ⴰⵎⵎⴰⵙ ⵏ ⵜⴰⴷⴰⴱⵓⵜ ⵏ ⵓⴷⴷⵓⵔ ⵏⵏⵜ, ⵉⴹⴼⴰⵕ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵢⵍⴰⵢ ⵍⵃⴰⵙⴰⵏ ⵙⵏⴰⵜ ⵏ ⵜⵣⵣⵍⴰⵜⵉⵏ ⵜⵉⴳⵔⴰⵖⵍⴰⵜⵉⵏ ⴰⴷ ⵍⵍⵉ ⵢⴽⵛⵎⵏ ⴳ ⵓⵙⴰⵜⵉ ⵏ ⵓⴳⵔⴰⵡ ⵡⵉⵙⵙ ⴽⵕⴰⴹ ⵏ ⵓⵙⵎⵍⵓⵙⵙⴰⵏ ⵏ ⵜⵏⴱⴰⴹⵜ ⵜⴰⴳⵔⴰⵖⵍⴰⵏⵜ ⵏ ⵜⵉⵣⵣⵍⴰⵏ ⵏ ⵉⵢⵢⵉⵙⵏ ⵉⵖⵕⴰⴱⵏ ⵉⵣⴷⴳⵉⵏ.
ⵉⵔⵉⵎ ⵉⵅⴰⵜⴰⵔⵏ ⵏ ⵜⵙⵎⵖⵓⵔⵜ ⵜⴰⵎⵇⵔⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⵍⵉ ⵢⵙⵎⴰⵏⵏ 1,2 ⵓⵎⵍⵢⵓⵏ ⵏ ⴷⴷⵔⵀⵎ ⴷ ⵉⵜⵜⵓⵙⴽⴰⵔⵏ ⴳ 2.100 ⴰⵎⵉⵜⵔⵓ, ⵢⵉⵡⵉⵜ ⴰⵢⵢⵉⵙ ⴰⵎⵖⵔⵉⴱⵉ ⴷⵊⴰⵔⵏⵉⵣⴰⵎ ⵎⵄⵎⵓⵔⴰ ⵍⵍⵉ ⵜ ⵉⵏⴰⴽⴰⵏ ⵄⴱⴷⵕⵕⴰⵃⵉⵎ ⴼⴹⴹⵓⵍ ⴷ ⵜ ⵉⵟⵟⴰⴼⵏ « ⵊⴰⵍⵓⴱⵉ ⵔⵉⵢⵙⵉⵏ ».
ⵜⵙⵎⵖⵓⵔⵜ ⵜⴰⵎⵇⵔⴰⵏⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵢⵍⴰⵢ ⵍⵃⴰⵙⴰⵏ, ⵍⵍⵉ ⵢⵙⵏⵎⴰⵍⴰⵏ ⴳ ⵢⴰⵏ ⵓⵣⴰⵔⵓ ⵏ 1900 ⵓⵎⵉⵜⵔⵓ ⵙ 800.000 ⴷⴷⵔⵀⵎ, ⵢⵉⵡⵉ ⵜ ⵓⵢⵢⵉⵙ ⴰⵕⵉⵚⵟⵓⵟ ⵏ ⵓⴽⵕⵡⴰⵜⵉ (ⴼⵕⴰⵏⵚ), ⵍⵍⵉ ⵉⵙⵙⵓⴷⵓⵏ ⵊⴰⵡⴰⴷ ⵅⵢⵢⴰⵟ ⴷ ⵉⵟⵟⴰⴼⵏ ⵕⴰⵛⵉⴷⴰ ⵄⵍⵍⴰⵍⵉ.
ⵜⴰⵣⵣⵍⴰ ⵜⴰⴳⵔⴰⵖⵍⴰⵏⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵍⵍⵉ ⵢⵜⵜⵓⵙⴽⴰⵔⵏ ⴳ 1.750 ⵓⵎⵉⵜⵔⵓ ⵙ 700.000 ⴷⴷⵔⵀⵎ, ⵢⵉⵡⵉ ⵜ ⵓⵢⵢⵉⵙ ⵚⴰⵎⵚⴰⵎ ⵍⵅⴰⵍⵉⴷⵉⵢⵢⴰ (ⵙⵙⴰⵄⵓⴷⵢⵢⴰ ⵜⴰⵄⵕⴰⴱⵜ), ⵍⵍⵉ ⵜ ⵉⵙⵙⵓⴷⴰⵏ ⵕⵓⴱⵉⵕⵟⵓ ⴱⵉⵔⵉⵣ ⴷ ⵉⵟⵟⴰⴼⵏ « ⵍⵅⴰⵍⵉⴷⵢⵢⴰ ⵙⵜⵉⵢⴱⵍⵥ ».
ⵍⵍⵉⵖ ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵢⵍⴰⵢ ⵍⵃⴰⵙⴰⵏ, ⵉⵙⵙⵣⵔⵉ ⵢⴰⵏ ⵓⴳⵔⴰⵡ ⵏ ⵉⵏⴹⴰⴼⵏ ⵉⴳⵍⴷⴰⵏ ⵍⵍⵉ ⵢⴰⵜ ⵉⴼⴽⴰⵏ ⵉⴷⴷⵓⵔⵏ, ⴷⴰⵜ ⴰⴷ ⵜ ⵉⵣⵓⵍ ⵓⵎⴰⵡⵙⴰⵙ ⵏ ⵜⵏⴼⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ, ⵄⴰⵣⵉⵣ ⴰⵅⵏⵏⵓⵛ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⴹⴹⴰⵕⵍⴱⵉⴹⴰ ⵜⴰⵎⵇⵕⴰⵏⵜ ⴷ ⵓⵏⴱⴱⴰⴹ ⵏ ⵍⵄⴰⵎⴰⵍⴰ ⵏ ⴹⴹⴰⵕⵍⴱⵉⴹⴰ, ⵄⴰⵣⵉⵣ ⴰⵖⴱⴰⵍⵉ ⵍⵎⵓⵕⴰⴱⵉⵟ, ⴷ ⵓⵏⴱⴱⴰⴹ ⵏ ⵍⵄⴰⵎⴰⵍⴰ ⵏ ⵜⵉⵙⵓⵏⴹⵉⵏ ⵏ ⴰⵏⴼⴰ, ⴽⴰⵔⵉⵎ ⴽⴰⵙⵉ ⵍⵃⵍⵓ ⴷ ⵎⵏⵏⴰⵡ ⵉⵇⵎⴰⵎⵏ ⵢⴰⴹⵏⵉⵏ.
ⵍⵍⵉⵖ ⵜⵎⵎⴰ ⵜⴼⴼⵓⴳⵍⴰ ⵢⴰⴷ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵢⵍⴰⵢ ⵍⵃⴰⵙⴰⵏ ⵜⵉⴽⵓⵙⵉⵏ ⵉ ⵢⴰⵢⵜ ⵉⵢⵢⵉⵙⵏ ⵉⵔⵏⴰⵏ ⵜⵉⵙⵎⵖⵓⵔⵉⵏ ⵜⵉⵎⵇⵔⴰⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵢⵍⴰⵢ ⵍⵃⴰⵙⴰⵏ ⴷ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ.
ⴷⴼⴼⵉ ⵏ ⵖⵉⴽⴰⵏⵏ, ⵢⵓⵎⵥ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵢⵍⴰⵢ ⵍⵃⴰⵙⴰⵏ ⵢⴰⵜ ⵜⵡⵍⴰⴼⵜ ⴰⴽⵜⵜⴰⵢ ⴷ ⴰⵢⵜ ⵉⵢⵢⵉⵙⵏ ⵉⵔⵏⴰⵏ ⵜⵉⵙⵎⵖⵓⵔⵉⵏ.