ⴰⵡⵜⵜⴰⵙ ⵏ ⵜⴼⵓⴳⵍⴰ ⴰⴷ ⵏⵏⴰ ⵉⵜⴻⵜⵜⵙⵏⵎⴰⵍⴰⵏ ⴷⴰⵡ ⵏ ⵓⵙⵎⴽⵍ ⴰⵎⴰⵜⵜⴰⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵉⵙⵎⵓⵏ ⵡⵉⵏⵏⴰ ⵉⵙⴽⴰⵔⵏ ⵜⵉⵡⵓⵔⵉⵡⵉⵏ ⵏ ⵓⴼⵓⵍⴽⵉ ⵅⴼ ⵉⵎⵉⵔ ⴰⴷⵉⴱⵍⵓⵎⴰⵙⵉ ⴰⴱⵕⵕⴰⵏ, ⵉⴳⴰ ⵜ ⴰⵙⵎⵓⵏ ⵏ ⵉⴷⵔⵉⵎⵏ ⵏ ⵓⵎⵢⴰⵡⴰⵙ ⴳ ⵜⵡⵓⵔⵉ ⵜⴰⵏⴰⵎⵓⵏⵜ ⴳ ⵍⵎⵖⵔⵉⴱ, ⵙⴳ ⴰⵙⵙⵉⵜⴳ ⵏ ⵜⵓⴳⵜ ⵏ ⵉⵚⵏⴼⴰⵔ ⵏ ⵜⵎⵙⵎⵓⵏⵉⵏ, ⵙⵍⴰⵡⴰⵏ ⴰⴽⴽⵯ ⴳ ⵓⵉⴳⵔ ⵏ ⵜⴷⵓⵙⵉ ⴷ ⵓⵙⵙⵍⵎⴷ ⴷ ⵓⵙⵎⵓⵜⵜⴳ ⵏ ⵜⵔⴱⴰⵜⵉⵏ.
ⵙ ⵜⵎⵍⴷⴰ ⴰⴷ, ⵉⵙⵙⵔⵖⵓⴷ ⵓⵎⵙⵇⴰⴷ ⵏ ⵏⵉⵊⵉⵔⵢⴰ ⵍⵉⵜⵜⵉⵃⴰⴷⵉⵢⴰ ⴳ ⵜⴳⵓⵔⵉ ⵏⵏⵙ ⴳ ⵕⵕⴱⴰⵟ ⵎⴰⵙⵙ ⵍⴱⴰⵛⵉⵔ ⵉⴱⵔⴰⵀⵉⵎ ⵚⴰⵍⴰⵃ ⵍⵃⵓⵙⴰⵢⵏⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴷ ⵎⴰⵕⵕⴰ ⵜⴰⵡⵊⴰ ⵜⴰⴳⵍⴷⴰⵏⵜ, ⴷ ⵓⴳⴷⵓⴷ ⴰⵎⵖⵔⵉⴱⵉ ⵅⴼ ⵜⵡⵓⵔⵉ ⵏⵏⵙ ⵏⵏⴰ ⵉⴼⴽⴰⵏ ⴰⴷⴷⵓⵔ ⵉ ⵓⵍⴰⴹⴰⵍ ⴰⵄⵕⴰⴱ ⴷ ⵜⴼⵔⵉⵇⵔ ⵙ ⵓⵎⴰⵜⴰ, ⵍⵍⵉ ⵖ ⵉⵣⵔⵉ ⵙ ⵜⵙⵓⵔⵉⴼⵜ ⵢⴰⴹⵏ ⴳ ⵎⵓⵏⴷⵉⵢⴰⵍ ⵇⴰⵟⴰⵕ ⵏ ⵜⵛⴰⵎⵎⴰ ⵏ ⵓⴹⴰⵕ 2022.
ⵉⵙⴰⵡⵍ ⴰⵡⴷ ⵅⴼ ⵜⵓⴼⵔⴰⵢⵉⵏ ⵏⵏⵙ ⴷ ⵎⴰⵙ ⵉⵙⴱⵖⵙ ⵍⵎⵖⵔⵉⴱ ⵅⴼ ⵎⴰⵕⵕⴰ ⵜⵉⵡⵓⵔⵉⵡⵉⵏ ⵏⵏⵙ, ⴰⵡⴷ ⵅⴼ ⵓⵎⵢⴰⵡⴰⵙ ⵏⵏⴰ ⵉⵍⵍⴰⵏ ⴳⵔⴰⵙ ⴷ ⵜⴳⴷⵓⴷⴰⵏⵜ ⵏ ⵏⵉⵊⵉⵔⵢⴰ ⵍⵉⵜⵜⵉⵃⴰⴷⵉⵢⴰ, ⴰⵡⴷ ⵉⵚⵏⴼⴰⵔ ⵏⵏⴰ ⵔⴰⴷ ⵉⵜⵜⴰⵡⵙⴽⴰⵔⵏ ⴳ ⵓⵙⴰⵜⵉ ⴰⴷ, ⵣⵓⵏⴷ ⴰⵚⵏⴼⴰⵕ ⵏ ⴰⵊⵄⴱⵓⴱ ⵏ ⵍⴳⴰⵣ ⵏⵉⵊⵉⵔⵢⴰ-ⵍⵎⵖⵜⵉⴱ.
ⵜⴻⵜⵜⴰⵡⴼⴽⴰ ⵏ ⵜⵙⵎⵖⵓⵔⵜ ⵏⵏⴰ ⵉⴳⴰⵏ ⵜⴰⵎⴰⵜⴰⵔⵜ ⵏ ⵜⵎⵔⵙⵍⵜ ⵜⴰⴷⵉⴱⵍⵓⵎⴰⵙⵉⵢⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵙ ⵜⵎⵍⴷⴰ ⵢⴰⴷ, ⴰⵡⴷ ⴽⵔⴰ ⵏ ⵜⵡⵍⴰⴼⵉⵏ ⵏ ⵓⴽⵜⵜⴰⵢ ⴰⴽⴷ ⵍⴰⵍⵍⴰ ⵃⴰⵙⵏⴰ ⴷ ⵜⵙⵇⵇⵉⵍⵜ ⵜⴰⵙⵏⵎⵍⵜ.
ⵉⵍⵍⴰ ⴳ ⵜⴼⵓⴳⵍⴰ ⴰⴷ ⵢⴰⵏ ⵓⵖⴰⵡⴰⵙ ⵏ ⵜⵥⵓⵔⵉ ⵏⵏⴰ ⵉⴳⴰⵏ ⴽⵔⴰ ⵏ ⵉⴼⵙⴰⵔⵏ ⵏⵏⴰ ⵉⵙⴽⵔ ⵓⵏⴰⵥⵓⵔ ⴱⴰⵜⵛⵉ ⴷⵉ ⵔⵉⵎⴰ ⵙⴳ ⵖⵉⵏⵢⴰ ⴱⵉⵙⴰⵡ, ⴷ ⵜⵏⴰⵥⵓⵔⵜ ⵜⴰⵎⵖⵔⵉⴱⵉⵢⵜ ⵍⴰⵎⵢⴰ ⵣⵣⴰⵢⴷⵉ (ⵓⵔⴰⵔ ⵏ ⵜⵄⵔⴰⴱⵜ) ⴷ ⵓⵏⴰⵥⵓⵕ ⵄⴰⴱⴷⵍⵃⴰⴼⵉⴹ ⴷⴷⵓⵣⵉ (ⵓⵔⴰⵔ ⴰⵎⵖⵔⵉⴱⵉ), ⴷ ⵡⴰⵍⵍⵉ ⵢⵓⵎⵥⵏ ⵍⴱⴰⵔⵉⵜⵓⵏ ⵏⵏⴰ ⵉⴳⴰⵏ ⵙ ⵓⵥⵓⵔ ⴰⵎⵖⵔⵉⴱⵉ ⴷⵉⴼⵉⴷ ⵙⵉⵔⵉⵔⵉⵡ (ⵓⴱⵉⵔⴰ)
ⵜⴼⴽⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴰⵣⵓⵍ ⵉ ⵉⵙⵔⴷⴰⵙⵏ ⵍⵍⵉ ⴳ ⵏⵏ ⵜⵉⵡⴹ, ⴼⴰⴷ ⴰⴷ ⴰⵙ ⵉⵣⵣⵓⵍ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⵎⴰⵙⵙ ⵕⵉⵢⴰⴹ ⵎⵣⵡⴰⵔ, ⴷ ⵜⵎⴰⵡⵙⴰⵙⵜ ⵏ ⵓⵎⵢⴰⵡⴰⵙ ⴷ ⵓⵙⵓⴷⴼ ⴰⵏⴰⵎⵓⵏ ⴷ ⵜⴰⵡⵊⴰ ⵎⴰⵙⵙⴰ ⵄⴰⵡⴰⵟⵉⴼ ⵃⵉⵢⴰⵣ, ⴷ ⵓⵎⴰⵡⵙⴰⵙ ⴰⵎⴰⵍⴰⵍ ⵏⵏⴰ ⵉⵜⵜⴽⵍⵍⴼⵏ ⵙ ⵜⵙⴰⵔⵡⴰ ⵙ ⵓⵙⵜⴰⵍ ⵏ ⵜⵙⵔⵜⴰⵏ ⵜⵉⴳⴷⵓⴷⴰⵏⵉⴱ ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⵜⵜⵓⵢⵏ ⵢⴰⴹⵏⵉⵏ.