- Accueil
- Activités royales
"ⴽⵓⴼⵉⴷ-19": ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴹⵏ ⵢⴰⵜⵜⵓⵢⵏ ⵏⵏⵙ ⵏ ⵓⵣⵏ ⵏ ⵢⴰⵜ ⵜⵡⵉⵙⵉ ⵜⴰⵎⵙⴰⴼⴰⵔⵜ ⵏ ⵓⵖⴰⵡⵍ ⵉ ⵜⵓⵏⵙ
ⵕⵕⴱⴰⵟ - ⴷⴼⴼⵉⵔ ⵏ ⵓⵅⵛⵏ ⵏ ⵓⵙⵓⵔⵙ ⴰⴱⴰⵢⵢⵓⵕ ⴳ ⵜⵓⵏⵙ, ⵅⴼ ⵜⴰⵇⵇⵍⵓⵢⵜ ⵉⵛⵇⵇⴰⵏ ⵏ ⵍⵄⴷⵡⴰ ⴷ ⵜⵎⵜⵜⴰⵏⵜ ⵉⵣⴷⵉⵏ ⴷ "ⴽⵓⴼⵉⴷ-19", ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵏⴹⵏ ⵢⴰⵜⵜⵓⵢⵏ ⵏⵏⵙ ⴰⴷ ⵜⵜⵓⵣⵏ ⵢⴰⵜ ⵜⵡⵉⵙⵉ ⵜⴰⵎⵙⴰⴼⴰⵔⵜ ⵏ ⵓⵖⴰⵡⵍ ⵉ ⵜⵎⴰⵣⵉⵔⵜ ⵜⴰⵎⴰⵖⵔⴰⴱⵉⵜ ⵓⵍⵜⵎⴰⵜ ⴰⴷ, ⵎⴰ ⵢⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵏ ⵉⵣⴷⵖⵏ ⴳ ⴱⵕⵕⴰ.
ⵜⵉⵡⵉⵙⵉ ⵜⴰⵙⴰⴼⴰⵔⵜ ⴰⴷ ⵜⵙⵎⴰⵏ ⵙⵉⵏ ⵉⴳⵣⵣⵓⵎⵏ ⵏ ⵍⵉⵏⵄⴰⵛ ⵉⵜⵎⵎⴰⵏ ⴷ ⵉⵙⵉⵎⴰⵏⵏ, ⵉⵟⵟⴰⴼⵏ ⵜⵥⵥⵉⴹⵕⴰ ⵏ 100 ⵜⵉⵙⵉ. ⵍⵍⴰⵏ ⴳⵉⵙ ⵙⵓⵍ 100 ⵓⵙⵏⴼⵓⵙ ⴷ ⵙⵉⵏ ⵉⵎⵙⵢⴰⴼⵓⵏ ⵏ ⵍⵓⴽⵙⵉⵊⵉⵏ ⵏ ⵜⵥⵥⵉⴹⵕⴰ ⵏ 33 ⴰⵎⵉⵜⵔⵓ ⴳ ⵜⵙⵔⴰⴳⵜ ⵉ ⴽⵜⴰ ⵢⴳⴰⵜⵜ ⵢⴰⵏ ⴳⵉⵜⵙⵏ. ⵔⴰⴷ ⵜⴷⴷⵓ ⵜⵡⵉⵙⵉ ⵢⴰⴷ ⴰⵎⵎⴰⵙ ⵏ ⵜⵢⵍⴰⵍⵉⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵏ ⵉⴳⵏⵏⴰ, ⵎⴰ ⵢⴰⴷ ⵜⵏⵏⴰ ⵜⵎⴰⵡⴰⵙⵜ.
ⵜⴽⵛⵎ ⵜⵖⵜⴰⵙⵜ ⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵓⵙⴰⵜⵉ ⵏ ⵜⴱⴷⴰⴷⵜ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵜⴰⵜⵓⵏⵙⵉⵜ, ⵓⵍⴰ ⵜⴰⴳⵎⴰⵜ ⵉⵙⵎⴰⵏⵏ ⵙⵉⵏ ⵉⵏⵎⴰⵏⴷ.
Dernière modification : 14 ⵢⵓⵍⵢⵓⵣ 2021