Published on MAPNews (https://www.mapnews.ma/am)

Accueil > ⵕⵕⴱⴰⵟ.... ⴰⵙⵏⵓⴱⵛⵛ ⵏ ⵜⴱⵔⵉⴷⵉⵏ ⵏ ⵓⵙⵙⴳⵣ ⵏ ⵓⵣⵔⴼ ⴰⵙⵏⵎⴰⵍⴰⵏ ⵏⵏⴰ ⵉⵣⴷⵉⵏ ⴷ ⵓⵙⵎⵀⵍ ⵏ ⵜⵎⴰⵣⵉⵖⵜ

ⵕⵕⴱⴰⵟ.... ⴰⵙⵏⵓⴱⵛⵛ ⵏ ⵜⴱⵔⵉⴷⵉⵏ ⵏ ⵓⵙⵙⴳⵣ ⵏ ⵓⵣⵔⴼ ⴰⵙⵏⵎⴰⵍⴰⵏ ⵏⵏⴰ ⵉⵣⴷⵉⵏ ⴷ ⵓⵙⵎⵀⵍ ⵏ ⵜⵎⴰⵣⵉⵖⵜ

28 ⴷⵓⵊⴰⵏⴱⵉⵔ 2022 Version Imprimable
ⵕⵕⴱⴰⵟ - ⵉⴳⴰ ⵓⵙⴳⴳⵣ ⵏ ⵓⵣⵔⴼ ⴰⵙⵏⵎⵍⴰⵏ 26-16 ⵏⵏⴰ ⵉⵣⴷⵉⵏ ⴰⴽⴷ ⵓⵙⵡⵓⵜⵜⵉ ⵏ ⵜⴼⵔⴽⵉⵡⵉⵏ ⵏ ⵓⵙⵎⵀⵍ ⵏ ⵜⵎⴰⵣⵉⵖⵜ, ⴷ ⵜⵎⴰⵎⴽⵉⵏ ⵏ ⵓⵙⵉⴷⴼ ⵏⵏⵙ ⴳ ⵢⵉⴳⵔ ⵏ ⵓⵙⵍⵎⴷ ⴷ ⵉⴳⵔⴰⵏ ⵏⵏⵉⴹⵏ ⴳ ⵜⵓⴷⵔⵜ ⵜⴰⵎⴰⵜⵓⵜ ⵏⵏⴰ ⴷⴰⵔ ⵜⴰⵣⵡⴰⵔⵜ ⵢⴰⵏ ⵡⴰⵎⵎⴰⵙ ⵏ ⵜⴳⵉⵡⵔⵜ ⵏ ⵜⵡⵓⵔⵉ ⵜⵙⵎⵓⵏ ⴰⵙⵙ ⴰⴷ ⴰⴽⵕⴰⵙ ⴳ ⵕⵕⴱⴰⵟ ⴳⵔ ⵉⵙⵎⴷⵢⴰⵜⵏ ⵏ ⵜⵏⵖⵍⵉⴼⵜ ⵜⴰⵎⴰⵜⵓⵜ ⵏ ⵜⵏⴱⴰⴹⵜ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ.

ⴰⵡⵜⵜⴰⵙ ⵏ ⵜⴳⵉⵡⵔⵜ ⴰⴷ ⵉⴳⴰ ⴰⴷ ⴰⵡⵉⵏ ⵍⴼⴰⵢⵜ ⴳ ⵜⵉⵔⵎⵉⵜ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵢⵉⴳⵔ ⵏ ⵓⴹⴼⵓⵕ ⵉ ⵜⵎⵔⵙⴰⵍ ⵏ ⵜⵎⴰⵣⵉⵔⵜ ⵏⵏⵖ, ⴷ ⵡⴰⵏⵏⴰⵍ ⵏⵏⵙ ⴰⴼⴰⴷ ⴰⴷ ⵜⵉⵡⴹ ⵉⵡⵜⵜⴰⵙⵏ ⵏⵏⴰ ⵉⵍⵍⴰⵏ ⴳ ⵓⵣⵔⴼ ⴰⵙⵏⵎⴰⵍ.

ⴳ ⵢⴰⵜ ⵜⴳⵓⵔⵉ ⴳ ⵜⵎⵍⴷⴰ ⴰⴷ, ⵉⵙⴷⴷⵉⴷ ⵓⵏⵎⵀⴰⵍ ⴰⵎⴰⵜⵓ ⵏ ⵓⵣⵔⴼ ⴷ ⵜⵖⵓⵔⵉⵡⵉⵏ ⵜⵉⵣⵔⴼⴰⴱⵉⵏ ⴳ ⵜⵏⴱⴰⴹⵜ ⵎⴰⵙⵙ ⴱⵏⵙⴰⵍⵎ ⴱⵍⴽⵔⴰⵜⵉ ⵎⴰⵙ ⵜⵉⵔⵉⵜ ⵏ ⵜⵖⵍⵉⴼⵜ ⵜⴰⵎⴰⵜⵓⵜ ⴰⴼⴰⴷ ⴰⴷ ⵓⵜⵏ ⵙ ⵜⵓⴳⴳⴰⵙ ⵙⴽⵔⵏ ⴰⵢⵏⵏⴰ ⵎⵉ ⵓⴼⴰⵏ ⴰⴼⴰⴷ ⴰⴷ ⵜⵎⵓⵔⵙ ⵜⵡⵓⵔⵉ ⵏ ⵓⵙⵎⵀⵍ ⵏ ⵜⵎⴰⵣⵉⵖⵜ, ⵏⵏⴰ ⵔⴰⴷ ⵓⵔ ⵉⵙⵎⴷ ⵉⴳ ⵓⵔ ⵍⵍⵉⵏ ⵉⴹⵕⵉⵚⵏ ⵉⵣⵔⴼⴰⵏ ⴷ ⵉⵙⵏⵎⴰⵍⵏ ⵙ ⵜⵎⴰⵎⴽⵜ ⵜⴰⵙⵓⵍⴰⵏⵜ, ⵏⵎⵎⴰⵖ ⴳ ⵓⴳⵔⴰⵡ ⴰⴷ ⴰⴷ ⵏⴱⴷⴷ ⵅⴼ ⵜⵎⴰⵎⴽⵉⵏ ⵜⵉⵏⴼⴳⴰⵏⵉⵏ ⵏⵏⴰ ⵉⵍⵍⴰⵏ ⴷⴰⵔ ⵓⵙⵉⵏⴰⴳ, ⴰⴼⴰⴷ ⴰⴷ ⵏⵉⵡⴹ ⵎⴰⵢⴷ , ⵙ ⵢⴰⵜ ⵜⵎⴰⵎⴽⵜ ⴷ ⵜⵎⵢⴰⴷⵙⵜ ⵏⵏⴰ ⴹⴼⵕⵏⵜ ⵜⵎⵔⵙⴰⵍ.

ⵉⵏⵏⴰ ⵎⴰⵙⵙ ⴱⵍⴽⵔⴰⵜⵉ ⴳ ⵓⵙⴰⵜⵉ ⴰⴷ , ⵎⴰⵙ ⴷ ⵎⴰⴷ ⵉⵍⵍⴰⵏ ⴷ ⵜⵎⵜⵜⴰ 11 ⵙⴳ ⵓⵣⵔⴼ ⴰⵙⵏⵎⴰⵍ ⵏⵏⴰ ⵉⵣⴷⵉⵏ ⴷ ⵓⵙⵎⵀⵍ ⵏ ⵜⵎⴰⵣⵉⵖⵜ , ⵏⵏⴰ ⴳ ⵉⵍⵍⴰ ⵎⴰⵙ ⴷ ⵜⴰⵎⵙⵙⵓⴳⵔⵜ ⴰⵔ ⵜⵙⵡⵓⵔⵉ ⵙ ⵜⵎⴰⵎⴽⵜ ⵜⴰⵙⵓⵍⴰⵏⵜ ⵅⴼ ⵓⴼⵙⵔ ⵏ ⵉⴹⵕⵉⵚⵏ ⵉⵣⵔⴼⴰⵏⵏ ⵏⵏⴰ ⴷⴰⵔ ⵜⴰⵎⴰⵜⴰⵔⵜ ⵜⴰⵎⴰⵜⵓⵜ ⴳ ⵜⵣⵍⵉⵜ ⵜⵓⵏⵚⵉⴱⵜ ⵏ ⵜⵉⵜⵍⴰⵢⵜ ⵜⴰⵎⴰⵣⵉⵖⵜ ) ⴰⵡⴷ ⵜⴰⵎⵜⵜⴰ 31 ⵙⴳ ⴰⵣⵔⴼ ⴰⵙⵏⵎⴰⵍ ⵏⵏⴰ ⵉⵙⵡⵡⵓⵜⴰⵏ ⵜⵉⵣⵉ ⵏ 15 ⵓⵙⴳⴳⵯⴰⵙ ⴰⴼⴰⴷ ⴰⴷ ⴳⴳⵉⵣⵏ ⵉⵏⴱⴰⴹⵏ ⵏ ⵜⵎⵜⵜⴰ 11 ⵉⵙⵙⵏⵜⵉ ⵙⴳ ⵡⴰⴽⵓⴷ ⵏⵏⴰ ⴳ ⵉⵜⵜⴰⵡⴼⵙⴰⵔ ⴳ ⵜⵣⵍⵉⵜ ⵜⵓⵏⵚⵉⴱⵜ.

ⴳ ⵜⵙⴳⴰ ⵜⴰⴹⵏⵉⵏ, ⵉⵏⵏⴰ ⵓⵏⵙⴱⴰⵢⵏⵓ ⴰⵎⴰⵜⵓ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵍⵃⵓⵙⵉⵏ ⵎⵓⵊⴰⵀⵉⴷ ⵎⴰⵙ ⴷ " ⴰⴳⵔⴰⵡ ⴰⴷ ⵔⴰⴷ ⵉⴼⴽ ⵢⴰⵏ ⵓⵙⴳⵍⴹ ⵏ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴷⵔⴰⵡⴰⵏⵜ ⵊⴰⵔ ⵜⵏⵖⵍⵉⴼⵜ ⵜⴰⵎⴰⵜⵓⵜ ⵏ ⵜⵏⴱⴰⴹⵜ ⴷ ⵓⵙⵉⵏⴰⴳ ⴰⴳⵍⴷⴰⵏ , ⵔⴰⴷ ⵉⴳ ⵢⴰⵏ ⵓⵙⴰⵜⵉ ⵏ ⵜⵡⵓⵔⵓ ⴳ ⵜⵓⴳⵜⵜ ⵏ ⵉⴳⵔⴰⵏ ⴰⵎ ⴰⵙⵓⵖⵍ ⴷ ⵓⵙⵎⵓⵜⵜⴳ".

ⵉⵏⵏⴰ ⵎⴰⵙⵙ ⵎⵓⵊⴰⵀⵉⴷ ⴳ ⵢⴰⵏ ⵓⵎⵙⴰⵡⴰⵍ ⴰⵏⵖⵎⴰⵙ ⵎⴰⵙ ⴷ ⴰⵎⵢⴰⵡⴰⵙ ⴰⴷ ⵔⴰⴷ ⵢⵉⵍⵉ ⴳ ⵓⵙⴰⵜⵉ ⵏ ⵓⵙⵎⵀⵍ ⵏ ⵓⵖⴰⵡⴰⵙ ⵏ ⵜⵏⴱⴰⴹⵜ ⵏⵏⴰ ⵔⴰⴷ ⵉⵙⵡⵓⵔⵉ ⵅⴼ ⴰⵙⵙⴽⵛⵎ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵓⴳⵜⵜ ⵏ ⵉⴳⵔⴰⵏ, ⵙ ⵍⴰⴷ ⵉⵍⵍⴰⵏ ⴷ ⵓⴷⵓⵙⵜⵓⵔ ⴷ ⵉⵙⵡⴰⵍⴰⵜⵏ ⵏ ⵓⴳⵍⵍⵉⴷ.

ⵉⵙⴰⵡⵍ ⵓⵎⵛⵛⵉⵡⵔ ⴰⵣⵔⴼⴰⵏ ⵎⴰⵙⵙ ⵜⴰⵡⴼⵉⵇ ⵎⴷⵢⴰⵏⵉ ⴰⵡⴷ ⵏⵜⵜⴰ ⴳ ⵢⴰⵏ ⵓⵎⵙⴰⵡⴰⵍ ⵎⴰⵙ ⴷ ⴰⵏⵎⵓⵇⵇⴰⵔ ⴰⴷ ⵉⴳⴰ ⴰⵙⵎⵀⵍ ⵏ ⵓⴷⵓⵙⵜⵓⵔ ⴷ ⵓⵣⵔⴼ ⴰⵙⵏⵎⴰⵍ ⵏⵏⴰ ⵉⵣⴷⵉⵏ ⴷ ⵜⵎⴰⵣⵉⵖⵜ, ⴰⵔ ⵉⵙⴰⵡⵍ ⵅⴼ ⵓⴼⴰⵔⵙ ⴷ ⵓⵙⵓⵖⵍ ⵏ ⵉⴹⵕⵉⵚⵏ ⵏ ⵜⵄⵔⴰⴱⵜ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ , ⵔⴰⴷ ⵉⴳ ⵢⴰⵜ ⵜⵙⵓⵔⵉⴼⵜ ⵜⴰⵎⵣⵡⴰⵔⵓⵜ , ⴰⴼⴰⴷ ⴰⴷ ⵙⵓⵍ ⴳⵉⵏⵜ ⵜⵓⵜⵍⴰⵢⵉⵏ ⴰⴷ ⵢⴰⵏ .

ⵉⵙⴰⵡⵍ ⵎⴰⵙⵙ ⵎⴷⵢⴰⵏⵉ ⴰⵡⴷ ⵎⴰⵙ ⴷ ⴰⴳⵔⴰⵡ ⴰⴷ ⵉⴳⴰ ⵢⴰⵜ ⵜⵙⵓⵔⵉⴼⵜ ⵜⴰⵎⵣⵡⴰⵔⵓⵜ ⵏ ⵓⵙⵔⵓⵙ ⵏ ⵓⵙⵖⵉⵡⵙ ⴰⵎⴰⵜⵓ, ⵉⵍⵍⴰ ⴳⵉⵙ ⵜⵓⴳⵜⵜ ⵏ ⵉⴽⵛⵛⵓⵎⵏ ⴷ ⵉⵍⵙⴽⴰⵔⵏ , ⵙⴳ ⴳⵉⵙⵏ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⵓⴳⵜⵜ ⵏ ⵢⵉⴳⵔⴰⵏ ⵏ ⵜⵏⴱⴰⴹⵜ ⵏⵏⴰ ⵉⵙⴽⴰⵔⵏ ⵉⴹⵕⵉⵚⵏ ⵉⵣⵔⴼⴰⵏⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%95%E2%B5%95%E2%B4%B1%E2%B4%B0%E2%B5%9F-%E2%B4%B0%E2%B5%99%E2%B5%8F%E2%B5%93%E2%B4%B1%E2%B5%9B%E2%B5%9B-%E2%B5%8F-%E2%B5%9C%E2%B4%B1%E2%B5%94%E2%B5%89%E2%B4%B7%E2%B5%89%E2%B5%8F-%E2%B5%8F-%E2%B5%93%E2%B5%99%E2%B5%99%E2%B4%B3%E2%B5%A3-%E2%B5%8F-%E2%B5%93%E2%B5%A3%E2%B5%94%E2%B4%BC-%E2%B4%B0%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0%E2%B5%8F-%E2%B5%8F%E2%B5%8F%E2%B4%B0-%E2%B5%89%E2%B5%A3%E2%B4%B7%E2%B5%89%E2%B5%8F-%E2%B4%B7-%E2%B5%93%E2%B5%99%E2%B5%8E%E2%B5%80%E2%B5%8D-%E2%B5%8F-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C