ⴳ ⵜⴱⵔⴰⵜ ⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵙ ⵓⵣⵡⵍ ⵏⵏⵙ ⴰⵎ ⵓⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ, ⵉⴼⴼⵖⵏ ⵙⴳ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵉⵙⵎⴰⵍⵉ, ⵎⴰⵙ ⵓⵔ ⵔⴰⴷ ⵢⴰⵊⵊ ⴽⵔⴰ ⵢⴳⴰⵜⵜ ⵜⵓⴳⴳⴰⵣ ⵅⴼ ⵓⵃⵟⵟⵓ ⵏ ⵜⵎⴰⴳⵉⵜ ⵜⴰⵎⵣⵔⵓⵢⵜ ⴷ ⵜⴰⵇⴱⵓⵕⵜ ⵏ ⵜⵖⵔⵎⵜ ⴰⴷ, ⵎⴰ ⵢⴰⴷ ⵉⴳⴰⵏ ⵢⴰⵏ ⵡⴰⴽⴰⵍ ⵏ ⵜⵓⴷⵔⵜ ⵉⵛⵛⴰⵔⵏ ⴳⵔ ⴽⵕⴰⴹ ⵉⵙⴳⴷⵏ ⵏ ⵜⵜⴰⵡⵃⵉⴷ.
ⵉⵏⵏⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵔⴰⴷ ⵉⵔⵏⵓ ⴰⴷ ⵉⵎⵣⵖ ⵅⴼ ⵓⵙⵓⵔⵙ ⵏ ⵜⵖⵔⵎⵜ ⵏ ⵍⵇⵓⴷⵙ ⴰⵛⵔⵉⴼ ⴷ ⵓⵣⵔⴰⴽ ⵏ ⵜⴷⵔⴼⵉ ⴷ ⵜⵎⵙⴽⵔⵉⵏ ⵜⵉⵙⴳⴷⴰⵏⵉⵏ ⵉ ⵉⵎⴹⴼⴰⵕⵏ ⵏ ⴽⵕⴰⴹ ⵉⵙⴳⴷⵏ ⵏ ⵜⵜⴰⵡⵃⵉⴷ.
ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵙⵔⵙ ⴱⴷⴷⴰ ⵍⵎⵖⵔⵉⴱ ⵜⴰⵎⵙⴰⵔⵜ ⵜⴰⴼⴰⵍⴰⵚⵟⵉⵏⵉⵜ ⴳ ⵓⵏⵙⴰ ⵏ ⵜⵎⵙⴰⵔⵜ ⵏ ⵚⵚⵃⵕⴰ ⵜⵎⵖⵔⴰⴱⵉⵜ, ⴷ ⵎⴰⵙ ⵜⵖⴰⵡⵙⴰ ⵏ ⴱⴰⴱ ⵏ ⵡⴰⴷⴷⵓⵔ ⵉⵔⴰⵏ ⴰⴷ ⵉⵙⴷⴷⵉⴷ ⵜⵎⵖⵔⴰⴱⵉⵜ ⵏ ⵚⵚⵃⵕⴰ ⵓⵔ ⵔⴰⴷ ⵊⵊⵓ ⵜⵜⵓⴽⵙⴰⵔ, ⵙⵡⴰ ⴳ ⴰⵙⵙ ⴰⴷ ⵙⵡⴰ ⵉⵎⴰⵍ, ⴳ ⵓⵏⵙⴰ ⵏ ⵓⵙⴱⴷⴷⵉ ⵏ ⵓⴳⴷⵓⴷ ⴰⴼⴰⵍⴰⵚⵟⵉⵏⵉ ⴰⴼ ⴰⴷ ⵉⵔⴰⵔ ⵉⵣⵔⴼⴰⵏ ⵏⵏⵙ.
ⵉⴼ ⵖⵉⴽⴰⵏⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵡⵏⵙⵙⵉⵅⴼ ⴰⴼⴰⵍⴰⵚⵟⵉⵏⵉ ⵎⴰⵙ ⵔⴰⴷ ⵉⵙⵎⵓⵏ ⵜⵡⴰⵍⴰ ⵜⵉⵙⵙ 21 ⵏ ⵓⴳⵔⴰⵡ ⵏ ⵍⵇⵓⴷⵙ ⴳ ⵍⵎⵖⵔⵉⴱ, ⵍⵍⵉ ⵔⴰⴷ ⵉⴳ ⵉ ⵜⵖⵔⵉ ⵏ ⵉⵎⴰⵙⵙⵏ ⵏ ⵓⵙⴷⴷⵉⴷ ⵏ ⵓⵃⵟⵟⵓ ⵏ ⵓⵙⵓⵔⵙ ⵉⵎⵥⵍⵉⵏ ⵏ ⵜⵖⵔⵎⵜ ⵏ ⵍⵇⵓⴷⵙ.
ⴳ ⵓⵙⴰⵜⵉ ⴷⵖ, ⵔⴰⴷ ⵜⵜⵓⵙⵎⴰⵢⵏⵓⵏ ⵜⵓⵚⴽⵉⵡⵉⵏ ⵏ ⵜⵙⵏⵓⵕⴰⵢⵜ ⵏ ⴱⴰⵢⵜ ⵎⴰⵍ ⵍⵇⵓⴷⵙ ⴰⵛⵛⵔⵉⴼ ⴰⴼ ⴰⴷ ⴷⴰⵔⵜ ⵜⵥⴹⵉⵕ ⴰⴷ ⵜⵔⵏⵓ, ⴷⴷⵓ ⵏ ⵡⴰⴹⵓⴼ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵖⴰⵡⴰⵙⵏ ⵍⵍⵉ ⴰⵔ ⵜⵙⴽⴰⵔ ⴳ ⵉⴳⵔ ⵏ ⵜⴷⵓⵙⵉ ⴷ ⵓⵙⴳⵎⵉ ⴷ ⵜⵎⵣⴷⴰⵖⵜ ⵓⵍⴰ ⴰⴽⴽⵯ ⵎⴰⴷ ⵉⴳⴳⵔⵏ ⵉ ⵡⴼⵔⴷⵉⵙ ⴰⵏⴰⵎⵓⵏ ⵉⵙⵙⴱⵖⵔⵏ ⵉ ⵢⵎⵣⴷⴰⵖⵏ ⵉⴼⵉⵍⵉⵚⵟⵉⵏⵉⵢⵏ ⵏ ⵍⵇⵓⴷⵙ.