Published on MAPNews (https://www.mapnews.ma/am)

Accueil > ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵜ ⵏ ⵜⵡⵊⵊⴰ ⵏ ⵓⴹⴰⵕ : ⵡⴰⵔ ⴰⴷⵔⴰⵡ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴳ ⵜⴱⵔⵣⴰ ⵏ ⵜⵇⴱⴱⵓⵛⵜ ⵏ ⵉⴼⵔⵉⵇⵢⴰ ⵏ ⵉⵎⵓⵔⴰⵔⵏ ⵉⵙⴳⴰⵡⴰⵏⵏ ⵉⴳⴰ ⵜⵉⴳⵕⵥⵉ

ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵜ ⵏ ⵜⵡⵊⵊⴰ ⵏ ⵓⴹⴰⵕ : ⵡⴰⵔ ⴰⴷⵔⴰⵡ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴳ ⵜⴱⵔⵣⴰ ⵏ ⵜⵇⴱⴱⵓⵛⵜ ⵏ ⵉⴼⵔⵉⵇⵢⴰ ⵏ ⵉⵎⵓⵔⴰⵔⵏ ⵉⵙⴳⴰⵡⴰⵏⵏ ⵉⴳⴰ ⵜⵉⴳⵕⵥⵉ

13 ⵉⵏⵏⴰⵢⵔ 2023 Version Imprimable
ⴰⵣⴰⴳⵯⵣ ⵏ ⵕⵕⴱⴰⵟ ⵙⵍⴰ - ⵉⵏⵏⴰ ⵓⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵜ ⵏ ⵜⵡⵊⵊⴰ ⵏ ⵓⴹⴰⵕ ⵎⴰⵙⵙ ⴼⴰⵡⵣⵉ ⵍⵇⵊⵄ ⴰⵙⵙ ⵏ ⵓⵙⵉⵎⵡⴰⵙ ⵎⴰⵙⴷ ⵍⵍⵉⵖ ⵓⵔ ⵜⴷⵔⵉ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵜⵡⵊⵊⴰ ⵏ ⵓⴹⴰⵕ ⵏ ⵉⵎⵓⵔⴰⵔⵏ ⵉⵙⴳⴰⵡⴰⵏⵏ ⴳ ⵜⴱⵔⵣⴰ ⵏ ⵜⵇⴱⴱⵓⵛⵜ ⵏ ⵉⴼⵔⵉⵇⵢⴰ ⵛⴰⵏ ⴳ ⴷⴷⵣⴰⵢⵔ ⵉⴳⴰ ⵢⴰⵜ ⵜⴳⵕⵥⵉ .

 ⵉⵏⵏⴰ ⵎⴰⵙⵙ ⵍⵇⵊⵄ ⴳ ⵓⵎⵙⴰⵡⴰⵍ ⴰⵏⵖⵎⴰⵙ ⴳ ⵜⵎⵍⴷⴰ ⵏ ⵓⵙⴱⵔⵔⴽ ⵏ ⵓⵏⵙⵙⵉⵅⴼ ⵏ ⵡⴰⵎⵓⵏ ⴰⴳⵔⴰⵖⵍⴰⵏ ⵏ ⵜⵡⵊⵊⴰ ⵏ ⵓⴹⴰⵕ ⵎⴰⵙⵙ ⵊⵉⵢⴰⵏⵉ ⵉⵏⴼⴰⵏⵜⵉⵏⵓ, ⴷ ⵜⴽⵓⵏⴼⵉⴷⵉⵔⴰⵍⵉⵢⵜ ⵜⴰⴼⵔⵉⵇⵜ ⵏ ⵜⵡⵊⵊⴰ ⵏ ⵓⴹⴰⵕ (ⴽⴰⴼ) ⴱⴰⵜⵔⵉⵙ ⵎⵓⵜⵙⵉⴱⵉ , ⵍⵍⵉ ⵉⵍⵍⴰⵏ ⴰⵙⵙ ⴰⴷ ⴰⵙⵉⵎⵡⴰⵙ ⴳ ⵓⵣⴰⴳⵯⵣ ⵏ ⵕⵕⴱⴰⵟ -ⵙⵍⴰ , ⴳ ⵜⴷⵔⴰⵡⵜ ⵏ ⵓⵙⵜⴰⵢ ⵏ ⵜⴽⵛⵛⵓⴹⵜ ⵏ ⵡⴰⵔⵔⴰⵣ ⴰⵎⴰⴹⵍⴰⵏ ⵏ ⵜⵔⵓⴱⴱⴰ ⵜⵉⵏⴰⵎⵓⵔⵉⵏ ⵍⵍⵉ ⵔⴰⴷ ⵢⵉⵍⵉ ⵙⴳ 1 ⴰⵔ 11 ⴱⵔⴰⵢⵔ ⵏⵏⴰ ⴷ ⵉⴷⴷⴰⵏ ⴳ ⵍⵎⵖⵔⵉⴱ, ⴷ ⵉⵛⵇⵇⴰ ⴰⴷ ⴷⵉⴳⵙ ⵓⵔ ⵉⵍⵉⵏ ⵜⵓⴳⵜⵜ ⵏ ⵉⵎⴰⵔⴰⵔⵏ ⵉⵄⵔⵔⵉⵎⵏ ⵍⵍⵉ ⵉⵙⵡⵓⵔⵉⵏ ⴳ ⵎⵏⵏⴰⵡ ⵢⵉⵔⵏ ⴰⴼⴰⴷ ⴰⴷ ⵉⵍⵉⵏ ⴰⵡⴷ ⵏⵜⵏⵉ ⴳ ⵜⵎⵍⴷⴰ ⴰⴷ ⵏ ⵜⵓⵏⵏⵓⵏⵜ ⵜⴰⴼⵔⵉⵇⵜ.

ⵎⴽ ⵍⵍⵉ ⵙ ⵉⵏⵏⴰ ⵓⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵢⵜ ⵏ ⵜⵡⵊⵊⴰ ⵏ ⵓⴹⴰⵕ ⵎⴰⵙ ⴷ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵍⵍⵉ ⵢⵉⵡⵉⵏ ⴰⵔⵔⴰⵣ ⵏ ⵜⴼⵔⵉⵇⵜ ⵏ ⵉⵎⴰⵔⴰⵔⵏ ⵉⵎⵓⵔⴰⵏⵏ (ⵛⴰⵏ) ⴳ ⵜⵙⵓⵜⴰⵍ ⵏⵏⵙ ⵜⵉⵎⴳⴳⵓⵔⴰ ⵉⵍⵍⴰ ⴳ ⵜⵉⴼⴰⵡⵜ ⵏ ⵡⴰⵙⵙ ⴰⴷ ⴳ ⵓⵣⴰⴳⵯⵣ ⴰⴼⴰⴷ ⴰⴷ ⴷⵔⵓⵏ ⴳ ⵜⵎⵍⴷⴰ ⴰⴷ ⵏ ⵜⵓⵏⵏⵓⵏⵜ.

ⵜⵙⴽⵔ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵜ ⵢⴰⵏ ⵓⵙⵉⵡⴹ ⴰⵙⵙ ⵏ ⵓⴽⵡⴰⵙ ⵎⴰⵙ ⵓⵔ ⵉⵍⵍⵉ ⵓⵎⵓⴷⴷⵓ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵙ ⵇⵓⵙⵟⴰⵏⵟⵉⵏⴰ ⴰⴼⴰⴷ ⴰⴷ ⵜⵔⵓⵏ ⴳ ⵜⵇⴱⴱⵓⵛⵜ ⵏ ⵉⴼⵔⵉⵇⵢⴰ ⵏ ⵉⵎⵓⵔⴰⵔⵏ ⵉⵙⴳⴰⵡⴰⵏⵏ ⴳ ⴷⴷⵣⴰⵢⵔ ⵍⵍⵉⵖ ⵓⵔ ⵉⵍⵍⵉ ⵢⴰⵏ ⵓⵙⵖⵥⵏ ⴼ ⵓⵎⵓⴷⴷⵓ ⵏⵏⵙ ⵙⴳ ⵓⵣⴰⴳⵯⵣ ⵏ ⵕⵔⴱⴰⵟ ⴰⵔ ⴷⴷⵣⴰⵢⵔ .

ⵉⵏⵏⴰ ⵓⵙⵉⵡⴹ ⵎⴰⵙⴷ ⵙⴳ ⵜⵓⵔⴰⴳⵜ ⵏ ⵓⵎⵓⴷⴷⵓ ⵙ ⵜⴰⵢⵍⴰⵍⵜ ⵏ ⵜⴰⵢⵍⴰⵍⵉⵏ ⵜⵉⴳⵍⴷⴰⵏⵉⵏ ⵙ ⵇⵓⵙⵟⴰⵏⵟⵉⵏⴰ ⵜⵏⵏⴰ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵜ ⴳ 22 ⴷⵓⵊⴰⵏⴱⵉⵔ ⵍⵍⵉ ⵉⵣⵔⵉⵏ ⵙⴳ ⴷⴰⵔ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵏ ⵜⵡⵊⵊⴰ ⵏ ⵓⴹⴰⵕ ⵏⵏⴰ ⵉⴳⴰⵏ ⴰⵙⵜⴳⴳⴰⵔ ⵅⴼ ⵜⴱⵔⵣⴰ ⵜⴰⴼⵔⵉⵇⵉⵜ ⴰⴼⴰⴷ ⴰⴷ ⵜⵙⴱⵔⵔⴽ ⵙ ⵓⵙⵙⵓⵜⵔ ⵙⴳ ⵕⵕⴱⴰⵜ ⴰⵔ ⵇⵓⵙⵟⴰⵏⵜⵉⵏⴰ .

Dernière modification : 13 ⵉⵏⵏⴰⵢⵔ 2023
Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B5%99%E2%B4%B7%E2%B4%B0%E2%B5%A1%E2%B5%89%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%9C-%E2%B5%8F-%E2%B5%9C%E2%B5%A1%E2%B5%8A%E2%B5%8A%E2%B4%B0-%E2%B5%8F-%E2%B5%93%E2%B4%B9%E2%B4%B0%E2%B5%95-%E2%B5%A1%E2%B4%B0%E2%B5%94-%E2%B4%B0%E2%B4%B7%E2%B5%94%E2%B4%B0%E2%B5%A1-%E2%B5%8F-%E2%B5%9C%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C