ⴷⴰⵜ ⵓⵙⴳⵎⴹ ⵏ ⵓⵎⵙⴰⵙⴰ ⵢⴰⴷ, ⵙⵎⵏⴰⵍⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵏⵙⵙⵉⵅⴼ ⴱⵕⴰⵀⵉⵎ ⴱⵓⴱⴰⴽⴰⵕ ⴽⵉⵢⵟⴰ, ⵉⵙⵏⵉⵎⵎⵔ ⴳⵉⵜ ⵎⴰⵙⵙ ⴽⵉⵢⵟⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⴼ ⵓⵏⵏⴰⵍ ⵏⵏⵙ ⵉ ⵜⵓⴳⴳⴰⵣ ⵏ ⵓⴷⵡⴰⵍ ⵏ ⵜⴰⵏⴰⴳⵔⵉⵜ ⴳ ⵎⴰⵍⵉ.
ⴰⵎⵙⴰⵙⴰ ⵢⴰⴷ, ⵍⵍⵉ ⵢⵙⴳⵎⴷ ⵓⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵜⴰⵎⵙⴰⵔⵉⵏ ⵓⵙⵍⵉⵎⵏ ⵎⴰⵙⵙ ⵃⵎⴷ ⵜⴰⵡⴼⵉⵇ ⴷ ⵓⵎⴰⵡⵙⴰⵙ ⴰⵎⴰⵍⵉ ⵏ ⵜⵎⵙⵙⵓⴳⵓⵔⵜ ⵏ ⵡⴰⴽⴰⵍ ⴷ ⵓⴽⵙⴰⵙⵉⵎⵙ, ⵎⴰⵙⵙ ⵎⵓⵙⴰ ⵙⵉⵏⴽⵓ ⴽⵓⵍⵉⴱⴰⵍⵉ, ⵉⵔⴰ ⵙⵓⵏⵎⵣⵓⵏ ⵏ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴷ ⵎⴰⵙⵙ ⴱⵕⴰⵀⵉⵎ ⴱⵓⴱⴰⴽⴰⵕ ⴽⵉⵢⵟⴰ, ⵔⴰⴷ ⵉⵙⵎⵓⵜⵜⴳ ⵍⵎⵖⵔⵉⴱ 500 ⵉⵎⴰⵎⵏ ⵉⵎⴰⵍⵉⵢⵏ ⴳ ⵎⵏⵏⴰⵡ ⵏ ⵉⵙⴳⴳⵯⴰⵙⵏ.
ⵜⴽⵛⵎ ⵜⴳⴰⵡⵜ ⴰⴷ ⴳ ⵓⵙⴰⵜⵢ ⵏ ⴰⵎⵙⵓⵏ ⵏ ⵍⵎⵖⵔⵉⴱ ⴳ ⵜⵓⵚⴽⴰ ⵢⴰⴹⵏⵉⵏ ⵏ ⵎⴰⵍⵉ ⴳ ⵢⴰⵏ ⵉⴳⵔ ⵉⴰⴳⵏ ⴰⵚⵟⵕⴰⵜⵉⵊⵉ ⵎⵏⵉⴷ ⵉ ⵉⵙⴷⵉⴷⵉⵏ ⵏ ⵜⴰⵟⴰⵔⵔⵓⴼ.
ⵍⵎⵖⵔⵉⴱ ⴷ ⵎⴰⵍⵉ ⴱⴹⴰⵏ ⵢⴰⵏ ⵓⵙⵉⵍⴰ ⴰⴷⵍⵙⴰⵏ ⴷ ⴰⵙⴳⴷⴰⵏ ⵙⴳ ⵎⵏⵏⴰⵡ ⵏ ⵜⴰⵙⵓⵜⵉⵏ, ⵙⵍⴰⵡⴰⵏ ⴰⴽⴽⵯ ⵍⵉⵙⵍⴰⵎ ⴰⵙⵓⵏⵏⵉ ⴷ ⵍⵎⴰⴷⵀⴰⴱ ⴰⵎⴰⵍⵉⴽⵉ ⴷ ⵍⵍⵉ ⵎⵣⴰⵖⵏ ⵅⴼ ⵉⵜⵉⴳⵏ ⵏ ⴰⵎⵙⵓⵔⵓⴼ ⴷ ⴰⵕⵥⵥⵓⵎ.