Published on MAPNews (https://www.mapnews.ma/am)

Accueil > ⴱⵉⵔⵍⵉⵏ .ⴰⵙⵉⵔⴰ ⴰⵏⴰⵎⵓⵔ ⵏ ⵓⵙⴰⴽⴰ ⵏ ⵡⵓⵣⵣⴰⵍ ⴷ ⴷⵡⵉⵜⵛⵉ ⴱⴰⵏ ⵎⵙⴰⵙⴰⵏ ⵅⴼ ⵓⵙⴷⵓⵙ ⵏ ⵜⵡⵉⵙⵉ ⵏⵏⵙⵏ

ⴱⵉⵔⵍⵉⵏ .ⴰⵙⵉⵔⴰ ⴰⵏⴰⵎⵓⵔ ⵏ ⵓⵙⴰⴽⴰ ⵏ ⵡⵓⵣⵣⴰⵍ ⴷ ⴷⵡⵉⵜⵛⵉ ⴱⴰⵏ ⵎⵙⴰⵙⴰⵏ ⵅⴼ ⵓⵙⴷⵓⵙ ⵏ ⵜⵡⵉⵙⵉ ⵏⵏⵙⵏ

23 ⵎⴰⵢⵢⵓ 2023 Version Imprimable
ⴱⵉⵔⵍⵉⵏ - ⵙⵙⴳⵎⴹⵏ ⵉⵙⵉⵔⴰⵜⵏ ⵉⵏⴰⵎⵓⵔⵏ ⵏ ⵓⵙⴰⴽⴰ ⵏ ⵡⵓⵣⵣⴰⵍ ⵏ ⵍⵎⵖⵔⵉⴱ ⴷ ⵡⵉⵏ ⴰⵍⵎⴰⵏⵢⴰ ⴰⵙⵙ ⵏ ⵓⵙⵉⵏⴰⵙ ⴳ ⴱⵉⵔⵍⵉⵏ ⵢⴰⵜ ⵜⵎⵢⴰⵇⵇⴰⵏⵜ ⵏ ⵜⴷⵔⴰⵡⵜ ⵏⵏⴰ ⵔⴰⴷ ⵉⵙⵙⴷⵓⵙ ⵜⵉⵡⵉⵙⵉ ⴷ ⵜⴷⵔⴰⵡⵉⵏ ⵏⵏⵙⵏ ⴳ ⵉⴳⵔ ⵏ ⵉⵎⴰⵙⵙⵏ ⵏ ⵡⴰⵙⵙⴰⵢ .

ⴰⵡⵜⵜⴰⵙ ⵏ ⵜⵎⵢⴰⵇⵇⴰⵏⵜ ⴰⴷ ⵏⵏⴰ ⵉⵙⵙⴳⵎⴹ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⵎⴰⵙⵙ ⵎⵓⵃⵎⵎⴰⴷ ⵕⴰⴱⵉⵄ ⵍⵅⵍⵉⵄ, ⴷ ⵓⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵏ ⵓⵡⴰⵏⴽ ⴳ ⵜⴷⵔⴰⵡⵜ ⵏ ⵍⴰⵍⵎⴰⵏ ⵎⴰⵙⵙ ⵏⵉⴽⵓⵡⴰⵔⴱⴰⵏⵓⴼ ⴰⴼⴰⴷ ⴰⴷ ⵜⵙⵙⴷⵓⵙ ⵜⵓⵚⴽⵉⵡⵜ ⴳ ⵎⴰⴷ ⵉⵥⵍⵉⵏ ⵙ ⵉⵎⴰⵙⵙⵏ ⵏ ⵡⴰⵙⵙⴰⵢ ⵏ ⵜⵜⵔⴰⵏⴰⵜ ⴳ ⵍⵎⵖⵔⵉⴱ ⵙⴳ ⵓⵙⴽⴽⵉⵔ ⵏ ⵡⴰⵢⴷⴰ ⵢⴰⴹⵏⵉⵏ ⵉⵖⵣⵣⵉⴼⵏ ⵏ ⵉⵎⴰⵙⵙⵏ ⴰⴷ ⵏ ⵡⴰⵙⵙⴰⵢ ⴷ ⵓⵙⴽⴽⵉⵔ ⵏ ⵜⵜⵔⴰⵏ ⵏⵏⴰ ⵉⵜⵜⴰⵣⴰⵍⵏ ⴽⵉⴳⴰⵏ .

ⵎⴽⵍⵍⵉ ⵉⴳⴰ ⵓⵡⵜⵜⴰⵙ ⵏⵏⵙ ⴰⴷ ⵉⴱⵓⵖⵍⵓ ⵉⴳⵔ ⵏ ⵡⴰⵙⵙⴰⵢ ⵏⵏⴰ ⵉⵜⵜⵡⵇⵇⴰⵔⵏ ⵜⴰⵡⵏⵏⴰⴹⵜ ⴷ ⵓⵙⴷⵔⵓⵙ ⵏ ⵍⴳⴰⵣ ⵏ ⵍⴽⵕⴱⵓⵏ ⵡⵉⵙ ⵙⵉⵏ , ⴷ ⵓⵙⴷⴷⵉⴷ ⵏ ⵓⵎⵢⴰⴷⴰⵙ ⴷ ⵉⵜⴳⴰⵔⵏ ⵉⵎⴰⴹⵍⴰⵏⵏ , ⵉⴳ ⵍⵃⴰⵍ ⴰⵡⴷ ⵜⵉⵏⴰⴼⵓⵜⵉⵏ ⵏ ⵓⵎⵛⵉⵡⴰⵕ ⴷ ⵜⵎⵙⴷⴰⴳⵜ ⴳ ⵓⵏⵎⴰⵍⵍⴰ ⵏ ⵡⴰⵙⵙⴰⵢ ⵏ ⵜⵜⵔⴰⵏⴰⵜ .

ⵜⴰⵎⵢⴰⵇⵇⴰⵏⴷ ⴰⴷ ⵢⵉⵡⵙ ⴳ ⵓⵙⵙⴳⵎⴹ ⵏⵏⵙ ⵓⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵍⵍⵓⵊⵉⵙⵜⵉⴽ ⵎⵓⵃⵎⵎⴰⴷ ⵄⴱⴷⵍⵊⴰⵍⵉⵍ ⴷ ⵓⵎⴰⵡⵙⴰⵙ ⴰⴼⵉⴷⵉⵕⴰⵍⵉ ⵏ ⵍⴰⵍⵎⴰⵏ ⵏ ⵉⴳⵔ ⵓⵟⵟⵓⵏⴰⵏ ⴷ ⵡⴰⵙⵙⴰⵢ, ⴼⵓⵍⴽⵔ ⴼⵉⵙⵉⵏⵖ ⴳ ⵓⵙⴰⵜⵉ ⵏ ⵜⵙⴰⵡⵓⵔⵜ ⵏ ⵜⵡⵡⵓⵔⵉ ⵅⴼ ⵡⴰⵙⵙⴰⵢ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳⵔ ⵜⵏⴱⴰⴹⵉⵏ ⵏ ⵙⵏⴰⵜ ⵜⵎⵉⵣⴰⵔ ⴰⴷ , ⴰⵡⵜⵜⴰⵙ ⵏⵏⵙ ⴰⴷ ⵉⴱⵓⵖⵍⵓ ⵓⵏⵎⴰⵍⴰ ⵏ ⵡⴰⵙⵙⴰⵢ ⴷ ⵉⴳⵔ ⵓⵟⵟⵓⵏⴰⵏ ⴷ ⵓⵙⴷⵓⵙ ⵏ ⵓⴳⵏⵙ ⵏ ⵜⵙⵔⵓⵙⵉⵏ ⴷ ⵓⵙⴱⵓⵖⵍⵓ ⵏ ⵉⴳⵔ ⵏ ⵓⵏⴱⴱⵕ .

ⵔⴰⴷ ⴰⵡⵉⵏ ⵙⵉⵏ ⵉⵎⵏⴰⴷⵏ ⴰⴷ ⵏⵏⴰ ⵙⴽⵔⵏⵉⵏ ⵜⴰⵎⵢⴰⵇⵇⴰⵏⵜ ⵍⴼⴰⵢⵜⵜ ⴳ ⵜⴷⵔⴰⵡⵉⵏ ⴳⵔⴰⵜⵙⵏ ⴳ ⵉⴳⵔⴰⵏ ⵏ ⵡⴰⵙⵙⴰⵢ ⴷ ⵓⵙⴷⵓⵙ ⵏ ⵜⵉⵔⵎⵉⵜⵉⵏ ⵏⵏⵙⵏ ⴳ ⵉⴳⵔ ⴰⴷ .

ⵔⴰⴷ ⵜⵜⵓⵙⴽⴰⵔ ⴰⵡⴷ ⵢⴰⵜ ⵜⴷⵔⴰⵡⵜ ⴷ ⵜⵎⵢⴰⵇⵇⴰⵏⵜ ⴳⵔ ⵜⵎⴰⵡⴰⵙⵜ ⵜⵓⵟⵟⵓⵏⴰⵏⵜ ⴷ ⵡⴰⵙⵙⴰⵢ ⵏ ⵍⴰⵍⵎⴰⵏ ⴷ ⵜⵎⴰⵡⵙⴰⵙⵜ ⵏ ⵡⴰⵙⵙⴰⵢ ⴷ ⵍⵍⵓⵊⵉⵙⵜⵉⴽ ⵜⴰⵎⵖⵔⵉⴱⵉⵜ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B1%E2%B5%89%E2%B5%94%E2%B5%8D%E2%B5%89%E2%B5%8F-%E2%B4%B0%E2%B5%99%E2%B5%89%E2%B5%94%E2%B4%B0-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%8F-%E2%B5%93%E2%B5%99%E2%B4%B0%E2%B4%BD%E2%B4%B0-%E2%B5%8F-%E2%B5%A1%E2%B5%93%E2%B5%A3%E2%B5%A3%E2%B4%B0%E2%B5%8D-%E2%B4%B7-%E2%B4%B7%E2%B5%A1%E2%B5%89%E2%B5%9C%E2%B5%9B%E2%B5%89-%E2%B4%B1%E2%B4%B0%E2%B5%8F-%E2%B5%8E%E2%B5%99%E2%B4%B0%E2%B5%99%E2%B4%B0%E2%B5%8F-%E2%B5%85%E2%B4%BC-%E2%B5%93%E2%B5%99%E2%B4%B7%E2%B5%93%E2%B5%99-%E2%B5%8F-%E2%B5%9C%E2%B5%A1%E2%B5%89%E2%B5%99%E2%B5%89-%E2%B5%8F%E2%B5%8F%E2%B5%99%E2%B5%8F