ⴳ ⵖⵉⴷ ⴰⴹⵕⵉⵚ ⵏ ⵜⴱⵔⴰⵜ ⵜⴰⴳⵍⴷⴰⵏⵜ ⵜⴰⵎⴰⵜⵜⴰⵢⵜ ⵏⵏⴰ ⵉⵖⵔⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ:
ⵉⴳⴰ ⵉⵢⵉ ⴰⴷⴷⵓⵔ ⴰⴷ ⵙⴰⵡⵍⵖ ⴰⴽⴷ ⵓⵙⴰⴳⵔⴰ ⴰⴷ ⵏ ⵓⵙⵡⵉⵔ ⴰⵎⴰⵜⵜⴰⵢ, ⵉ ⵡⴰⵏⵏⴰⵍ ⵏ ⵜⵎⴷⵉⵏⵜ ⵏ ⵍⵇⵓⴷⵙ ⵏⵏⴰ ⵜⵙⵏⵎⴰⵍⴰ ⵜⵙⴷⴰⵡⵉⵜ ⵏ ⵜⵎⵉⵣⴰⵔ ⵏ ⵡⴰⵄⵔⴰⴱⵏ ⴳ ⵍⵇⴰⵀⵉⵔⴰ ⵙ ⵜⵎⵀⵍⵜ ⵏ ⵜⵖⵜⵙⵜ ⵏ ⵜⴰⵜⵜⵓⵢⵜ ⵜⴰⵄⵔⴰⴱⵜ ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵍⴱⴷⵓ ⵏ ⵜⴱⵔⴰⵜ ⴰⴷ
ⴰⵡⴷ ⵜⵉⵍⵉⵜ ⵏ ⵏ ⵉⵡⵔⵉⴽⵏ ⵉⵙⵔⵜⴰⵏ ⴷ ⵡⵉⵏ ⵓⵙⵖⴰⵏ ⴷ ⵉⵣⵔⴼⴰⵏ ⴷ ⵓⵏⵖⵎⵙ ⴳ ⵓⵏⵎⵓⵇⵇⴰⵔ ⴰⴷ ⴰⴷⵙⵍⴰⵏ, ⴰⴷ ⵉⵎⵍ ⵜⵉⵔⵉⵜ ⵉⵛⵛⴰⵔⵏ ⴰⴼⴰⴷ ⴰⴷ ⵏⴰⵍ ⵢⴰⵏ ⴳ ⵜⵏⵎⵍⴰⵔ ⵏ ⵓⴼⵔⴰ ⴰⵎⴰⴹⵍⴰⵏ ⴳ ⵜⵎⵏⴰⴹⵜ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ.
ⵎⴽ ⵍⵍⵉ ⵜⴳⴰ ⵜⴳⴰ ⵜⴷⵔⴰⴷⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵢⴰⵏ ⵓⵙⴷⴷⵉⴷ ⵉ ⵜⵎⵙⵉⵔⵜ ⵏⵏⵙ ⵜⴰⵎⴰⵢⵏⵓⵜ ⴷ ⵜⵙⵓⵍⴰⵏⵜ, ⵙ ⵡⴰⵏⵏⴰⵍ ⵏ ⵜⵎⵏⵜⵉⵍⵜ ⵜⴰⴼⵉⵍⵉⵙⵟⵉⵏⵉⵢⵜ ⵙ ⵓⵎⴰⵜⴰ, ⴷ ⵍⵇⵓⴷⵙ ⵙ ⵜⵓⵥⵍⴰⵢⵜ, ⵏⵏⴰ ⵎⵉ ⴱⴰⵀⵔⴰ ⵏⵏⴰⴽⴽⴰ ⵢⴰⵜ ⵜⵉⵏⴷⵉ ⵉⴳⴳⵓⵜⵏ, ⵙⴳ ⵜⵎⵢⵉⵎⴰⵏⵜ ⵏⵏⵖ ⵙⵉⵙ , ⴷ ⵎⴽ ⵍⵍⵉ ⵏⴳⴰ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ ⵏⵏⴰ ⴷ ⵉⴼⴼⴰⵖⵏ ⵙⴳ ⵜⵎⴳⵔⴰⵡⵜ ⵏ ⵓⵎⵢⴰⵡⴰⵙ ⵏⵏⵍⵉⵙⵍⴰⵎ, ⵎⵉⵏⵣⵉ ⵏⵙⴽⵔ ⴷⵉⴳⵙ ⴳ ⵓⵙⵡⵉⵔ ⵏ ⵜⵎⵏⵜⵉⵍⵜ ⵏⵏⵖ ⵜⴰⵏⴰⵎⵓⵔⵜ ⵜⴰⵎⵣⵡⴰⵔⵓⵜ, ⵜⴳ ⴰⵅⴷ ⵢⴰⵜ ⴳ ⵉⵏⴱⴷⴰⴷⵏ ⵏ ⵜⵙⵔⵜⵉⵜ ⵏⵏⵖ ⵏ ⴱⵕⵕⴰ, ⵎⴽ ⵍⵍⵉ ⵙ ⵏⵙⴷⴷⵉⴷ ⵅⴼ ⵎⴰ ⴰⴷ ⴳ ⵜⵓⴳⵜⵜ ⵏ ⵜⵎⵍⴷⵉⵡⵉⵏ ⵎⴰⵢⴰⴷ ⵉⴼⵔⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .
ⴷ ⵎⴰⴷ ⵢⴰⴽⴽⴰⵏ ⵢⴰⵜ ⵜⵉⵏⴷⵉ ⵜⵓⵥⵍⴰⵢⵜ ⵏ ⵓⵏⵎⵓⵇⵇⴰⵔ ⴰⴷ ⴰⴷⵙⵍⴰⵏ , ⵎⴰⵙ ⵉⵜⵜⴰⵡⵙⴽⴰⵔ ⴳ ⵢⴰⵜ ⵜⵉⵣⵉ ⵉⵛⵇⵇⴰⵏ ⵍⵍⵉ ⴳ ⵜⵣⵔⴰⵢ ⵜⵎⵏⵜⵉⵍⵜ ⵜⴰⴼⵉⵍⵉⵙⵟⵉⵏⵉⵢⵜ ⴷ ⵜⵎⵏⵜⵉⵍⵜ ⵏ ⵍⵇⵓⴷⵙ ⵜⵖⴰⵡⵙⵉⵡⵉⵏ ⵏⵏⵙ ⵜⵉⵎⵓⵙⵍⵎⵉⵏ ⴷ ⵜⵉⵎⴰⵙⵉⵃⵉⵢⵉⵏ , ⴳ ⵜⵉⵣⵡⵉⵔⵉ ⵏⵏⵙ ⵜⵉⵎⵣⴳⵉⴷⴰ ⵜⴰⵎⴰⵜⵜⴰⵢⵜ ⵜⴰⴳⵔⵔⴰⵎⵜ ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ
ⵎⴰ ⴰⴷ ⴰⴷ ⵉⵍⵍⴰ ⵉⴳⴳⵉ ⵉⵎⴳⴳⵕⴰⴹ ⵏⵏⵙ ⵜⴰⵎⵙⵜⴳⴳⴰⵔⵜ ⵜⴰⵏⴰⵎⵓⵏⵜ ⴳ ⵓⵙⴰⵜⵉ ⵏ ⵜⵡⵓⵔⵓ ⵜⴰⵄⵔⴰⴱⵜ ⵉⵛⵛⴰⵔⵏ ⴷ ⵓⵙⵎⵓⵏ ⵏ ⵡⴰⴷⴷⴰⴷ ⴰⵄⵕⴰⴱ, ⴰⴼⴰⴷ ⴰⴷ ⵏⵙⴱⵉⴷⴷ ⵜⵉⵏⵎⵎⴰⵔ ⴷ ⵉⵎⵓⴽⵔⵉⵙⵏ ⵏⵏⴰ ⵉⵍⵍⴰⵏ ⵖⵓⵔ ⵜⵎⴷⵉⵏⵜ ⵏ ⵍⵇⵓⴷⵙ, ⴷ ⵜⵉⵔⵎⵉⵜ ⵏ ⵓⵚⴼⴰⴹ ⵏ ⵜⵍⴰⴳⵉⵜ ⵏⵏⵙ ⵜⴰⵖⵔⵎⴰⵏⵜ , ⴷ ⵓⵙⵏⴼⵍ ⵏ ⵡⴰⴷⴷⴰⴷ ⵏⵏⵙ ⴰⵣⵔⴼⴰⵏ ⵏⵏⴰ ⵙ ⵜⵙⴽⵔ ⵜⵖⵜⴰⵙⵉⵏ ⵏ ⵓⵙⵇⵇⵉⵎ ⵏ ⵓⴼⵔⴰ ⴰⴳⵔⴰⵖⵍⴰⵏ ⵙ ⵜⴰⵔⴰⵢⵜ ⵏⵏⵙ ⵉⴼⵔⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .
ⵉⵙⵡⵓⴷⴷⵓⵜⵏ ⵓⴼⵔⵉⴷⵏ ⵏⵏⴰ ⵔⴰⴷ ⵉⴼⴽ ⵢⴰⵜ ⵜⵉⵍⵉⵜ ⵓⵔ ⵉⵃⵍⴰⵏ ⵅⴼ ⵍⵇⵓⴷⵙ ⴷ ⵜⵎⵏⴰⴹⵉⵏ ⵏⵏⵙ , ⵉⴳⴰ ⵢⴰⵏ ⵓⵙⴷⵉⴷⴷⵉⵢ ⵏ ⵡⴰⴷⴷⴰⴷ ⴰⵣⵔⴼⴰⵏ ⵉ ⵜⵎⴷⵉⵏⵜ, ⴷ ⵜⵓⴷⴷⵉⵙⵜ ⵏⵏⵙ ⵜⴰⴷⵉⵎⵓⵖⵔⴰⴼⵉⵢⵜ ⴷ ⵡⴰⴷⴷⴰⴷ ⵏⵏⵙ ⵏ ⵓⵎⵣⵔⵓⵢ ⵏⵏⴰ ⵉⵍⵍⴰⵏ ⵅⴼ ⵓⵎⵢⴰⵏⴰⵡ ⵏ ⵜⴷⵍⵙⴰ ⴷ ⵓⵙⵖⴰⵏ ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ.
ⴰⵡⴷ , ⵜⵉⵎⵙⴽⴰⵔⵉⵏ ⵏⵏⴰ ⵓⵔ ⵉⵍⵍⵉⵏ ⴰⴽⴷ ⵓⵣⵔⴼ ⴰⴳⵔⴰⵖⵍⴰⵏ, ⴷ ⵜⵖⵜⴰⵙⵉⴱ ⵏ ⵍⵓⵎⴰⵎ ⵍⵎⵓⵜⵜⴰⵃⵉⴷⴰ , ⵓⵔ ⴰⵔ ⵜⵜⴰⵡⵙ ⵅⴼ ⵜⵓⵚⴽⴰ ⵏ ⵜⵎⵢⵉⵎⴰⵏⵜ, ⵎⴰⵛⵛ ⴰⵔ ⵜⵕⵥⵥⴰ ⵉⵏⴱⴷⴰⴷⵏ ⴰⴽⴽⵯ ⵏ ⵓⵏⵢⴰⵍⴽⴰⵎ ⵙ ⴽⵔⴰ ⵓⴼⵙⵙⴰⵢ ⴰⵙⵓⵍⴰⵏ, ⵏⵏⴰ ⵔⴰⴷ ⵉⴼⴽ ⵜⵉⵍⵉⵜ ⵏ ⵙⵏⴰⵜ ⵜⵎⵉⵣⴰⵔ ⵏⵏⴰ ⵔⴰⴷ ⵉⴷⴷⵔ ⴳ ⵓⴼⵔⴰ.
ⵎⴽ ⵍⵍⵉ ⵏⵙⵙⵏ, ⵎⴰⵙ ⴷ ⴰⵡⴰⵍ ⵅⴼ ⵜⵉⵍⵉⵜ ⵉⵛⵇⵇⴰⵏ ⵏ ⵍⵇⵓⴷⵙ ⴰⴳⵯⵔⵔⴰⵎ , ⵓⵔ ⵏⵥⴹⴰⵕ ⴰⴷ ⵜ ⵏⵖⵔ ⴱⵍⴰ ⴰⵙⴰⵜⵉ ⵏⵏⵙ ⴰⵎⴰⵜⵓ, ⵏⵏⴰ ⵉⵣⴷⵉⵏ ⴰⴽⴷ ⵓⴱⵔⵉⴷ ⵏ ⵜⵍⵏⵜⵉⵍⵜ ⵜⴰⴼⵉⵍⵉⵙⵟⵉⵏⵉⵢⵜ, ⵎⵉⵏⵣⵉ ⴰⵙⴱⴷⴷⴰⴷ ⵏ ⵉⵎⵔⴰⵔⴰⵜⵏ ⵊⴰⵔ ⵜⵙⴳⴰ ⵏ ⵉⵙⵔⴰⵉⵍ ⴷ ⴼⴰⵍⵉⵙⵟⵉⵏ, ⴰⵡⴷ ⵜⴰⵙⵓⵍⵜ ⵏ ⵡⴰⴷⴷⴰⴷ ⵏ ⵜⵖⵏⵏⴰⵏⵜ ⴷ ⵊⵃⴰⴷ ⴷ ⵜⵎⵀⵍⵜ ⵏ ⵓⴼⵔⴰ , ⴰⵔ ⵢⴰⴽⴽⴰ ⵜⵉⵣⵉ ⵏ ⴽⵔⴰ ⵏ ⵜⵙⴳⴳⵯⵡⵉⵏ ⴰⴷ ⵣⴰⵢⴷⵏ ⵉⵎⵓⴽⵔⵉⵙⵏ, ⴳⴳⵔⵏ ⵉ ⵜⵓⴼⵔⴰⵢⵉⵏ ⵏⵏⴰ ⵉⵣⴷⵉⵏ ⴷ ⵓⵙⵖⴰⵏ ⴰⴳⵏⵙ ⵏ ⵍⵇⵓⴷⵙ, ⵎⴰ ⴰⴷ ⴰⵔ ⴰⵖ ⵉⵜⵜⴰⵡⵉ ⵙ ⵢⴰⵏ ⵡⴰⴷⴷⴰⴷ ⵏ ⵢⴰⵏ ⵓⵎⵓⴽⵔⵉⵙ ⴷ ⵜⴰⵎⴰⵖⵜ ⵏ ⵜⵙⵔⵜⵉⵜ ⴷ ⵜⵉⵏ ⵓⵙⵖⴰⵏ, ⵏⵏⴰ ⵔⴰⴷ ⵉⴼⴽ ⴽⵔⴰ ⵏ ⵜⵢⴰⴼⵓⵜⵉⵏ ⵉⵅⵛⵏ ⴳ ⵜⵍⵏⴰⴹⵜ ⴰⴷ ⴰⴽⴽⵯ ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ
ⵎⴰ ⴰⴷ, ⴰⴼ ⴷⵉⴳⵙ ⵜⴳⴰ ⵜⴰⵔⴰⵢⵜ ⵏ ⵜⵎⴷⵉⵏⵜ ⵏ ⵍⵇⵓⴷⵙ ⵙⴳ ⵉⵙⵖⵉⵡⵙⵏ ⵏ ⵉⵙⵏⴼⵍ ⵏ ⵡⴰⴷⴷⴰⴷ ⵏ ⵓⵎⵣⵔⵓⵢ ⴷ ⵓⵣⵔⴼⴰⵏ , ⵉⵇⵇⴰⵏ ⴷ ⴰⴷ ⵜⴰⵡⵓⵔⵉ ⵉⵖⵥⴰⵏ , ⵏⵏⴰ ⵢⴰⴳⴳⵓⴳⵏ ⵅⴼ ⵜⴰⵍⴰⵜⴰⵔⵉⵏ ⵉⵅⵡⴰⵏ, ⴷ ⵉⵎⵉⴹⴰⵏ ⴳ ⵓⵔ ⵉⴼⴼⵓⵖ ⵓⵎⵢⴰ.ⵎⴰⵢⴰⴷ ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ