ⵜⵜⵓⵙⵙⴰⵏ ⵜⴷⵉⵏⴰⵎⵉⵜ ⴷⴷⵖ ⵙ ⵜⵓⵥⵍⴰⵢⵜ ⴰⵎⴷⵢⴰ ⵏⵏⵙ ⴰⵎⴷⵢⴰ ⵏ ⵜⵏⴼⴰⵍⵉⵜ ⵜⴰⵎⴰⵢⵏⵓⵜ ⴷ ⵜⵙⵎⵏⴰⴹⵜ ⵉⴷⵓⵙⵏ,ⴷ ⵜⵙⵜⵕⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵜⵏⴼⴰⵍⵉⵜ ⵜⴰⵙⵓⵍⴰⵏⵜ, ⴷ ⵓⵙⵏⴼⴰⵕ ⵏ ⵓⵎⵢⴰⵡⴰⵙ ⴰⵎⴰⵙⵙⴰⵔ ⵏ ⵜⵙⵙⵓⵜⵍⵜ ⵜⵉⵙⵙ 12 ⵏ ⵓⵙⵇⵇⵉⵎ ⵏ ⵉⵎⴰⵡⴰⵙⵏ. ⵍⵍⵉⵖ ⵉⵜⵜⵓⵙⴽⴰⵔ ⵢⴰⵏ ⵓⵏⵎⵓⴳⴳⴰⵔ ⵢⴰⵜⵜⵓⵢⵏ ⴳⵔ ⵍⵎⵖⵔⵉⴱ ⴷ ⵙⴱⴱⴰⵏⵢⴰ ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ ⵙ ⵜⵏⵙⵙⵉⵅⴼⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵙⴱⴱⴰⵏⵢⴰ ⵎⴰⵙⵙ ⴱⵉⴷⵕⵓ ⵙⴰⵏⵛⵉⵥ .
ⵜⵣⴰⵢⴷ ⵙⴱⴱⴰⵏⵢⴰ ⵎⴰⵙ ⵉⴳⴰ ⵍⵎⵖⵔⵉⴱ ⴰⵡⵡⵓⵔⴰⵏ ⴳ ⵓⵙⵡⵉⵔ ⴰⵏⵎⵏⴰⴹ ⴷⴰⵔⵙ ⵢⴰⵜ ⵜⵉⵍⴰⵍⵜ ⵜⴰⵎⵇⵔⴰⵏⵜ ⴳ ⵉⴳⵔ ⵏ ⵓⴼⵔⴰ ⴷ ⵜⵏⴼⵔⵓⵜ ⵜⴰⵙⵓⵍⴰⵏⵜ ⴷ ⵜⵏⴼⴰⵍⵉⵜ ⴳ ⵜⵎⵏⴰⴹⵜ ⵏ ⵢⵉⵍ ⴰⵎⵍⵍⴰⵍ ⴰⵏⴰⵎⵎⴰⵙ ⴷ ⵜⵙⴳⴰ ⵏ ⵓⴳⴰⵔⵓ ⵓⵍⴰ ⵜⴰⵏⵣⵔⵓⴼⵜ ⴷ ⵓⵙⵡⵉⵔ ⴰⴼⵔⵉⵇⵉ .
ⴳ ⵜⵙⴳⴰ ⵏⵏⵙ , ⵉⵙⵙⵎⵖⵕ ⵍⵎⵖⵔⵉⴱ ⵙ ⵓⵎⵢⴰⴷⴰⵙ ⵏ ⵜⵏⴼⵔⵓⵜ ⴷⴰⵔ ⵜⵎⴰⵣⵉⵔⵜ ⵏ ⵙⴱⴱⴰⵏⵢⴰ, ⵍⵍⵉⵖ ⵜⵉⵡⵙ ⴳ ⴽⵉⴳⴰⵏ ⵏ ⵉⵎⵏⴰⴷⵏ ⵏ ⵓⵎⵙⴰⵙⴰ ⴷ ⵓⴼⵔⴰ ⴷ ⵜⵏⴼⵍⵉⵜ ⵜⴰⵙⵓⵍⴰⵏⵜ ⴳ ⵉⴳⵔ ⴰⵏⵎⵏⴰⴹ ⴷ ⵓⵎⴰⴹⵍⴰⵏ .
ⴳ ⵢⵉⴳⵔ ⴰⵡⵕⵓ-ⴰⴳⵔⴰⴽⴰⵍ, ⵙⵉⵏ ⵉⵖⵣⴷⵉⵙⵏ ⵏⵄⵎⵏ ⵙ ⵜⵉⵍⴰⵍⵜ ⵜⴰⵎⵇⵇⵔⴰⵏⵜ ⵏ ⵜⵎⵓⵏⵉ ⵉ ⵓⴳⵔⴰⴽⴰⵍ, ⵉ ⵢⵉⵍⵍⴰⵏ ⴰⵎ ⵢⵉⵡⵜ ⵜⵓⴷⴷⵙⴰ ⵜⴰⵡⵃⴷⴰⵏⵉⵜ ⵉⵙⵙⴰⴷⴰⴼⵏ ⴽⵓⵍⵍⵓ ⵜⵉⵎⵉⵣⴰⵔ ⵏ ⵜⵎⵏⴰⴹⵜ ⵙ ⵓⵙⵏⴳⵉⴷⴷⵉ, ⴰⵢⴰ ⵃⵎⴰ ⴰⴷ ⵙⵙⵎⵖⵔⵏ ⵙ ⵡⵓⴷⵎⴰⵡⵏ ⵏ ⵜⵣⵉⴳⵣⵜ ⵏ ⴱⴰⵔⵛⵉⵍⵓⵏⴰ ⵙ ⵢⴰⵜ ⵜⴱⵔⵉⴷⵜ ⵉⵎⵓⵏⵏ, ⵙ ⵓⴱⴷⴷⵉ ⵅⴼ ⵜⵓⵚⴽⴰ ⵜⵓⴷⴷⵙⴰⵏⵜ ⴷ ⵜⵎⵙⴰⵙⵜⵍⵜ ⵉⵜⵜⴰⵍⴰⵢⵏ.
ⴳ ⵜⵎⵓⵖⵍⵉ ⴰⴷ, ⵚⴱⴰⵏⵉⵢⴰ ⴷ ⵍⵎⵖⵔⵉⴱ ⵜⵜⵍⴰⵖⴰⵏⵜ ⵜⵉⵎⵉⵣⴰⵔ ⵏ ⵜⵎⵏⴰⴹⵜ ⵃⵎⴰ ⴰⴷ ⵙⵡⵉⵣⴰⵏⵜ ⴳ ⵜⵡⵓⵔⵉ ⵏ ⵜⵣⵉⴳⵣⵜ ⴰⵡⵔⵓ-ⴰⴳⵔⴰⴽⴰⵍ, ⵣⵉⴳⵙⵏⵜ ⴰⵙⵡⵉⵣⵉ ⵏⵏⵙⵏⵜ ⴳ ⵜⵎⵙⴰⵙⵜⵍⵜ ⵏ ⵜⵎⵓⵏⵉ ⵉ ⵓⴳⵔⴰⴽⴰⵍ.
ⵙ ⵓⵢⴰ, ⵙⵏⴰⵜ ⴰⴷ ⵏ ⵜⵎⵉⵣⴰⵔ ⴰⵔ ⵙⵎⴷⴷⵏⵜ ⵜⴰⵡⵓⵔⵉ ⵜⴰⵎⵇⵇⵔⴰⵏⵜ ⵏ ⵓⵙⵡⵉⵣⵉ ⵃⵎⴰ ⴰⴷ ⵙⵙⴳⵎⵏ ⴰⵎⵄⴰⵡⴰⵏ ⴳⵔ ⵓⵙⵇⵇⵉⵎ ⵏ ⵓⵔⵓⴱⴱⴰ ⴷ ⵍⵎⵖⵔⵉⴱ, ⵙ ⵢⴰⵏ ⵓⵡⵜⵜⴰⵙ ⴰⵎⵇⵇⵔⴰⵏ ⵏ ⵓⵙⵙⵉⴷⵙ ⵏ ⵜⵏⴰⵡⴰⵢⵉⵏ ⵜⵉⵎⵖⵔⴰⴱⵉⵢⵉⵏ ⴰⴽⴷ ⵜⵏⴰⵡⴰⵢⵉⵏ ⵜⵉⵡⵓⵔⴱⴱⴰⵡⵉⵢⵉⵏ ⴳ ⴽⵓⵍⵍⵓ ⵉⴳⵔⴰⵏ.
ⵙⴳ ⵢⴰⵏ ⵓⵖⵣⴷⵉⵙ ⵏⵏⵉⴹⵏ, ⵙⴱⴰⵏⵉⵢⴰ ⵜⵄⴰⵡⴷ ⴰⵙⴷⵜⵜⴻⵜ ⵏⵏⵙ ⵉ ⵓⵎⵢⴰⵡⴰⵙ ⵏⵏⵙ ⴰⵎⵇⵇⵔⴰⵏ ⵉ ⵓⵖⴰⵡⴰⵙ ⴰⵏⴰⵎⵓⵔ ⵏ ⵍⵎⵖⵔⵉⴱ ⴰⴽⴷ ⵜⵓⴷⴷⵙⴰ ⵏ ⵓⵙⵡⵉⵣⵉ ⴷ ⵜⴳⵓⵎⵉ ⵜⴰⴷⴰⵎⵙⴰⵏⵜ ⵏⵏⴰ ⵉⵍⵍⴰⵏ ⵉⵊⵊⵏ ⵓⵎⵓⵔⵙ ⵎⴰⵎⴽ ⵉⵜⵜⴳⴳ ⵍⵎⵖⵔⵉⴱ ⴳ ⵜⵏⵢⵔⵜ ⵏ ⵓⵎⵢⴰⵡⴰⵙ ⴷ ⵜⵓⴷⴷⵙⴰ ⴰⴷ, ⵙ ⵡⴰⴷⴰⴼ ⵏ ⵉⵎⴰⵙⵙⵏ ⵉⵣⵔⴼⴰⵏⵏ ⴷ ⵜⴷⵔⴰⵡⵜ ⴰⴽⴷ ⵉⴳⵔⴰⵡⵏ ⵏⵏⵙ, ⵙ ⵓⵄⴰⵡⵏ ⵏ ⵜⵙⵔⵜⴰⵢ ⵜⵉⴷⴰⵎⵙⴰⵏⵉⵏ ⵜⵉⵏⴰⵎⵓⵔⵉⵏ ⵉ ⵉⵜⵜⴱⴷⴷⴰⵏⵜ ⴰⴽⴷ ⵜⵏⴼⵍⵉⵜ ⵉⵙⵎⴷⵏ.