ⵙⴳ ⴰⵢⵏⵏⴰ ⴷ ⵉⴷⴷⴰⵏ ⴳ ⵜⴱⵔⴰⵜⵜ ⴷⴷⵅ, ⵎⴰⵙⴷ ⴱⴰⴱ ⵏ ⵡⴰⴷⴷⵓⵔ ⵉⵙⵙⵔⵖⵓⴷ ⵉⴳⵎⴰⵎⵏ ⴰⴽⴽⵯ ⵏ ⵜⵔⴰⴱⴱⵓⵜ ⴷ ⵓⵙⵉⵔⴰ ⴰⴷ, ⴷⴼⴼⵉⵔ ⵍⵍⵉⵖ ⵉⵔⵏⴰ ⵜⴰⵇⴱⴱⵓⵛⵜ ⵏ ⵜⵙⵙⵓⵜⵍⵜ ⵏ ⵉⵎⵔⵏⴰ ⵏ ⵉⴼⵔⵉⵇⵢⴰ ⵏ ⵜⵓⵜⵎⵉⵏ 2022, ⴳ ⵜⵙⵙⵓⵜⵍⵜ ⵏⵙⵏ ⵜⵉⵙⵙ ⵙⵏⴰⵜ ⵏⵏⴰ ⵉⵙⵏⵓⴱⴳ ⵍⵎⵖⵔⵉⴱ ⵙ ⵓⵙⵏⵓⴱⴳ ⵉⴷⵓⵙⵏ .
ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵉⵙⵙⴷⵓⵙ ⵜⵉⵣⵎⵎⴰⵔ ⵏ ⵓⵙⵉⵔⴰ ⴰⴷ ⴳ ⵜⵙⵙⵓⵜⵍⵜ ⴰⴷ , ⵉⵙⵙⵎⵖⵕ ⴰⵡⴷ ⵙ ⵜⵣⵎⵎⴰⵔ ⴷⵓⵙⵏⵉⵏ ⵏ ⵉⴳⵎⴰⵎⵏ ⵏⵏⵙ ⴷ ⵜⵣⵎⵎⴰⵔ ⵏⵏⴰ ⵏⵏ ⵜⵜⴳⴳⴰⵏⵜ ⵜⵓⵜⵎⵉⵏ ⴳ ⵉⴳⵔ ⴰⴷ ⵏ ⵜⵓⵏⵏⵓⵏⵜ ⵏ ⵜⵡⵊⵊⴰ ⵏ ⵓⴹⴰⵔ ⵜⴰⵏⴰⵎⵓⵔⵜ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵎⴰⴹⵍⴰⵏ ⵍⵍⵉⵖ ⵜⵉⵡⵙ ⴳ ⵓⴱⵓⵖⵍⵓ ⵏ ⵜⵓⵏⵏⵓⵏⵜ ⵜⴰⵎⵖⵔⵉⴱⵉⵜ .
ⵉⵙⵎⴷ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜⵜ ⴰⴷ ⴰⵖⵓⵍ ⵏⵏⵙ ⵙ ⵓⵙⵔⵖⵓⴷ ⵏ ⵜⵔⴰⴱⴱⵓⵜ ⴰⴷ ⵏ ⵜⵡⵊⵊⴰ ⵏ ⵓⴹⴰⵕ ⵏ ⵜⵓⵜⵎⵉⵏ, ⴷ ⴽⵓ ⵎⴰⴷ ⵢⵉⵡⵙⵏ ⴳ ⵓⵔⵏⵏⵓ ⴰⴷ ⵜⵉⵎⵓⵔⴰⵔⵉⵏ ⴷ ⵉⴳⵎⴰⵎⵏ ⵉⵜⵉⵇⵏⵉⵢⵢⵏ ⴷ ⵓⴳⴷⵓⴷ ⴰⵡⴷ ⵏⵜⵜⴰ, ⵉⵙⵙⵓⵜⵔ ⴳ ⴱⴰⴱ ⵏ ⵉⴳⵏⵡⴰⵏ ⴰⴷ ⵉⵍⵉⵏ ⵉⵔⵏⵏⵓⵜⵏ ⵢⴰⴷⵏ ⴷⴰⵔ ⵜⵔⴰⴱⴱⵓⵜ ⴰⴷ .