ⴷⴼⴼⵉⵔ ⵍⵍⵉⵖ ⵜⴱⴱⵉ ⵍⴼⵍⵉⵍ ⵉⵏⵉⴳⵍⵏ ⵏ ⵜⵓⵚⴽⵉⵡⵜ ⴰⴷ, ⵜⵔⵣⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴰⴳⵣⵣⵓⵎ ⵉⵎⵃⴹⵉⵏ, ⵣⵓⵏⴷ ⵉⵙⵉⵔⴰⵏ ⵏ ⵓⵏⵙⵙⵉⵅⴼ ⵏ ⵉⵏⵙⵎⴰⴳⴰⵍⵏ ⴷ ⵏ ⵓⵎⵙⴳⵏⴰⴼ ⴷ ⵜⴰⵙⴰⵙⴼⵔⵜ ⴷ ⵉⴳⵔ ⵉⵎⵃⴹⵉⵏ 1 (12 ⵓⵎⵚⵕⵉ) ⴷ ⵉⴳⵔ ⵉⵎⵃⴹⵉⵏ 2 (6 ⵉⵎⵚⵕⵉⵢⵏ).
ⵉⴳⴰ ⵡⵙⵖⵍⴼ ⵏ ⵜⵏⴰⴼⵓⵜ ⴰⴷ ⵉⴼⴽ ⴰⵙⵎⴽⵍ ⵉ ⵜⵎⴰⴹⵓⵏⵜ ⵏ ⵓⴽⵯⵕⵥⵎⵉⵡ ⵏ ⵉⴷⴰⵎⵎⵏ, ⵎⴰⵔⴰⴷ ⵜ ⵉⵙⴽⵔ ⵢⴰⵏ ⵓⴳⵔⴰⵡ ⵏ ⵉⵎⵙⴳⵏⴰⴼⵏ ⵉⵎⵥⵍⴰⵢ, ⵓⵍⴰ ⵓⵙⵉⴳⴳⵍ ⵉⵎⴰⵙⵙⴰⵏⵏ ⴳ ⵉⴳⵔ ⴰⴷ.
ⵢⵓⵛⴽⴰⴷ ⵓⵙⵎⵙⴰⵙⴰ ⵏⵏⵙ ⴳ ⵓⵙⴰⵜⵉ ⵏ ⵢⴰⵜ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⵉⵎⵔⵏⵉⵡⵏ ⴳⵔ ⵜⵉⵎⵔⵙⵍⵜ ⵍⴰⵍⵍⴰ ⵙⵍⵎⴰ, ⴷ ⵓⵙⵇⵇⵉⵎ ⴰⵏⵎⵏⴰⴹ ⵏ ⴹⴹⴰⵕⵍⴱⵉⴹⴰ, ⴷ ⵓⵙⵇⵇⵉⵎ ⵏ ⵍⵄⴰⵎⴰⵍⴰ, ⴷ ⵓⵙⵇⵇⵉⵎ ⵏ ⵜⵎⴷⵉⵏⵜ, ⴷ ⵜⴰⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⵉⴳⵎⵉ ⵜⴰⵏⴼⴳⴰⵏⵜ (ⵉⵏⴷⵉⵢⴰⵛ) ⴷ ⵜⵎⴰⵡⴰⵙⵜ ⵏ ⵜⴰⴷⵓⵙⵉ ⴷ ⴰⵎⵎⴰⵙ ⴰⵎⵙⴳⵏⴰⴼ ⴰⵎⵙⴷⴰⵡ ⵉⴱⵏ ⵕⵓⵛⴷ ⵏ ⴹⴹⴰⵕⵍⴱⵉⴹⴰ.
ⴰⴽⵯⵕⵥⵎⵉⵡ ⵏ ⵉⴷⴰⵎⵎⵏ ⵉⴷⵔⵓⵜ ⴷⴰⵔ ⵉⵄⵢⵢⴰⵍⵏ, ⵉⴳⴳⵓⵜ ⴷⴰⵔ ⵉⵎⵜⵔⵓⴳⵏ ⵍⵍⵉ ⵢⵣⵔⵉⵏ 50 ⵓⵙⴳⴳⵯⴰⵙ. ⵉⵍⵍⴰ ⴳ ⵍⵎⵖⵔⵉⴱ 1.500 ⵓⵎⴷⵢⴰ ⵏ ⴰⴽⵯⵕⵥⵎⵉⵡ ⵏ ⵉⴷⴰⵎⵎⵏ ⴽⵔⴰ ⵢⴳⴰⵜ ⵓⵙⴳⴳⵯⴰⵙ.
ⴰⴳⵣⵣⵓⵎ ⴰⴷ ⵉⴳⴳⴰ ⴰⵎⵣⵡⴰⵔⵓ ⴳ ⵍⵎⵖⵔⵉⴱ, ⵉⵟⵟⴰⴼ 18 ⵜⵉⵙⵉ ⴷ ⵉⵙⵇⵇⵉⵎⵏ ⵉⴼⵔⵉⴷⵏ « ⵉⵣⴷⵉⴳ ». ⵉⵥⴹⴰⵕ ⵓⴳⵣⵣⵓⵎ ⴰⴷ ⴰⴷ ⵉⵙⵏⵓⴱⴳ ⴰⵔ 400 ⴰⵎⴷⵢⴰ ⴰⵎⴰⵢⵏⵓ ⴽⵔⴰ ⵢⴳⴰⵜ ⵓⵙⴳⴳⵯⴰⵙ.
ⴰⴳⵣⵣⵓⵎ ⴰⴷ ⵉⴳⴳⴰ ⴰⵎⵣⵡⴰⵔⵓ ⴳ ⵍⵎⵖⵔⵉⴱ, ⵉⵟⵟⴰⴼ 18 ⵜⵉⵙⵉ ⴷ ⵉⵙⵇⵇⵉⵎⵏ ⵉⴼⵔⵉⴷⵏ « ⵉⵣⴷⵉⴳ ». ⵉⵥⴹⴰⵕ ⵓⴳⵣⵣⵓⵎ ⴰⴷ ⴰⴷ ⵉⵙⵏⵓⴱⴳ ⴰⵔ 400 ⴰⵎⴷⵢⴰ ⴰⵎⴰⵢⵏⵓ ⴽⵔⴰ ⵢⴳⴰⵜ ⵓⵙⴳⴳⵯⴰⵙ.
ⵜⵇⵇⴰⵎⴰ ⵜⵓⵚⴽⴰ ⵏ ⵓⴳⵣⵣⴰⵎ ⴰⴷ ⵜⴰⵎ ⵉⵢⵢⵉⵔⵏ ⵏ ⵜⵖⴰⵡⵙⴰ ⵙ ⵢⴰⵏ ⴰⵜⵉⴳ ⴰⵖⵣⵓⵔⴰⵏ ⵏ 10 ⵓⵎⵍⵢⵓⵏ ⵏ ⴷⴷⵔⵀⵎ.
ⵍⵍⵉⵖ ⵜⵍⴽⵎ ⵙ ⵚⴱⵉⵟⴰⵕ ⵏ 20 ⵖⵓⵛⵜ 1953, ⵜⵙⵙⵣⵔⵉ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵢⴰⵏ ⵓⴳⵔⴰⵡ ⵏ ⵜⴰⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⴷⴷⵓⵔ, ⴷⴰⵜ ⴰⴷ ⵜ ⵉⵣⵣⵓⵍ ⵓⵎⴰⵡⵙⴰⵙ ⵏ ⵜⴷⵓⵙⵉ, ⵍⵃⵓⵙⵉⵏ ⵍⵡⵕⴷⵉ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⴹⴹⴰⵕⵍⴱⵉⴹⴰ ⵜⴰⵎⵇⵕⴰⵏⵜ ⴷ ⴰⵏⴱⴱⴰⴹ ⵏ ⵍⵄⴰⵎⴰⵍⴰ ⵏ ⴹⴹⴰⵕⵍⴱⵉⴹⴰ, ⵅⴰⵍⵉⴷ ⵙⴰⴼⵉⵔ, ⴷ ⵎⵏⵏⴰⵡ ⵉⴳⵎⴰⵎⵏ ⵢⴰⴹⵏⵉⵏ.