ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⴷⴷⵉⴷ ⵅⴼ ⵎⴰⵙ ⴷ ⵉⵇⵇⴰⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵏⵎⵏⴰⴹ ⵅⴼ ⵜⵉⵖⴰⵡⵙⵉⵡⵉⵏ ⵉⵥⵍⵉⵏ ⵙ ⵓⵙⵏⴼⵍ ⵏ ⵓⵏⵣⵡⵉ (ⴰⵙⵉⵡⴹ)

25 ⴽⵟⵓⴱⵕ 2021 Version Imprimable

ⵕⵕⴱⴰⵟ - ⵉⵙⴷⴷⵉⴷ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⵙⵙ ⵏ ⵓⵢⵏⴰⵙ ⴳ ⵕⵕⵢⴰⴹ ⵎⴰⵙ ⴷ ⵉⵇⵇⴰⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵏⵎⵏⴰⴹ ⵅⴼ ⵜⵉⵖⴰⵡⵙⵉⵡⵉⵏ ⵉⵥⵍⵉⵏ ⵙ ⵓⵙⵏⴼⵍ ⵏ ⵓⵏⵣⵡⵉ.

ⵉⵏⵏⴰ ⵢⴰⵏ ⵓⵙⵓⵡⴹ ⵏ ⵜⵏⵙⵙⵓⵅⴼⵜ ⵏ ⵜⵏⴱⵇⴹⵜ ⵎⴰⵙ ⵉⵎⵍⴰ ⵎⴰⵙⵙ ⴰⵅⵏⵓⵛ ⵎⵏⵉⴷ ⵏ ⵓⵏⵎⵓⵇⵇⴰⵔ ⴰⵅⴰⵜⴰⵔ "ⵜⴰⵙⵏⵜⴰⵢⵜ ⵏ ⵍⵇⴱⵍⵜ ⵜⴰⵏⴰⵎⴰⵙⵜ ⵜⴰⵣⴳⵣⴰⵡⵜ" ⵎⴰⵙ ⴷ ⵉⵇⵇⴰⵏ ⴰⴷ ⵎⵓⵏⵜ ⵜⵓⴳⴳⴰⵣ ⵏ ⵓⵎⴰⴹⴰⵍ ⴰⴼⴰⴷ ⴰⴷ ⵜⵢⴰⴼⴰⵏ ⵉⴼⵙⵙⴰⵢⵏ ⵏ ⵜⵎⵓⴽⵔⵉⵙⵉⵏ ⵉⵣⵍⵉⵏ ⵙ ⵓⵙⵙⵥⵕⴼ ⵏ ⵓⵏⵅⵓⵉ .

ⵉⴼⵔⵓ ⵉⵏⵏⴰ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵎⴰⵙ ⵉⴹⴼⵕ ⵍⵎⵖⵔⵉⴱ ⴷⴷⵓ ⵜⵉⵔⴰⵜ ⵜⴰⵙⵜⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⵢⴰⵏ ⵓⴱⵔⵉⴷ ⵉⵖⵓⴷⴰⵏ ⵉⴱⵏⴰⵏ ⵅⴼ ⵜⴰⵎⵢⴰⴷⴰⵙⵜ ⵜⴰⵎⴷⵔⴰⵡⵜ ⵅⴼ ⵜⴰⵙⵔⵜⵉⵜ ⵉⵥⵍⵉⵏ ⵙ ⵓⴱⵣⵡⵉ ⵍⵍⵉ ⵉⵎⴰⵏ ⴷ ⵉⵖⴰⵡⴰⵙⵏ ⵏ ⵜⴰⵙⵜⵔⴰⵜⵉⵊⵉⵜ ⵏ ⵜⴳⵎⵉ ⵜⴰⵙⵓⵍⴰⵏⵜ

ⵉⵙⴰⵡⵍ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵓⵍⴰ ⵎⴰⵙ ⴷⴰⵔ ⵍⵎⵖⵔⵉⴱ ⵢⴰⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵏⵣⵡⵉ 2020-2030 ⵍⵍⵉ ⵉⵔⴰⵏ ⴰⴷ ⵉⵣⵔⵉ ⵍⵎⵖⵔⵉⴱ ⵙ ⵜⴰⴷⴰⵎⵙⴰ ⵍⵍⵉ ⵎⵉ ⵉⴷⵔⵓⵙ ⵍⴽⴰⵔⴱⵓⵏ

ⵉⴽⴽⴰⵜⵏ ⵓⵏⵎⵓⵇⵇⴰⵔ ⴰⵅⴰⵜⴰⵔ "ⵜⴰⵙⵏⵜⴰⵢⵜ ⵏ ⵍⵇⴱⵍⵜ ⵜⴰⵏⴰⵎⴰⵙⵜ ⵜⴰⵣⴳⵣⴰⵡⵜ" ⵉⴱⴰⴷⴰ ⴰⵙⵙⴰ ⵙ ⵜⵎⴷⵔⴰⵡⵜ ⵏ ⵎⴰⵙⵙ ⴰⵅⵏⵓⵛ ⵍⵍⵉ ⵉⵙⵙⵎⴷⵢⴰⵏ ⴱⴰⴱ ⵏ ⵡⴰⴷⴷⵓⵔ ⵖⵎⴽⵍⵍⵉ ⵉⵙⵙⵉⵅⴼ ⴰⴽⴰⴱⴰⵔ ⴰⵎⵖⵔⵉⴱⵉ ⵉⴷⵔⴰⵏ ⴷ ⵓⴳⵔⴰⵡⴰ ⴰⴷ

ⵉⵙⵙⴽⵜⵉ ⵎⴰⵙ ⵓⵎⵙⴰⵙⴰ ⵏ ⴱⴰⵔⵉⵣ ⴷ ⴰⵊⵊⵏⴷⴰ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⵏ ⵜⵎⵜⵜⴰ ⵢⵎⴰⵏⵏ ⵏ ⵓⵙⴳⴳⵯⴰⵙ 2030 ⵏⵏⴰⵏ ⵎⴰⵙ ⵜⵏⵇⵇⵜⵉⵏ ⵉⴷⴷⵓⵔⵏ ⵏ ⵓⵙⴷⵓⵙ ⵏ ⵜⵡⵓⵔⵉ ⵏ ⵓⵏⵣⵡⵉ ⴰⴳⵔⴰⵖⵍⴰⵏ ⴷ ⵓⵙⵏⴼⵍ ⴰⵔ ⵜⴳⵎⵉ ⵉⴹⵔⵏ ⵏ ⵍⴽⴰⵔⴱⵓⵏ ⵓⵍⴰ ⴰⵙⴷⵓⵙ ⵏ ⵜⵏⴰⵢⵜ ⵜⴰⵡⵏⴰⴹⵜ ⴷ ⵓⵙⵔⵙ ⵏ ⵜⴷⵍⵙⴰ ⵏ ⵉⵙⵉⴷⴼ ⴳ ⴽⵓⵍ ⵉⴳⵔⵏ ⵉⴷⴷⵓⵔⵏ ⴳ ⵜⴷⵍⵙⴰ ⵜⴰⵏⴰⵎⵓⵔⵜ

Dernière modification : 25 ⴽⵟⵓⴱⵕ 2021

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8F/%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B5%89%E2%B5%99%E2%B4%B7%E2%B4%B7%E2%B5%89%E2%B4%B7-%E2%B5%85%E2%B4%BC-%E2%B5%8E%E2%B4%B0%E2%B5%99-%E2%B4%B7-%E2%B5%89%E2%B5%87%E2%B5%87%E2%B4%B0%E2%B5%8F-%E2%B5%93%E2%B5%99%E2%B4%B7%E2%B5%93%E2%B5%99-%E2%B5%8F-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B5%99-%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9-%E2%B5%85%E2%B4%BC-%E2%B5%9C%E2%B5%89%E2%B5%96%E2%B4%B0%E2%B5%A1%E2%B5%99%E2%B5%89%E2%B5%A1%E2%B5%89%E2%B5%8F-%E2%B5%89%E2%B5%A5%E2%B5%8D%E2%B5%89%E2%B5%8F