ⴳ ⵓⵣⵎⵣⵣⵓ ⵢⴰⴷ, ⵙⴽⵔⵏ ⴱⴰⴱ ⵏ ⵜⴰⵜⵜⵓⵢⵜⴰ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⴰⵍⴱⵉⵔ ⵡⵉⵙⵙ ⵙⵉⵏ ⵏ ⵎⵓⵏⴰⴽⵓ ⵢⴰⵏ ⵓⵔⵣⴰⴼ ⵉ ⵡⵎⵎⴰⵙ ⴰⵙ ⴷ ⴹⴼⴰⵕⵏ ⵉⵙⵙⴼⵔⵓⵏ ⵅⴼ ⵜⵡⵓⵔⵉ ⵏ ⵜⵓⵚⴽⵉⵡⵜ ⴰⴷ, ⵍⵍⵉ ⵢⴽⵛⵎⵏ ⴰⵎⵎⴰⵙ ⵏ ⵓⵖⴰⵡⴰⵙ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⵉⴳⵎⵉ ⵜⴰⴼⴳⴰⵏⵜ ⴳ ⵜⵎⵏⴰⴹⵜ ⵏ ⵕⵕⴱⴰⵟ ⵙⵍⴰ ⵣⵎⵎⵓⵔ ⵣⵄⵉⵔ.
ⵉⵕⵥⵎ ⵢⴰⴷⵍⵍⵉ ⴱⴰⴱ ⵏ ⵜⴰⵜⵜⵓⵢⵜⴰ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵏⵙⵙⵉⵅⴼ ⵏ ⵓⴷⴷⵓⵔ ⵏ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵓⵏⵏⴰⵍ ⴷ ⵏ ⵜⵉⵡⵉⵙⵉ ⵏ ⵉⴼⴳⴰⵏⵏ ⵉⵎⴰⴹⵓⵏⵏ ⵙ ⴽⵕⴰⴹ ⵓⴽⵕⵓⵎⵓⵥⵓⵎ, ⴳ ⵢⵓⵏⵢⵓ 2012. ⵢⵓⵎⵥ ⵢⴰⵏ ⵓⵙⴰⵢⵔⴰⵔ ⵏ 1000 ⴰⴽⵉⵍⵓⵎⵉⵟⵕ ⴰⵎⴽⴽⵓⵥ ⴷ ⵉⵥⴹⴰⵕ ⴰⴷ ⵉⵙⵏⵓⴱⴳ 350 ⵓⴼⴳⴰⵏ.
ⵉⵙⴽⵔ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⴰⵍⴱⵉⵔ ⵡⵉⵙⵙ ⵙⵉⵏ ⵏ ⵎⵓⵏⴰⴽⵓ ⵢⴰⵏ ⵓⵔⵣⴰⴼ ⵏ ⴽⵕⴰⴹ ⵡⵉⵙⵙⴰⵏ ⴳ ⵍⵎⵖⵔⵉⴱ, ⵉⵏⵔ ⵢⴰⵏ ⵓⴽⴰⴱⴰⵕ, ⵉⵍⵍⴰⵏ ⴳ ⵉⵜⵙ ⴰⵎⵛⵛⵉⵡⵕ ⵏ ⵜⵏⴱⴰⴹⵜ ⵅⴼ ⵉⵎⵢⴰⵙⵙⴰⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ, ⵊⵓⵥⵉ ⴱⴰⴷⵢⴰ, ⴷ ⴰⵎⵛⵛⵉⵡⵕ ⵏ ⵓⴱⵔⵙⵉⵔⴰ ⵏ ⵓⴳⵍⴷⵓⵏ, ⴷⵉⴷⵢⵉ ⴳⴰⵕⵎⵉⵕⴷⵉⵏⵊⵕ, ⵓⵍⴰ ⵉⵙⵎⴷⵢⴰⵏ ⵏ ⵜⵉⵎⵔⵙⵍⵉⵏ ⵏ ⵎⵓⵏⴰⴽⵓ.