ⵣⴰⵎⴱⵢⴰ ⵜⵙⵎⴰⵢⵏⵓ ⴰⵡⵏⵏⵉ ⵏ ⵡⴰⵏⵏⴰⵍ ⵏⵏⵙ ⵉ ⵓⵙⵏⴱⴹ ⴰⵏⵉⵎⴰⵏ ⵎⴰⵙ ⵉⴳⴰ ⴰⴼⵙⵙⴰⵢ ⴰⵙⵔⵜⴰⵏ ⵉⴷⵓⵙⵏ ⵉ ⵜⵏⵣⵔⵓⴼⵜ

30 ⵎⴰⵢⵢⵓ 2023 Version Imprimable

ⵕⵕⴱⴰⵟ - ⵜⵙⵎⴰⵢⵏⵓ ⵣⴰⵎⴱⵢⴰ ⴰⵙⵙ ⵏ ⵓⵙⵉⵏⴰⵙ ⴰⵏⵏⴰⵍ ⵏⵏⵙ ⵉ ⵓⵙⵏⴱⴹ ⴰⵏⵉⵎⴰⵏ ⵎⴰⵙ ⵉⴳⴰ ⴰⴼⵙⵙⴰⵢ ⴰⵙⵔⵜⴰⵏ ⵉⴷⵓⵙⵏ ⵉ ⵜⵏⵣⵔⵓⴼⵜ .

ⴳ ⵢⴰⵏ ⵓⵙⵉⵡⴹ ⴰⵎⴰⵙⵙⴰⵔ ⴳⵔ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⵎⴰⵙ ⵏⴰⵚⵕ ⴱⵓⵕⵉⵟⴰ ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵣⴰⵎⴱⵢⴰ ⵎⴰⵙⵙ ⵙⵜⴰⵏⵍⵉ ⴽⴰⵙⵓⵏⴳⵓ ⴽⴰⴽⴰⴱⵓ ⵜⵙⵎⴰⵢⵏⵓ ⵣⴰⵎⴱⵢⴰ ⴰⵏⵏⴰⵍ ⵏⵏⵙ ⵉ ⵓⵙⵏⴱⴹ ⴰⵏⵉⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ .

ⴳ ⵓⵙⵉⵡⴹ ⴰⴷ ⵜⵏⵏⴰ ⴳⵉⵙ ⵣⴰⵎⴱⵢⴰ ⵎⴰⵙ ⵜⵙⵏⵉⵍ ⵜⵙⵎⴰⵢⵏⵓ ⴰⵡⵏⵏⵉ ⵏⵏⵙ ⵅⴼ ⵓⵙⵏⴱⴹ ⴰⵏⵉⵎⴰⵏ ⵏⵏⴰ ⵉⴼⴽⴰ ⵍⵎⵖⵔⵉⴱ ⴳ 2007 ⵎⴰⵙ ⵉⴳⴰ ⴰⴼⵙⵙⴰⵢ ⴰⵙⵔⵜⴰⵏ ⵉ ⵜⵏⵣⵔⵓⴼⵜ .

ⵜⵙⴱⵔⵔⴽ ⴰⵡⴷ ⵣⴰⵎⴱⵢⴰ ⵙ ⵜⵣⵎⵎⴰⵔ ⵏ ⵜⵎⵜⵜⴰ ⵉⵎⵓⵏⵏ ⴰⴼⴰⴷ ⴰⴷ ⴰⴼⵉⵏ ⵢⴰⵏ ⵓⴼⵙⵙⴰⵢ ⵉⴷⵓⵙⵏ ⵉⴳⴰⵏ ⵡⵉⵏ ⵜⵉⴷⵜ ⵉ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵢⵢⵜ .

ⵉⵏⵏⴰ ⵓⵙⵉⵡⴹ ⴰⵡⴷ ⵎⴰⵙ ⵎⵙⴰⵙⴰⵏ ⵉⵎⴰⵡⵙⴰⵙⵏ ⵅⴼ ⵜⵣⴷⴰⵢⵉⵏ ⵉⴷⵓⵙⵏ ⵉⵍⴰⵏ ⴰⵜⵉⴳ ⴳⵔ ⵜⵎⵉⵣⴰⵔ ⵏⵏⵙⵏ ⴳ ⵉⵙⴳⴳⵯⴰⵙⵏ ⴰⴷ ⵉⵣⵔⵉⵏ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵜⵜⵓⵙⴽⴰⵔ ⵜⵎⵙⵇⴰⴷⵜ ⵏ ⵣⴰⵎⴱⵢⴰ ⴳ ⵕⵔⴱⴰⵟ ⴷ ⵜⴰⵢⵢⴰⴹ ⴳ ⵍⵄⵢⵓⵏ ⴳ ⴽⵜⵓⴱⵕ 2020 .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%A3%E2%B4%B0%E2%B5%8E%E2%B4%B1%E2%B5%A2%E2%B4%B0-%E2%B5%9C%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B4%B0%E2%B5%A1%E2%B5%8F%E2%B5%8F%E2%B5%89-%E2%B5%8F-%E2%B5%A1%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F%E2%B5%8F%E2%B5%99-%E2%B5%89-%E2%B5%93%E2%B5%99%E2%B5%8F%E2%B4%B1%E2%B4%B9-%E2%B4%B0%E2%B5%8F%E2%B5%89%E2%B5%8E%E2%B4%B0%E2%B5%8F-%E2%B5%8E%E2%B4%B0%E2%B5%99-%E2%B5%89%E2%B4%B3%E2%B4%B0-%E2%B4%B0%E2%B4%BC%E2%B5%99%E2%B5%99%E2%B4%B0%E2%B5%A2-%E2%B4%B0%E2%B5%99%E2%B5%94%E2%B5%9C%E2%B4%B0%E2%B5%8F-%E2%B5%89%E2%B4%B7%E2%B5%93%E2%B5%99%E2%B5%8F-%E2%B5%89