- Accueil
- ⵉⵎⵓⵙⵙⵓⵜⵏ ⵉⴳⵍⴷⵓⵏⵏ
ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵍⵉⴽⴰ ⵜⴰⴼⵓⴳⵍⴰ ⵏ ⵓⵙⵏⵓⴱⴳ ⵙ ⵓⵣⵎⵣⵣⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵚⵚⴰⵍⵉⴱ ⴰⵣⴳⴳⵯⴰⵖ ⴷ ⵡⴰⵢⵢⵓⵕ ⴰⵣⴳⴳⵯⴰⵖ
ⵕⵕⴱⴰⴹ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵍⵉⴽⴰ, ⵜⴰⵏⵙⵙⵉⵅⴼⵜ ⵏ ⵜⵏⵎⴰⵍⴰⵢⵜ ⵏ ⵡⴰⵢⵢⵓⵔ ⴰⵣⴳⴳⵯⴰⵖ ⴰⵎⵖⵕⴰⴱⵉⵢ, ⴰⵙⵙ ⵏ ⵓⵢⵏⴰⵙ ⴳ ⵍⴼⵉⵍⵍⴰ ⵏ ⵓⵙⵏⵓⴱⴳ ⵜⴰⴳⵍⴷⴰⵏⵜ ⴳ ⵕⵕⴱⴰⴹ, ⵜⴰⴼⵓⴳⵍⴰ ⵏ ⵓⵙⵏⵓⴱⴳ ⵙ ⵓⵣⵎⵣⵣⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵚⵚⴰⵍⵉⴱ ⴰⵣⴳⴳⵯⴰⵖ ⴷ ⵡⴰⵢⵢⵓⵕ ⴰⵣⴳⴳⵯⴰⵖ, ⴷ ⵓⵙⵏⵎⴰⵍⴰ ⵏ ⵉⵎⴰⵍ ⴰⵙⵙ ⴰⵏⴰⵎⵓⵔ ⵏ ⵡⴰⵢⵢⵓⵔ ⴰⵣⴳⴳⵯⴰⵖ ⴰⵎⵖⵕⴰⴱⵉⵢ.
ⴷ ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵍⵉⴽⴰ ⵙ ⵓⵣⵎⵣⵣⵓ ⴰⴷ ⵜⴰⴼⴳⵍⴰ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵉⵍⵍⴰ ⴳ ⵜⴼⵓⴳⵍⴰ ⴰⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴱⴷ ⵍⵉⵍⴰⵀ ⴱⵏⴽⵉⵔⴰⵏ, ⴷ ⵛⴰⵢⴳⴰⵏ ⵏ ⵉⴳⵎⴰⵎⵏ ⵏ ⵜⵏⴱⴰⴹⵜ ⴷ ⵉⵡⵔⵉⴽⵏ ⵉⵎⵖⵕⴰⴱⵉⵢⵏ ⴷ ⵉⴱⵕⵕⴰⵏⵉⵢⵏ.
ⴷ ⵉⵜⵜⵓⵢⴰⵙⵏ ⵉⵎⴰⵍ ⴰⵙⵙ ⴰⵏⴰⵎⵓⵔ ⵏ ⵡⴰⵢⵢⵓⵔ ⴰⵣⴳⴳⵯⴰⵖ ⴰⵎⵖⵕⴰⴱⵉⵢ, ⵍⵍⵉ ⵉⵜⵜⵓⵙⵏⵎⴰⵍⴰⵏ ⴰⵙⴳⴳⵯⴰⵙ ⴰⴷ ⵙ ⵜⵎⴰⵜⴰⵔⵜ ⴰⴷ « ⵜⴰⴳⴳⴰⵍⵜ ⵜⴰⵏⴼⴳⴰⵏⵜ ⴳ ⵓⵎⵓⵙⵙⵓ ⵏ ⵉⵎⵏⵣⴰⵢⵏ ⵉⴷⵙⵍⴰⵏ », ⵙ ⵓⵎⵣⵉⵣⵣⵍ ⵏ ⵓⵊⵊⵉⵢ ⴰⵏⴰⵎⵓⵏ ⵉ ⵛⴰⵢⴳⴰⵏ ⵏ ⵎⵉⴷⵏ ⵉⴳⵯⵏⴰⵏ ⴳ ⵜⵎⵔⵙⵍⵜ ⵏ ⴰⵃⵎⴰⴷ ⴰⵍ ⵏⴰⵀⵢⴰⵏ ⴳ ⵄⵉⵏ ⵄⵜⵉⵇ ⵎⵉ ⴰⵙⵙⵓⵔⵙⵏ ⵏⵏⵙ ⵉⵀⵔⵛ, ⵣⵓⵏⴷ ⴰⵣⵔⴰⵢ ⵏ ⵓⵙⴼⵙⵉ ⵏ ⵓⵊⵓⵢ ⵉⵥⵍⵉⵏ ⵙ ⵜⵎⴰⴹⵓⵏⵜ ⵏ ⵡⴰⵍⵏ ⴷ ⵓⵍ ⴷ ⵓⴱⵟⵟⴰⵏ ⴷ ⵙⴽⵕ.
ⵔⴰⴷ ⵙⵙⴱⵖⵔⵏ ⵉⵎⵓⵙⵙⵓⵜⵏ ⵏ ⵓⵎⵣⵉⵣⵣⵍ ⵏ ⵓⵊⵊⵓⵢ ⴰⵏⴰⵎⵓⵔ ⵍⵍⵉ ⵉⵜⵜⵓⵙⵏⵎⴰⵍⴰⵏ ⵙ ⵓⵎⵢⴰⵡⴰⵙ ⴷ ⵜⵏⴱⴰⴹⵜ ⵜⴰⴷⵖⵕⴰⵏⵜ ⴷ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵜⵎⴰⵡⴰⵙⵜ ⵏ ⵓⴳⵏⵙⵓ, ⵍⵍⵉ ⵔⴰⴷ ⴳⵉⵙ ⵉⵍⵉⵏ ⵓⴳⴳⵯⴰⵔ ⵏ 200 ⵏ ⵓⵙⴰⵜⵉ ⵣⵓⵏⴷ ⵉⴹⴱⵉⴱⵏ ⴷ ⵉⵜⵉⵇⵏⵉⵢⵏ ⴷ ⵓⵎⵙⵙⵓⴳⵓⵔ, ⴷ ⵓⴳⴳⵯⴰⵔ ⵏ 4000 ⵏ ⵓⴼⴳⴰⵏ.
Dernière modification : 12 ⵎⴰⵢⵢⵓ 2015