ⵉⵏⵏⴰ ⵢⴰⵏ ⵓⵙⵉⵅⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙ ⵙⴰⵡⵍⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⴽⴰⴱⴰⵔ ⴰⴷ ⴳ ⵍⴱⴷⵓ ⵏ ⵓⵏⵎⵓⵇⵇⴰⵔ ⵍⵍⵉ ⵉⴽⵛⵎⵏ ⴳ ⵉⴳⵔ ⵏ ⵓⵔⵣⴰⴼ ⵏ ⵜⵡⵓⵔⵉ ⵏ ⵓⴽⴰⴱⴰⵔ ⵉ ⵜⴳⵍⴷⵉⵜ ⵅⴼ ⵎⵢⴰⵡⴰⵙ ⵉⵛⵛⵇⵔⵏ ⴳⵔ ⵜⵉⵎⵉⵣⴰⵔ ⵙⵏⴰⵜ ⴳ ⵉⴱⵔⴰⵏ ⵎⵏⵏⴰⵡ ⵙⵙⵓⵙⵎⵏ ⵓⵍⴰ ⴰⴱⵔⵉⴷ ⵍⵍⵉ ⵓⵎⵥⵏ ⵓⵙⵏⴼⴰⵍⵏ ⵏ ⵜⵙⴱⴱⴰⴱⵜ ⴳⵔ ⵜⵉⵎⵉⵣⴰⵔ ⵙⵏⴰⵜ ⵍⵍⵉ ⵉⵖⵍⵉⵏ ⵙⴳ 43.3 ⵎⵍⵢⴰⵕ ⵏ ⴷⴷⵔⵀⵎ ⴳ ⵓⵙⴳⴳⴰⵙ ⵏ 2021 ⴰⵔ 68.9 ⵏ ⵎⵍⵢⴰⵕ ⵏ ⴷⴷⵔⵀⵎ.
ⵉⵏⵏⴰ ⵓⴰⵙⴳⵎⴰ ⴷ ⵓⵍⴰ ⵎⴰⵙ ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⴽⴰⴱⴰⵔ ⴰⴷ ⵍⵍⵉ ⵎⵉ ⵉⵃⴰⴹⵕ ⵓⵎⴰⵡⵙⴰⵙ ⴰⵎⵖⵔⵉⴱⵉ ⵏ ⵓⵙⵏⴼⵍ ⵏ ⵟⵥⴹⴰⵕⵜ ⴷ ⵜⵉⴳⵎⵉ ⵜⴰⵙⵓⵍⴰⵏⵜ ⴷ ⵓⵎⴰⵡⵙⴰⵙ ⴰⵎⵖⵔⵉⴱⵉ ⵉⵥⵍⵉⵏ ⵙ ⵓⵙⵙⴰⵔⵓ ⴷ ⵓⵣⴷⴰⵢ ⴷ ⵜⴰⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ ⴷ ⵓⵎⵙⵣⴰⴷ ⴰⵎⵉⵔⵉⴽⴰⵏⵉ ⴳ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⵎⴰⵙ ⵉⵥⴹⵕ ⵍⵎⵖⵔⵉⴱ ⴰⴷ ⵉⴳ ⴰⴱⵔⵉⴷ ⵏ ⵉⵙⵙⵓⵔⴰ ⵏ ⵎⵉⵔⵉⴽⴰⵏ ⴳ ⵉⴼⵔⵉⵣⵢⴰ ⴳ ⵜⴰⵎⴷⵔⴰⵡⵜ ⵉⵙⵙⵔⴱⵃⵏ ⵜⵉⵎⵉⵣⴰⵔ ⵙⵏⴰⵜ.
ⵉⵔⵏⵓ ⵉⵏⵏⴰ ⵎⴰⵙ ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵉⵙ ⴱⴷⴷⵏ ⵉⵎⵢⴰⵙⵙⴰⵏ ⴳⵔ ⵕⵕⴱⵏⴰⵟ ⴷ ⵡⴰⵛⵉⵏⵟⵓⵏ ⵅⴼ ⵓⵎⵙⴰⵙⴰ ⵉⴷⵓⴷⵏ ⵅⴼ ⵎⵏⵏⴰⵡ ⵉⵙⴷⴰⵡⵏ ⵉⵏⵎⵏⴰⴹⵏ ⴷ ⵉⴼⵔⴰⵖⵍⴰⵏⵏ ⵉⵎⵍⴰ ⵓⵍⴰ ⴰⴷⴷⵓⵔ ⵏ ⵍⵎⵖⵔⵉⴱ ⴷ ⵜⵎⴷⵔⴰⵡⵜ ⵏⵏⵙ ⴳ ⵓⵙⴷⵓⴷ ⵏ ⵍⵉⵙⵜⵉⵇⵔⴰⵔ ⴳ ⵉⵥⵥⵍⴹ ⵏ ⵉⴳⵔⵉⵇⵢⴰ ⴷ ⵛⵛⵔⵇ ⵏ ⵜⵓⵥⵥⵓⵎⵜ .
ⴳ ⵎⴰⴷ ⵉⵥⵍⵉⵏ ⵙ ⵓⵙⴷⴰⵡ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ ⵉⵙⵏⵉⵎⵎⵔ ⵎⴰⵙⵙ ⴰⵅⵏⵓⵅ ⵍⵎⴰⵡⵇⵉⴼ ⵏ ⵎⵉⵔⵉⴽⴰⵏ ⵙⵍⴰⵡⴰⵏ ⴰⴽⴽⵯ ⴳ ⵜⵉⴳⵉⵔⴰ ⵏ ⵓⵙⴳⴳⵯⴰⵙ 2020 ⵍⵍⵉⵖ ⵜⵏⵏⴰ ⵎⴰⵙ ⵉⴳⴰ ⵡⴰⴽⴰⵍ ⵏ ⵍⵎⵖⵔⵉⴱ ⵢⴰⵏ ⴷ ⵜⵏⵏⴰⵍ ⵓⵍⴰ ⴰⵖⴰⵡⴰⵙ ⵏ ⵍⵃⴽⵎ ⴷⴷⴰⵜⵉ ⵍⵍⵉ ⵉⴳⴰⵏ ⴰⴼⵙⵙⴰⵢ ⵉⵖⵓⴷⴰⵏ ⵉ ⵜⴰⵎⵉⴽⵔⵉⵙⵜ ⴰⴷ.
ⴳ ⵓⵏⵎⵉⵇⵇⴰⵔⴰ ⴷ ⵙⴰⵡⵍ ⵉⵎⵙⵜⴳⴳⴰⵔⵏ ⵏ ⵜⵎⵉⵣⴰⵔ ⵙⵏⴰⵜ ⵓⵍⴰ ⵅⴼ ⵉⵎⵢⴰⵙⵙⴰⵏ ⵍⵍⵉ ⴷⴰⵔ ⵉⵍⵍⴰ ⵓⵎⵣⵔⵓⵢ ⴰⵇⴱⵓⵔ ⴳⵔ ⵍⵎⵖⵔⵉⴱ ⴷ ⵓⵡⴰⵏⴽ ⵏ ⵎⵉⵔⵉⴽⴰⵏ ⵍⵍⵉ ⵉⴳⴰⵏ ⵉⵎⴷⴷⵓⴽⴰⵍ ⵙⴳ ⵏ ⵓⵙⵙⴳⵎⴹ ⵏ ⵓⵎⵙⴰⵙⴰ ⵏ ⵙⵙⵍⴰⵎⵜ ⴷ ⵜⵉⴷⴷⵓⴽⵍⴰ ⵜⴰⵎⵖⵔⵉⴱⵉⵜ ⵜⵎⵉⵔⵉⴽⴰⵏⵉⵜ ⴰⵙⴳⴳⴰⵙ ⵏ 1787 ⵍⵍⵉ ⵉⴳⴰⵏ ⴰⵎⵙⴰⵙⴰ ⴰⵇⴱⵓⵔ ⵏ ⵎⵉⵔⵉⴽⴰⵏ ⴷ ⵢⴰⵜ ⵜⵎⴰⵣⵉⵔⵜ ⵏ ⴱⵕⵕⴰ .