ⵔⴰⴷ ⵉⵙⴼⵓⴳⵍⵓ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ ⴰⵙⵙⴽⵜⵉ ⵡⵉⵙⵙ 19 ⵏ ⵉⵏⴰⵡ ⴰⵎⴰⵜⴰⵢ ⵏ ⴰⵊⴷⵉⵔ
ⵕⵕⴱⴰⵟ - ⵉⵏⵏⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵎⴰⵙ ⵔⴰⴷ ⵉⵙⴼⵓⴳⵍⵓ, ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔⴰ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵙⵙⴽⵜⵉ ⵡⵉⵙⵙ 19 ⵏ ⵉⵏⴰⵡ ⴰⴳⵍⴷⴰⵏ ⵢⴰⵜⵜⵓⵢⵏ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴳ ⴰⵊⴷⵉⵔ, ⵍⵍⵉ ⵢⵙⵔⵙ ⵙ ⵓⵣⵎⵎⵣⵓ ⵏⵏⵙ ⵜⴰⵖⵔⴰ ⵜⴰⵛⵔⵉⴼⵜ ⵏⵏⵙ ⴳ ⴹⴹⴰⵀⵉⵕ ⵍⵍⵉ ⵢⵙⵙⵓⴼⵖⵏ ⴷ ⵉⵙⵏⵎⴰⵍⴰⵏ ⴰⵙⵉⵏⴰⴳ ⴷⴷⵓ ⵏ ⵜⵎⵜⴰⵔⵜ "ⵜⴰⵏⴽⵔⴰ ⵙ ⵜⴷⵍⵙⴰ ⵜⴰⵎⴰⵣⵉⵖⵜ ⴷ ⵓⵏⵏⴰⵍ ⵏ ⵉⵎⵙⵢⴰⴼⵓⵏ ⵏⵏⵙ, ⴰⵎⵎⴰⵙ ⵏ ⵉⵎⵉⵙⵏ ⵏ ⵜⴳⵎⵉ".
ⵉⴼⵔⴰ ⵢⴰⵏ ⵓⵙⵉⵡⴹ ⵏ ⵓⵙⵉⵏⴰⴳ, ⴰⵙⵙ ⵏ ⵓⴽⵕⴰⵙ, ⵎⴰⵙ ⴳ ⵓⵙⴰⵜⵉ ⵏ ⵉⵎⴰⴽⵏ ⵏ ⵓⵃⵟⵟⵓ ⵉⵜⵜⵢⵢⵎⴰⵥⵏ ⴷⴰⵜ ⵏ ⵓⴼⵙⵔ ⵏ ⵓⴱⴰⵢⵢⵓⵕ "ⴽⵓⴼⵉⴷ-19", ⴷ ⵙ ⵓⵙⴷⵓⵙ ⵏ ⵉⵙⵡⵓⴷⴷⵓⵏ ⵏ ⵓⵔⴰⵢ ⴷ ⵜⵏⴼⵔⵓⵜ ⵜⴰⴷⵓⵙⴰⵏⵜ ⵏ ⴽⵔⴰ ⵢⴳⴰⵜⵜ ⵢⴰⵏ, ⵔⴰⴷ ⵙⴳⵓⵔⴰⵏ ⵉⵙⴰⵎⴰⵡⴰⵏ ⵏ ⵡⵉⵏⵏⴰ ⵢⵉⵡⵉⵏ ⵜⴰⵙⵎⵖⵓⵔⵜ ⵏ ⵜⴷⵍⵙⴰ ⵜⴰⵎⴰⵣⵉⵖⵜ ⴳ ⴰⴽⴽⵯ ⵉⵙⵎⵍⵏ ⵏ ⵓⵙⴳⴳⵯⴰⵙ 2019, ⴰⵙⵙ ⵏ 16 ⴽⵟⵓⴱⵕ ⴰⴷ, ⴳ ⵓⵙⵉⵜ ⴰⵎⴰⴷⴷⵓⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⵉⵍⵉⴽⵟⵕⵓⵏⵉ (www.ircam.ma) ⴷ ⵉⵎⴰⵙⵙⵏ ⵏ ⵜⵏⵖⵎⴰⵙⵜ ⵢⴰⴹⵏⵉⵏ.