⵖⵓⴱⵓ ⵜⴰⵙⵓⵜ ⵙ ⵜⴰⵢⵢⴰⴹ.