Published on MAPNews (https://www.mapnews.ma/am)

Accueil > ⵉⵙⵜⴰⵢⵏ ⵏ ⵡⴰⵔⵔⴰⵣ ⴰⵎⴰⴹⵍⴰⵏ 2026 : ⵍⵎⵖⵔⵉⴱ ⴳ ⵜⵔⴰⴱⴱⵓⵜ E ⵜⴰⵎⴰ ⵏ ⵣⴰⵎⴱⵉⵢⴰ ⴷ ⵍⴽⵓⵏⴳⵓ ⴷ ⵜⴰⵏⵥⴰⵏⵢⴰ ⴷ ⵏⵏⵉⵊⵔ ⴷ ⵉⵔⵉⵜⵉⵔⵢⴰ

ⵉⵙⵜⴰⵢⵏ ⵏ ⵡⴰⵔⵔⴰⵣ ⴰⵎⴰⴹⵍⴰⵏ 2026 : ⵍⵎⵖⵔⵉⴱ ⴳ ⵜⵔⴰⴱⴱⵓⵜ E ⵜⴰⵎⴰ ⵏ ⵣⴰⵎⴱⵉⵢⴰ ⴷ ⵍⴽⵓⵏⴳⵓ ⴷ ⵜⴰⵏⵥⴰⵏⵢⴰ ⴷ ⵏⵏⵉⵊⵔ ⴷ ⵉⵔⵉⵜⵉⵔⵢⴰ

13 ⵢⵓⵍⵢⵓⵣ 2023 Version Imprimable
ⴰⴱⵉⴷⵊⴰⵏ - ⵜⴻⵜⵜⵔⵙ ⵜⴰⵢⵙⵖⴰⵔⵜ ⵏ ⵜⵔⵓⴱⴱⴰ ⵏ ⵉⵙⵜⴰⵢⵏ ⵏⵏⴰ ⵉⵣⵔⵉⵏ ⵙ ⵡⴰⵔⵔⴰⵣ ⴰⵎⴰⴹⵍⴰⵏ 2026 ⴳ ⵜⵎⵏⴰⴹⵜ ⵏ ⵜⴼⵔⵉⵇⵜ, ⵍⵎⵖⵔⵉⴱ ⵉⵍⵍⴰ ⴳ ⵜⵔⴰⴱⴱⵓⵜ ⵜⵉⵙⵙ ⵙⵎⵎⵓⵙⵜ (E) ⵜⴰⵎⴰ ⵏ ⵣⴰⵎⴱⵉⵢⴰ ⴷ ⵍⴽⵓⵏⴳⵓ ⴷ ⵜⴰⵏⵥⴰⵏⵢⴰ ⴷ ⵏⵏⵉⵊⵔ ⴷ ⵉⵔⵉⵜⵉⵔⵢⴰ.

ⵜⴻⵜⵜⴰⵡⵙⴽⴰⵔ ⵜⴰⵢⵙⵖⴰⵔⵜ ⴰⴷ ⵏ ⵉⵙⵜⴰⵢⵏ ⵏ ⵎⵓⵏⴷⵉⵢⴰⵍ 2026 ⵏⵏⴰ ⵔⴰⴷ ⵉⵜⵜⵓⵙⵏⵎⵍⴰ ⴳ ⵍⵡⵉⵍⴰⵢⴰⵜ ⵍⵎⵓⵜⵜⴰⵃⵉⴷⴰ ⴷ ⴽⴰⵏⴰⴷⴰ ⴷ ⵍⵎⵉⴽⵙⵉⴽ, ⴰⵙⵙ ⵏ ⴰⴽⵡⴰⵙ ⴳ ⴰⴱⵉⴷⵊⴰⵏ ⴳ ⵍⴽⵓⴷⴷⵉⴼⵡⴰⵔ ⴳ ⵓⴳⵏⵙ ⵏ ⵜⵎⵙⵎⵓⵏⵜ ⵜⴰⴳⴷⵓⴷⴰⵏⵜ ⵜⴰⴼⵔⴰⵔⵜ ⵏ ⵜⴽⵓⵏⴼⵉⴷⵉⵔⴰⵍⵉⵢⵜ ⵜⴰⴼⵔⵉⵇⵉⵜ ⵏ ⵜⵡⵊⵊⴰ ⵏ ⵓⴹⴰⵕ (ⴽⴰⴼ).

ⵏⵏⵓⵕⵣⵎⵏⵜ ⵜⵡⵓⵔⵉⵡⵉⵏ ⵏ ⵜⵎⵙⵎⵓⵏⵜ ⴰⴷ ⵜⴰⵎⴰⵜⵓⵜ ⵙ ⵜⵉⵍⵉⵜ ⵏ ⵏ ⵓⵏⵙⵙⵉⵅⴼ ⵏ ⵜⴽⵓⵏⴼⵉⴷⵉⵔⴰⵍⵉⵢⵜ ⵜⴰⴼⵔⵉⵇⵜ ⵏ ⵜⵡⵊⵊⴰ ⵏ ⵓⴹⴰⵕ ⴱⴰⵜⵔⵉⵙ ⵎⵓⵜⵙⵉⴱⵉ ⴷ ⵓⵏⵙⵙⵉⵅⴼ ⵏ ⵡⴰⵎⵓⵏ ⴰⴳⵔⴰⵖⵍⴰⵏ ⵏ ⵜⵡⵊⵊⴰ ⵏ ⵓⴹⴰⵕ ⵍⴼⵉⴼⴰ ⵊⵉⵢⴰⵏⵉ ⵉⵏⴼⴰⵏⵜⵉⵏⵓ ⴷ ⴼⴰⵡⵣⵉ ⵍⵇⵊⴰⵄ ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵢⵜ ⵏ ⵜⵡⵊⵊⴰ ⵏ ⵓⴹⴰⵕ.

ⵉⵜⵜⴰⵡⵏⵏⴰ ⵎⴰⵙ ⴷ ⵜⴰⵙⵓⵜⵍⵜ ⴰⴷ ⵉⴽⴽⴰⵏ ⴷⴰⵜ ⴷⴰⵔ ⴳⵉⵙ ⵉⵍⵉⵏⵜ 48 ⵏ ⵜⵔⴰⴱⴱⵓⵜ ⵓⵔⴷ ⵖⴰⵙ 32 , ⴷ ⵔⴰⴷ ⵉⵍⵉⵏⵜ ⵜⵥⴰⵜ ⵏ ⵜⵔⵓⴱⴱⴰ ⵏ ⵜⴼⵔⵉⵇⵜ .

ⵔⴰⴷ ⵣⵔⵉⵏⵜ ⵜⵔⵓⴱⴱⴰ ⵏ ⵜⴼⵔⵉⵇⵜ ⵜⵉⵎⵣⵡⵓⵔⴰ ⵏ ⴽⵔⴰ ⵉⴳⴰⵜ ⵜⴰⵔⴰⴱⴱⵓⵜ ⵏ ⵜⵥⴰⵜ ⵜⵔⵓⴱⴱⴰ ⵙ ⵜⴱⵔⵉⴷⵜ ⵜⵓⵙⵔⵉⴷⵜ ⵙ ⵡⴰⵔⵔⴰⵣ ⴰⵎⴰⴹⵍⴰⵏ ⵏ 2026.ⵎⴰⵛⵛ ⵔⴰⴷ ⵀⴹⴹⵔⵏⵜ ⴽⴽⵓⵥⵜ ⵜⵔⵓⴱⴱⴰ ⵜⵉⵎⴰⴼⴰⵢⵉⵏ ⵏⵏⴰ ⴷ ⵉⵇⵇⵉⵎⵏ ⴳ ⵉⵙⵜⴰⵢⵏ ⴰⴷ ⵢⴰⵏ ⵓⵎⵙⵙⵓⵜⵏ, ⵔⴰⴷ ⴳⵉⵙ ⵜⵀⴹⴹⵔ ⵜⵔⴰⴱⴱⵓⵜ ⵜⴰⵎⴰⴼⴰⵢⵜ ⴰⵎⵃⵉⵣⵎⴰⵔ ⵡⵉⵙⵙ ⵙⵉⵏ ⴷ ⵓⵎⴳⴳⴰⵔⵓ ⵏⵏⴰ ⵔⴰⴷ ⵉⵙⴽⵔ ⵡⴰⵎⵓⵏ ⴰⴳⵔⴰⵖⵍⴰⵏ ⵍⴼⵉⴼⴰ ⵙ ⵜⴷⵔⴰⵡⵜ ⵏ ⵙⵎⵎⵓⵙⵜ ⵜⵔⵓⴱⴱⴰ ⵢⴰⴹⵏ .

ⵔⴰⴷ ⵣⵔⵉⵏⵜ ⵙⵏⴰⵜ ⵜⵔⵓⴱⴱⴰ ⴰⴼⴰⴷ ⴰⴷ ⵀⴹⴹⵔⵏⵜ ⴳ ⵓⵎⴳⴳⴰⵔⵓ ⵏ ⵡⴰⵔⵔⴰⵣ ⴰⵎⴰⴹⵍⴰⵏ.

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%89%E2%B5%99%E2%B5%9C%E2%B4%B0%E2%B5%A2%E2%B5%8F-%E2%B5%8F-%E2%B5%A1%E2%B4%B0%E2%B5%94%E2%B5%94%E2%B4%B0%E2%B5%A3-%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F-2026-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3-%E2%B5%9C%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C-e-%E2%B5%9C%E2%B4%B0%E2%B5%8E%E2%B4%B0-%E2%B5%8F-%E2%B5%A3%E2%B4%B0%E2%B5%8E%E2%B4%B1%E2%B5%89%E2%B5%A2%E2%B4%B0-%E2%B4%B7-%E2%B5%8D%E2%B4%BD%E2%B5%93%E2%B5%8F%E2%B4%B3%E2%B5%93-%E2%B4%B7