ⵖⵉⴽⴰⴷ, ⵜⵏⵏⴰ ⵜⵙⵏⵖⵎⴰⵙⵜ ⵜⴰⴽⵓⵢⴰⵙⵜ "ⵎⴰⵕⴽⴰ" ⵎⴰⵙⴷ "ⵉⵍⵍⴰ ⴰⴷⵍⵉ ⵓⵏⴰⵔⵓⵣ ⵉⴳⴳⵓⴷⵏ ⴼⴰⴷ ⴰⴷ ⵏⵥⵕ ⵜⴰⵔⴰⴱⴱⵓⵜ ⵏ ⵍⵎⵖⵔⵉⴱ, ⵍⵍⵉ ⵉⵙⴽⵔⵏ ⵢⴰⵜ ⵜⵢⴰⴼⵓⵜ ⵉⴼⵓⵍⴽⵉⵏ ⴳ ⵓⵎⵓⵏⴹⵢⴰⵍ ⵏ ⵇⴰⵟⴰⵕ, ⵜⵓⵔⴰⵔ ⴳ ⵓⵎⵃⵉⵣⵡⴰⵔ ⴰⴷ ⵏ ⵜⴼⵔⵉⵇⵜ, ⴷ ⵉⵙⴽⵔ ⵓⵔⴰⵔ ⵍⵍⵉ ⵙ ⴳⵉⵙ ⵏⵇⵇⵍ", ⵜⵙⵎⴷ ⵎⴰⵙⴷ ⵉⴳⵔⵣⴰⵎⵏ ⵏ ⵡⴰⵟⵍⴰⵕ ⵙⵙⵓⵎⴰⵏⵏ ⵣⴳ ⵡⴰⵙⵙ ⴰⵎⵣⵡⴰⵔⵓ ⵎⴰⵙ ⵣⵎⵔⵏ ⴰⴷ ⴰⵡⵉⵏ ⴰⴽⴰⵙ ⵍⵍⵉⵖ ⵏⵏⵔⴰⵏ ⵟⴰⵏⵥⴰⵏⵢⴰ ⵙ (3-0).
ⵜⴰⵔⴰ ⴷⴰⵖ ⵜⵙⵏⵖⵎⴰⵙⵜ ⴰⴷ "ⵍⵎⵖⵔⵉⴱ ⵉⴳⴰ ⵏⵏ ⵜⵓⴳⴳⴰⵙ ⵏⵏⵙ ⵎⵏⵉⴷ ⵏ ⵜⴰⵏⵥⴰⵏⵢⴰ, ⵎⵇⵇⴰⵔ ⴰⴷⵍⵉ ⵢⵓⵎⴰⵏ ⵉⵙ ⵜⵏ ⵜⵓⴳⵔ ⵍⵎⵖⵔⵉⴱ ⴳ ⵓⵙⵡⵉⵔ ⵏ ⵜⵓⵡⵊⵊⴰ", ⵜⵎⵍ ⵎⴰⵙⴷ ⵜⴰⵔⵏⴰⵡⵜ ⴰⴷ ⵉⵎⵇⵇⵓⵕⵜ ⵍⵍⵉ ⵙⴽⵔⵏ ⵜⴰⵔⵡⴰ ⵏ ⵡⴰⵍⵉⴷ ⵔⴳⵔⴰⴳⵉ "ⵉⴳⴰ ⵡⴰⴷ ⴰⴽⴽⵯ ⵉⴼⵓⵍⴽⵉⵏ ⴳ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ".
ⵣⴳ ⵜⵙⴳⴰ ⵏⵏⵙ ⵜⵓⵔⴰ ⵜⵙⵏⵖⵎⴰⵙⵜ "ⴰⵙ" ⵏ ⵎⴰⴷⵔⵉⴷ, ⵎⴰⵙⴷ ⵍⵎⵖⵔⵉⴱ "ⵉⵙⴽⵔ ⵢⴰⵏ ⵓⵙⵙⵏⵜⵉ ⴱⴰⵀⵔⴰ ⵉⴼⵓⵍⴽⵉⵏ ⴳ ⵓⴽⴰⵙ ⵏ ⵜⵎⵓⵔⴰ ⵏ ⵜⴼⵔⵉⵇⵜ 2023", ⵜⵉⵏⵉ ⵎⴰⵙⴷ "ⵉⴳⵔⵣⴰⵎⵏ ⵏ ⵡⴰⵟⵍⴰⵚ ⵏⵜⵏⵉ ⴰⴷ ⴷⴰⵔ ⴰⵏⵏⴰⵥ ⵉⴳⴳⵓⵜⵏ ⴼⴰⴷ ⴰⴷ ⴰⵡⵉⵏ ⴰⴽⴰⵙ ⴰⴷ, ⴰⵛⴽⵓ ⵓⵔⴰⵔⵏ ⵎⵣⵢⴰⵏ".
ⵜⵉⵏⵉ ⵎⴰⵙⴷ "ⵍⵎⵖⵔⵉⴱ ⵜⴽⴽⴰ ⴱⴰⵀⵔⴰ ⵅⴼ ⵜⴰⵏⵥⴰⵏⵢⴰ", "ⴰⵡⴷ ⴰⵃⵟⵟⴰⵢ ⵢⴰⵙⵉⵏ ⴱⵓⵏⵓ ⵓⵔ ⵜ ⵉⵏⵏ ⴰⴽⴽⵯ ⵜⵉⵡⴹ ⵜⵡⵊⵊⴰ".
ⵜⵎⵍ "ⴰⵙ" ⵎⴰⵙⴷ ⵜⴰⵔⴰⴱⴱⵓⵜ ⵍⵍⵉ ⵉⵙⵙⵓⵏⵓⵏ ⵡⴰⵍⵉⴷ ⵔⴳⵔⴰⴳⵉ, ⴰⵎⵓⵔⴰⵔ ⵏ "ⵔⴰⵙⵉⵏⴳ ⵙⴰⵏⵜⴰⵏⴷⵉⵔ" ⵙ ⵉⵣⵡⴰⵔ, ⴷⴰⵔⵙ ⵜⵉⵣⵎⵎⴰⵔ ⴼⴰⴷ ⴰⴷ ⵉⵙⴽⵔ ⵢⴰⵜ ⵜⵢⴰⴼⵓⵜ ⵉⴼⵓⵍⴽⵉⵏ ⴳ ⵓⵎⵃⵉⵣⵡⴰⵔ ⵏ ⵓⴽⴰⵙ ⵏ ⵜⴼⵔⵉⵇⵜ, ⴰⵛⴽⵓ ⵍⵍⴰⵏ ⴷⴰⵔⵙ ⵉⵎⵓⵔⴰⵔⵏ ⴷⴰⵔ ⵜⵉⵔⵎⵉⵜ ⵣⵓⵏⴷ ⵃⴰⴽⵉⵎⵉ, ⵙⴰⵢⵙ, ⵣⵢⴰⵛ ⴷ ⵓⵎⵕⴰⴱⵟ, ⵉⵍⵉⵏ ⵡⵉⴷ ⵎⵥⵥⵉⵏ ⵣⵓⵏⴷ ⵣⵍⵣⵓⵍⵉ, ⴱⵉⵍⴰⵍ ⵍⵅⵏⵏⵓⵙ ⴷ ⴰⵎⵉⵏ ⵄⴷⵍⵉ ⵍⵍⵉ ⵢⵓⵜⵏ ⵜⴰⵡⵊⵊⴰ ⵉⴳⴳⵓⵔⴰⵏ ⴳ ⵓⵎⵃⵉⵣⵡⴰⵔ ⴰⴽⴷ ⵟⴰⵏⵥⴰⵏⵢⴰ.
ⵜⵙⵙⵏⵜⴰ ⵜⵉⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵖⵔⵉⴱⵉⵜ ⴰⴱⵔⵉⴷ ⵏⵏⵙ ⴳ ⵓⴽⴰⵙ ⵏ ⵜⴼⵔⵉⵇⵜ (ⴽⵓⴷⵉⴼⵡⴰⵔ 2023) ⵙ ⵜⵔⵏⴰ ⵅⴼ ⵜⵔⴰⴱⴱⵓⵜ ⵏ ⵜⴰⵏⵥⴰⵏⵢⴰ (3-0), ⴳ ⵓⵎⵃⵉⵣⵡⴰⵔ ⵍⵍⵉ ⵜⵏ ⵉⵙⵎⵓⵏⵏ, ⵜⴰⴷⴳⴳⵯⴰⵜ ⵏ ⵉⴹⴳⴰⵎ ⵏ ⵓⴽⵡⴰⵙ, ⴳ ⵓⴱⴰⵔⴰⵣ ⵏ ⵍⵓⵕⴰⵏ ⴱⵓⴽⵓ ⴳ ⵙⴰⵏ ⴱⵉⴷⵔⵓ, ⵙ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵔⴰⵔⵏ ⵏ ⵜⵔⴰⴱⴱⵓⵜ ⵜⵉⵙⵙ ⵚⴹⵉⵚⵜ.
ⴹⴰⵕⵜ ⵏ ⵓⵔⴰⵔⵏ ⵏ ⵓⵏⵏⵓⵕⵥⵎ, ⵜⴳⴰ ⵜⵔⴰⴱⴱⵓⵜ ⵏ ⵍⵎⵖⵔⵉⴱ ⵜⴰⵎⵣⵡⴰⵔⵓⵜ ⴳ ⵜⵔⴰⴱⴱⵓⵜ ⵜⵉⵙⵙ ⵚⴹⵉⵚⵜ ⵙ ⴽⵕⴰⴹⵜ ⵜⵏⵇⵇⴰⴹ, ⴹⴼⵕⵏ ⵜⵜ ⵉⴷ ⵜⵔⵓⴱⴱⴰ ⵏ ⴽⵓⵏⴳⵓ ⵜⴰⴷⵉⵎⵓⴽⵔⴰⵙⵉⵜ ⴷ ⵥⴰⵎⴱⵢⴰ (ⵢⴰⵜ ⵜⵏⵇⵇⵉⴹⵜ ⵉ ⴽⵔⴰ ⵉⴳⴰⵜ ⵢⴰⵜ ⴳⵉⵙⵏⵜ), ⴼⴰⴷ ⵙ ⵜⵔⴰⴱⴱⵓⵜ ⵏ ⵜⴰⵏⵥⴰⵏⵢⴰ (ⴰⵎⵢⴰ ⵏ ⵜⵏⵇⵇⴰⴹ).