ⵉⴼⵔⴰ ⵎⴰⵙⵙ ⴱⵓⵕⵉⵟⴰ ⴳ ⵜⵉⵏⴰⵡⵜ ⵏ ⵜⵏⵖⵎⴰⵙⵜ ⵉⵜⵜⵓⴷⵔⴰⵏ ⴷ ⵓⵎⴰⵡⴰⵙ ⵏ ⵓⵕⵓⴱⴱⴰ ⴷ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴰⴼⵕⴰⵏⵚⴰⵡⵉ ⵙⵜⵉⴼⴰⵏ ⵙⵉⵊⵓⵔⵏⵉ ⴷⴼⴼⵉⵔ ⵏ ⵉⵎⴹⴰⴽⴰⵔ ⵏⵙⵏⵏ ⵎⴰⵙ " ⵕⵕⴱⴰⵟ ⴷ ⴱⴰⵔⵉⵣ ⵖⵓⵔⵙⵏ ⵜⵣⴷⴰⵢⵉⵏ ⵏ ⵓⵡⴰⵏⴽ ⴰⵔ ⵓⵡⴰⵏⴽ ⵉⴱⵉⴷⴷⵏ ⵅⴼ ⵉⵙⴱⵖⵓⵔⵏ ⵉⵜⵜⵓⴷⵔⴰⵏ ⴳ ⵎⵛⵜⴰ ⵏ ⵉⴳⵔⵏ ⵎⴽⵍⵍⵉ ⵉⵜⵜⵓⵖⵔⴰⵏ ⴰⴷ ⵙⵎⴰⵢⵏⵓⵏ ⵉⵅⴼ ⵏⵙⵏⵏ ⴳ ⵓⵙⴰⵜⵉ ⵏ ⵓⵣⵔⴰⴽ ⵉⵛⵛⴰⵔⵏ ⴷ ⵓⵣⴷⴷⵓⵢ ⴰⴷⴷⵓⵙ ⵉⵣⵎⵎⵉⵎ ⵎⴰⵙ ⴼⵕⴰⵏⵚⴰ ⴰⵎⴷⵔⴰⵡ ⴰⵎⵥⵍⵉ ⵏ ⵍⵎⵖⵔⵉⴱ ⴳ ⵓⵙⵡⵉⵔ ⴰⵙⵔⵜⴰⵏ ⴷ ⵓⴷⵎⵙⴰⵏ ⴷ ⵓⵏⴼⴳⴰⵏ .
ⵉⵙⵓⵍ ⵉⵏⵏⴰ ⵎⴰⵙ ⵉⵎⵢⴰⵙⵙⴰⵏ ⵉⵙⵉⵏⵔⴰⵏ " ⵉⵍⵍⴰⵏ ⴳ ⵓⵣⵎⵣ ⴰⵙⵎⴰⵢⵏⵓ ⴷ ⵓⵙⴱⵓⵖⵍⵓ ⴳ ⵜⵓⵎⴰⵢⵜ ⴷ ⵜⵎⴷⵢⴰⵙⵉⵏ ⴷ ⵉⵎⵙⴽⴰⵔⵏ ⵎⵔⴰ ⴰⴷ ⵜⵎⵓⵏ ⴰⴽⴷ ⵏ ⵉⵙⴱⵓⵖⵍⵓⵏ ⵏⵏⴰ ⵉⵙⵙⵏ ⵓⵙⵢⵔⴰⵙ ⴰⵎⴰⴹⵍⴰⵏ ⴷ ⵉⵙⵏⴼⴰⵍⵏ ⵏ ⵜⵎⵉⵣⴰⵔ".
ⵉⵣⵎⵎⵉⵎ ⵎⴰⵙ ⴰⵔⵣⴰⴼ ⵏ ⵎⴰⵙⵙ ⵙⵉⵊⵓⵔⵏⵉ ⵉ ⵍⵎⵖⵔⵉⴱ ⵜⴽⵛⵎ ⴳ ⵓⵙⴰⵜⵉ ⵏ ⵜⵉⵔⴰⵜ ⵓⵔⴳⴳⵉⴳ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵉⵎⴰⵏⵡⵉⵍ ⵎⴰⴽⵔⵓⵏ ⴰⴷ ⵉⵣⵔⵉⵏ ⵙ ⵜⴰⴷⵔⴰⵡⵜ ⵜⴰⵙⵉⵏⵔⴰⵏⵜ ⵖⵔ ⴷⴰⵜ .