ⴳ ⵢⴰⵜ ⵜⴳⵓⵔⵉ ⵏⵏⵙ ⴳ ⵓⴳⵔⴰⵡ ⵓⵏⴱⵉⴹ, ⵉⵏⵏⴰ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵎⴰⵙⴷ ⵙⴳ ⴰⵙⵙ ⵏ 28 ⴷⵓⵊⴰⵏⴱⵉⵔ ⴰⴷ ⵔⴰⴷ ⴰⵎⵥⵏ ⵎⴰⴷ ⵉⵜⵜⴳⴳⴰⵏ ⵎⵍⵢⵓⵏ ⵏ ⵜⵡⵊⴰ ⵏⵏⴰ ⴳ ⵍⵍⴰⵏⵜ ⵜⴼⴰⴷⵉⵡⵉⵏ ⵏ ⵡⴰⵍⵓⴳ ⴰⵏⴰⵎⵓⵏ ⵎⴰⴷ ⵉⵜⵜⴳⴳⴰⵏ 3,5 ⵎⵍⵢⵓⵏ ⵏ ⵓⵎⵖⵔⵉⴱⵉ ⴰⴷⵡⴰⵍ ⴰⵎⵣⵡⴰⵔⵓ ⵏ ⵡⴰⵏⵏⴰⵍ ⴰⵏⴰⵎⵓⵏ ⵏⵏⴰ ⵉⴳⴰⵏ 500 ⴷⵔⵀⵎ ⵉ ⵜⵡⵊⴰ ⵏⵏⴰ ⵢⵓⵣⵏⵏ ⴰⵙⵙⵓⵜⵔ ⵓⵔⵜⴰ ⵉⵍⵍⵉ ⵡⴰⵙⵙ ⵏ 10 ⴷⵓⵊⴰⵏⴱⵉⵔ.
ⵉⵣⴰⵢⴷ ⵎⴰⵙⵙ ⴰⵅⵏⵓⵛ ⵉⵏⵏⴰ ⵎⴰⵙⴷ ⴰⴽⴽⵯ ⵜⴰⵡⵊⵉⵡⵉⵏ ⵏⵏⴰ ⵉⵙⵔⵙⵏ ⴰⵙⵙⵓⵜⵔ ⵔⴰⴷ ⴰⵎⵣⵏⵜ ⴰⵏⵏⴰⵍ ⴳ ⵡⴰⵢⵢⵓⵔ ⵏ ⴷⵓⵊⴰⵏⴱⵉⵔ ⴷ ⵉⵏⵏⴰⵢⵔ, ⵉⵏⵏⴰ ⵎⴰⵙⴷ ⴰⵏⵏⵓⵕⵥⵎ ⵏ ⵓⵙⵙⵓⵜⵔ ⵉⵙⵓⵍ ⵙⵓⵍ ⵉ ⵜⴰⵡⵊⵉⵡⵉⵏ ⵏⵏⴰⵖ ⵍⵍⴰⵏⵜ ⵜⴼⴰⴷⵉⵡⵉⵏ ⵜⵉⵏⴰⵎⵓⵏⵉⵏ ⴰⴼⴰⴷ ⴰⴷ ⴰⵎⵥⵏⵜ ⴰⵏⵏⴰⵍ ⴰⵏⴰⵎⵓⵏ ⵓⵙⵔⵉⴷ .
ⵍⵍⵉⵖ ⵉⵎⵎⵔ ⵙ ⵓⵙⵏⴼⴰⵕ ⴰⴷ ⵓⵏⴱⵉⴹ ⵏ ⵉⵎⴰⵍⴰⵙⵙ ⴰⴷ ⴳ ⵓⵣⵓⵣⵣⵔ ⵏ ⵓⴷⵡⴰⵍ ⴰⵎⵣⵡⴰⵔⵓ ⵏ ⵡⴰⵏⵏⴰⵍ ⵏ ⵜⴰⵡⵊⵉⵡⵉⵏ ⵏⵏⴰⵖ ⵍⵍⴰⵏⵜ ⵜⴼⴰⴷⵉⵡⵉⵏ , ⵉⵏⵏⴰ ⵎⴰⵙⵙ ⴰⵅⵏⵓⵛ ⵎⴰⵙⴷ ⵜⴰⴳⴳⵓⵔⵜ ⵜⴰⵍⵉⴽⵜⵕⵓⵏⵉⵜ www.asd.ma ⴰⵖ ⴰⵖⴷ ⵍⴽⵎⵏ ⵎⴰⴷ ⵉⵜⵜⴳⴳⴰⵏ 1,9 ⵎⵍⵢⵓⵏ ⵏ ⵓⵙⵙⵓⵜⵔ ⴰⵔ ⵓⴽⴰⵏ ⵙⵓⵍ ⵉⵜⵜⵣⴰⵢⴰⴷ ⵓⵟⵟⵓⵏ ⴰⴷ ⴽⵓ ⴰⵙⵙ .
ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵎⴰⵙⵙ ⴰⵅⵏⵓⵛ ⵎⴰⵙⴷ ⴰⵙⴳⴳⵯⴰⵙ ⵏ 2023 ⵉⴳⴰ ⴰⵙⵏⵜⵉ ⵏ ⵓⵙⵏⴼⴰⵕ ⵏ ⵓⵡⴰⵏⴽ ⴰⵏⴰⵎⵓⵏ, ⴷ ⵜⵉⴽⴽⵉ ⵏ ⵉⵙⵓⴳⴰⵎ ⵏ ⵜⴷⵔⵉⵎⵜ ⴰⴼⴰⴷ ⴰⴷ ⵜⵉⵍⵉ ⵜⵏⴼⵍⵉⵜ ⵜⴰⵙⵓⵍⴰⵏⵜ, ⴳ ⵎⴰⴷ ⵉⵥⵍⵉⵏ ⵙ ⵓⵣⵓⵣⵣⵔ ⵏ ⵜⵏⴼⵔⵓⵜ ⴷ ⵡⴰⵏⵏⴰⵍ ⴰⵏⴰⵎⵓⵏⴰⴼⴰⴷ ⴰⴷ ⵜⵜⵓⵙⵏⵉⵍⵏ ⵡⵉⵏⵏⴰ ⴰⴽⴽⵯ ⵉⵙⵖⴰⵡⵙⴰⵏ ⵙ ⵡⴰⵏⵏⴰⵍ ⴷ ⵡⵉⵏ ⵡⴰⵏⵏⴰⵍ ⵏ ⵜⵓⵙⴽⵉⵡⵜ ⵏ ⵜⴰⴷⴷⵔⵡⵉⵏ .
ⴳ ⵎⴰⴷ ⵉⵥⵍⵉⵏ ⵙ ⵓⵙⴳⴳⴷ ⵏ ⵓⵏⵎⴰⵍⵍⵓ ⵏ ⵓⵙⵙⵍⵎⴷ, ⵉⵏⵏⴰ ⵎⴰⵙ ⴰⵅⵏⵓⵛ ⵎⴰⵙ ⵜⵍⵍⴰ ⵜⵉⵍⴰⵍⵜ ⴷⴰⵔ ⵓⵙⵍⵎⴰⴷ ⴰⴼⴰⴷ ⴰⴷ ⵜⵜⵓⵙⴽⵓ ⵢⴰⵜ ⵜⴼⵍⵙⵜ ⴷ ⵉⵙⵍⵎⴰⴷⵏ ⴰⴽⴽⵯ ⵏ ⵡⴰⵎⵓⵏ ⵏⵏⵖ, ⵙⴳ ⵓⵙⴱⵓⵖⵍⵓ ⵏ ⵡⴰⴷⴷⴰⴷ ⵏⵏⵙⵏ ⴰⴷⵔⵉⵎⴰⵏ ⵏⵏⴰ ⵉⵍⵍⴰⵏ ⴳ ⵓⵎⵙⴰⵙⴰ ⵏ 10 ⴷⵓⵊⴰⵏⴱⵉⵔ ⴰⴼⴰⴷ ⴰⴷ ⵉⵜⵜⵓⵙⵎⴰⴷ ⵡⴰⵜⵉⴳ ⵏ 1500 ⴷⵔⵀⵎ ⴽⵓⵏ ⴰⵢⵢⵓⵔ ⵓⵜⵓⵢ ⴰⴷ ⴰⴷ ⵢⴰⵜⵜⵓⵢⵜ ⴰⴽⴽⵯ ⴳ ⵓⵎⵣⵔⵓⵢ ⵏ ⵜⴳⵍⴷⵉⵜ ⵏⵏⴰ ⵔⴰⴷ ⵢⴰⵡⵉ ⴰⵢⵏⵏⴰ ⵉⴳⴰⵏ ⵓⴳⴳⴰⵔ ⵏ 10 ⵉⴷ ⵎⵍⵢⴰⵕ ⵏ ⴷⵔⵀⵎ ⴽⵓⵏ ⴰⵙⴳⴳⵯⴰⵙ .