ⵉⵍⵍⴰ ⴳ ⵓⵙⵉⵡⴹ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵜ⵰ⴱⴰⴹⵜ ⵜⴰⵏⵣⵔⴰⴼⵔ ⵎⴰⵙ ⴷ ⵜⵄⵢⵉⵏⴰⵜ ⵏⵏⴰ ⵉⵍⵍⴰⵏ ⵙ ⵓⵎⵙⴰⵙⴰ ⴰⵎⴰⵜⵜⴰⵢ ⵉⵍⵍⴰ ⴳⵉⵙ ⵙⴰ ⵎⵔⴰⵡ ⴷ ⵜⵥⴰ ⵏ ⵜⵎⵙⴽⵉⵔⵜ ⵙⴳ ⵜⵎⵙⴽⴰⵔⵉⵏ ⵏ ⵜⵎⵙⵜⴳⴳⴰⵔⵜ ⵜⴰⵏⵣⵔⴰⴼⵜ. ⴷ ⵎⴰⴷ ⵉⴳⴰⵏ ⵓⴳⴳⴰⵔ ⵏ ⴽⵔⴰⵎⵔⴰⵡ ⴷ ⵙⵎⵎⵓⵙ ⵅⴼ ⵜⵎⵉⴹⵉ (35%) ⵙⴳ ⵜⵎⵙⴽⴰⵔⵉⵏ ⵏ ⵜⵎⵙⵜⴳⴳⴰⵔⵜ ⵜⴰⵏⵣⵔⴰⴼⵜ ⴳ ⵜⵓⴳⵜⵜ ⵏ ⵜⵙⵏⴱⴹⴰⵢⵉⵏ ⵏ ⵜⴳⵍⴷⵉⵜ.
ⵉⵍⵍⴰ ⴳ ⵓⵙⵉⵡⴹ ⴰⴷ ⵎⴰⴷ ⵉⵣⴷⵉⵏ ⵙ :
-ⵙⵎⵎⵓⵙ (5) ⵉⵎⵙⵙⵉⵅⴼⵏ ⵉⵎⵣⵡⵓⵔⴰ ⵏ ⵜⵙⵏⴱⴹⴰⵢⵉⵏ ⵏ ⵡⴰⵍⴰⵙ.
-ⴰⵎⵙⵙⵉⵅⴼ ⴰⵎⵣⵡⴰⵔⵓ (1) ⵉ ⵜⵙⵏⴱⴹⴰⵢⵜ ⵏ ⵡⴰⵍⴰⵙ ⵜⴰⵎⵙⵙⵓⴳⵓⵔⵜ.
-ⴰⵎⵙⵙⵉⵅⴼ ⴰⵎⵣⵡⴰⵔⵓ (1) ⵏ ⵜⵙⴱⴹⴰⵢⵜ ⵏ ⵡⴰⵍⴰⵙ ⵏ ⵓⵙⵖⵏⵣⵉ.
-ⴽⴽⵓⵣ ⴷ ⵎⵔⴰⵡ (14) ⵏ ⵉⵙⵏⵓⵔⴰⵢ ⵉⵎⴰⵜⴰⵢⵏ ⵏ ⵓⴳⵍⵍⵉⴷ ⴷⴰⵔ ⵜⵙⵏⴱⴹⴰⵢⵉⵏ ⵏ ⵡⴰⵍⴰⵙ.
-ⴰⵙⵏⵓⵔⴰⵢ ⴰⵎⴰⵜⴰⵢ (1) ⴷⴰⵔ ⵜⵙⴱⴹⴰⵢⵜ ⵏ ⵡⴰⵍⴰⵙ ⵏ ⵓⵙⵖⵏⵣⵉ.
-ⵙⵉⵎⵔⴰⵡ (20) ⵏ ⵓⵏⵙⵙⵉⵅⴼ ⴳ ⵜⵙⵏⴱⴹⴰⵢⵉⵏ ⵜⵉⵎⵣⵡⵓⵔⴰ.
-ⴽⴽⵓⵣ (4) ⵉⵏⵙⵙⵉⵅⴼⵏ ⴳ ⵜⵙⵏⴱⴹⴰⵢⵉⵏ ⵏ ⵓⵙⵖⵏⵣⵉ.
-ⵙⵉⵏ ⵉⵏⵙⵙⵉⵅⴼⵏ (2) ⴳ ⵙⵏⴰⵜ ⵜⵙⵏⴱⴹⴰⵢⵉⵏ ⵜⵉⵎⵙⵙⵓⴳⴰⵔ.
-ⴽⵔⴰⵎⵔⴰⵡ ⴷ ⵢⴰⵏ (31) ⵏ ⵓⵙⵏⵓⵔⴰⵢ ⵏ ⵓⴳⵍⵍⵉⴷ ⴷⴰⵔ ⵜⵙⴱⴹⴰⵢⵉⵏ ⵜⵉⵎⵣⵡⵓⵔⴰ.
ⵎⴽ ⵍⵍⵉ ⵙ ⴳⵉⵙ ⵉⵍⵍⴰ ⴰⵡⴷ ⵙⴰⵜ ⵏ ⵜⵡⵜⵎⵉⵏ ⵜⵉⵏⴱⴹⴰⵢ , ⵙⴳ ⴳⵉⵙⵏⵜ ⵙⵎⵎⵓⵙⵜ ⵜⵉⵏⴱⴹⴰⵢ ⴷⴰⵔⵙⵏ ⵜⵉⵔⵎⵉⵜ ⵜⴰⵎⵣⵡⴰⵔⵓⵜ ⵙⴳ 32 ⵏ ⵉⵏⴱⴹⴰⵏ ⵏⵏⴰ ⵎⵓ ⵜⴻⵜⵡⴰⴼⴽⴰ ⵜⵎⵙⵜⴳⴳⴰⵔⵜ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⴳ ⵜⴷⵓⵜⵍⵜ ⴰⴷ, ⵎⴰⴷ ⵉⴳⴰⵏ 40.50% ⵙⴳ ⵓⵙⵎⵓⵏ ⵏ ⵜⵡⵓⵔⵉⵡⵉⵏ ⵏ ⵜⵎⵙⵜⴳⴳⴰⵔⵜ ⵏⵏⴰ ⵉⵜⵜⴰⵡⵙⵏⴼⴰⵍⵏ.
ⵉⵙⵙⵔⵖⵓⴷ ⵓⵙⵇⵇⵉⵎ ⵉⵎⴰⵙⴰⵢⵏ ⵉⵏⵣⵔⴰⴼⵏ ⵉⵎⴰⵢⵏⵓⵜⵏ ⵅⴼ ⵜⵎⵢⵉⵎⴰⵏⵜ ⵏⵏⴰ ⴰⵙⵏ ⵉⵜⵜⴰⵡⴼⴽⴰⵏ ,ⵉⵙⴱⵖⵙⵜⵏ ⴰⴷ ⵙⵙⵏⵜⵉⵏ ⵜⴰⵡⵓⵔⵉ ⵏⵏⵙⵏ ⵙ ⵜⵎⵙⵙⵜⴳⴳⴰⵔⵜ, ⴰⴷ ⵙⵡⵓⵔⵉⵏ ⴰⵡⴷ ⵙ ⵓⵣⵔⴼ ⴷ ⵜⵏⴱⴰⴹⵜ ⵜⴰⵣⵔⴼⴰⵏⵜ ⴷ ⴰⵡⵇⵇⵔ ⵏ ⵜⵉⵣⵉ ⵏ ⵜⵎⵙⴰⵔⵉⵏ, ⵉⵙⴷⴷⵉⴷ ⴰⵡⴷ ⵎⴰⵙ ⴷ ⵜⴰⵖⵍⵉⴼⵜ ⵜⴰⵎⴰⵜⴰⵢⵜ ⵏ ⵓⵙⵇⵇⵉⵎ ⵔⴰⴷ ⵜⵙⵡⵓⵜⵜⵓ ⴰⵙⴰⴽⵓⴷ ⵏ ⵉⵙⵡⴰⵍⴰⵜⵏ ⵏ ⵉⵎⴰⵙⴰⵢⵏ ⵓⵏⵣⵔⴰⴼⵏ ⴳ ⵜⵡⵓⵔⵉ ⵏⵏⵙ ⵜⴰⵎⴰⵢⵏⵓⵜ.
ⵜⵄⵢⵉⵏⴰⵜ ⵜⵉⵎⴰⵢⵏⵓⵜⵉⵏ ⴰⴷ ⵏⵏⴰ ⵅⴼ ⵏⵙⴰⵡⵍ ⴳ ⵓⴼⵍⵍⴰ ⴳ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ 2022 ⵜⵣⵓⵢⴷ ⵉ ⵉⵙⵏⴼⴰⵍⵏ ⵏⵏⴰ ⵉⵍⵍⴰⵏ ⵜⵡⵓⵔⵉⵡⵉⵏ ⵏ ⵜⵎⵙⵙⵜⴳⴳⴰⵔⵜ ⵜⵏⵣⵔⴰⴼⵜ ⴳ 2021 ⵏⵏⴰ ⵉⵙⵎⵓⵏ 118 ⵏ ⵜⵡⵓⵔⵉ ⵏ ⵜⵎⵙⵙⵜⴳⴳⴰⵔⵜ ⵜⴰⵏⵣⵔⴰⴼⵜ. ⵎⴰ ⴰⴷ ⴰⵔ ⵉⵙⵙⴰⵜⵜⵓⵢ ⴳ ⵓⵟⵟⵓⵏ ⵏ ⵉⵙⵏⴼⴰⵍⵏ ⵏ ⵜⵡⵓⵔⵉⵡⵉⵏ ⵏ ⵜⵎⵙⵙⵜⴳⴳⴰⵔⵜ ⵜⴰⵏⵣⵔⴰⴼⵜ ⵏⵏⴰ ⵉⵙⴽⵔ ⵓⵙⵇⵇⵉⵎ ⴰⵎⴰⵜⵜⴰⵢ ⴳ ⵙⵉⵏ ⵉⵙⴳⴳⵯⴰⵙⵏ ⴰⵔ 197 ⵏ ⵜⵡⵓⵔⵉ, ⵎⴰⴷ ⵉⴳⴰⴱ 83% ⴳ ⵓⵙⵎⵓⵏ ⵏ ⵜⵡⵓⵔⵉⵡⵉⵏ ⵏ ⵜⵎⵙⵙⵜⴳⴳⴰⵔⵜ ⵜⴰⵏⵣⵔⴰⴼⵜ ⴳ ⵜⵙⵏⴱⴹⴰⵢⵉⵏ ⵏ ⵜⴳⵍⴷⵉⵜ ⵉⵜⵜⵔⵏⴰ ⴰⵙ 72 ⵏ ⵓⵙⵏⴼⵍ ⵉⵙⴽⵔⵜ ⵢⴰⴷⵍⵍⵉ ⵓⵙⵇⵇⵉⵎ ⴳ ⵜⵡⵓⵔⵉⵡⵉⵏ ⵏ ⵜⵎⵙⵙⵜⴳⴳⴰⵔⵜ ⴳⵔ 2017 ⴷ 2019.
ⵎⴰ ⴰⴷ ⵉⴳⴰ ⵢⴰⵜ ⵜⵎⵙⵙⵜⴳⴳⴰⵔⵜ ⵏⵏⴰ ⵉⵙⵔⵙ ⵓⵙⵇⵇⵉⵎ ⴳ ⵓⵎⴳⴳⵔⴹ ⵏ ⵉⵎⵙⵏⴰⵢⵏ ⵉⵏⵣⵔⴰⴼⵏ ⴳ ⵓⵙⵔⵓⵙ ⵏ ⵜⵙⵜⵔⴰⵜⵉⵊⵉⵢⵜ ⴳ ⵜⵙⵏⴱⴹⴰⵢⵉⵏ, ⵙⵍⴰⵡⴰⵏ ⴰⴽⴽⵯ ⵜⵙⴳⵉⵡⵉⵏ ⵏ ⵓⵜⵓⵢ ⴷ ⵓⵎⵓⵔⵙ ⵏ ⵓⴼⵔⵔⵓ ⴷ ⵜⵏⴱⴰⴹⵜ ⵏ ⵓⵙⵡⵓⴷⴷⵓ ⴷ ⵓⵙⵎⴽⵍ ⵏ ⵉⵙⵏⴱⴹⴰⵢⵏ, ⴰⵡⴷ ⴰⵎⵙⴰⵡⴰⴹ ⵉⵣⴷⴷⵉⴳⵏ ⴷ ⵓⵎⵓⵢⴰⵡⴰⵙ ⴰⴽⴷ ⵎⴰⵔⵔⴰ ⵜⵉⵡⵓⵔⵉⵡⵉⵏ ⵜⵉⵏⵣⵔⴰⴼⵉⵏ.
ⵉⵣⵎⴻⵎⵎ ⵓⵙⵉⵡⴹ ⵎⴰⵙ ⴷ ⵉⴼⴰⵡ ⵙⴳ ⵜⵄⵢⵉⵏⴰⵜ ⵏⵏⴰ ⵅⴼ ⵉⵎⵙⴰⵙⴰ ⵓⴳⵍⵍⵉⴷ ⴳ ⵙⵏⴰⵜ ⵜⵙⵓⵜⵍⵜⵉⵏ ⵏ 2021 ⴷ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ 2022 ⵎⴰⵙ ⴷ 87 ⵏ ⵜⵏⴱⴹⵓⵜ ⴷ ⵓⵏⴱⴹⵓ ⵜⴻⵜⵜⵡⴰⴼⴽⴰ ⴰⵙⵏ ⵜⵡⵓⵔⵉ ⴰⴷ ⴳ ⵜⵉⴽⴽⵍⵜ ⵜⴰⵎⵣⵡⵣⵔⵓⵜ, ⵎⴰⴷ ⵉⴳⴰⵏ 44.16% ⵙⴳ ⵓⵙⵎⵓⵏ ⵏ ⵜⵡⵓⵔⵉⵡⵉⵏ ⵏⵏⴰ ⵅⴼ ⵉⵜⵜⴰⵡⵙⴽⴰⵔ ⵓⵙⵏⴼⵍ. ⵎⴰ ⴰⴷ ⴰⵔ ⵉⵜⵙⴷⴷⵉⴷ ⵜⵉⵔⵉⵜ ⵏ ⵓⵙⵇⵇⵉⵎ ⴰⴷ ⵉⴼⴽ ⵜⵉⵣⵉ ⵉ ⵉⵏⴱⴰⴹⵏ ⴷ ⵜⵏⴱⴰⴹⵉⵏ ⵉⵄⵔⵔⵉⵎⵏ ⴳ ⵢⵉⴳⵔ ⴰⴷ , ⴰⵡⴷ ⵉ ⵉⵏⴱⴰⴹⵏ ⵏⵏⵉⴹⵏ ⵏⵏⴰ ⵎⵓ ⵊⵊⵓ ⵓⵔ ⵜⴻⵜⴼⴽⴰ ⵜⵎⵙⵙⵜⴳⴳⴰⵔⵜ ⵜⴰⵏⵣⵔⴰⴼⵜ ⴰⴷ ⵏⵏ ⴰⴳⵏ ⵙ ⵜⵎⵙⴽⴰⵔⵉⵏ ⴳ ⵢⵉⴳⵔ ⴰⵏⵣⵔⴰⴼ ⴷ ⴰⴷ ⵙⵡⵓⵔⵉⵏ ⵅⴼ ⵓⴱⵓⵖⵍⵓ ⵏⵏⵙ. ⵎⴰ ⴰⴷ ⵉⴳⴰ ⵢⴰⵜ ⵜⵉⵔⵉⵜ ⵏ ⵓⵙⵇⵇⵉⵎ ⴳ ⵓⵙⵜⴰⵢ ⵏ ⵉⵎⴰⵔⴰⵏ ⵉⵎⴰⵙⴰⵢⵏ ⵉⵏⵣⵔⴰⴼⵏ , ⵏⵏⴰ ⵅⴼ ⵜⵙⴰⵡⵍ ⵜⵙⵜⵔⴰⵜⵉⵊⵉⵢⵜ ⵏ ⵓⵙⵇⵇⵉⵎ ⴰⴼⴰⴷ ⴰⴷ ⵙⴽⵔⵏ ⵉⵙⵎⵓⵜⵜⴳⵏ ⴳ ⵢⵉⴳⵔ ⴰⴷ .
ⴳ ⵜⴷⴳⴰ ⵢⴰⴹⵏ, ⵉⵍⵍⴰ ⴳ ⵓⵙⵉⵡⴹ ⴳ ⵢⴰⵜ ⵜⵉⵣⵉ ⴰⵡⴷ 13 ⵏ ⵜⵡⵜⵎⵜ ⵜⴰⵏⴱⴹⴰⵜ ⵜⴻⵜⵜⵡⴰⴼⴽⴰ ⴰⵙⵏⵜ ⵜⵓⴳⵜⵜ ⵏ ⵜⵡⵓⵔⵉⵡⵉⵏ ⵏ ⵜⵎⵙⵙⵜⴳⴳⴰⵔⵜ , ⵙⴳ ⴳⵉⵙⵏⵜ 11 ⵏ ⵜⵏⴱⴹⴰⵜ ⵜⴻⵜⵜⵡⴰⴼⴽⴰ ⴰⵙⵏⵜ ⵜⵡⵓⵔⵉ ⴰⴷ ⵜⵉⴽⴽⵍⵜ ⴷⴰⵔⵙⵏ ⵉⵣⵡⴰⵔⵏ: ⵢⴰⵜ ⵜⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ (1) ⵏ ⵜⵙⵏⴱⴹⴰⵢⵜ ⵏ ⵡⴰⵍⴰⵙ, ⴽⵔⴰⴹⵜ ⵜⵏⵙⵙⵉⴼⵅⵉⵏ (3) ⵏ ⵜⵙⵏⴱⴹⴰⵢⵉⵏ ⵜⵉⵎⵣⵡⵓⵔⴰ, ⴷ ⵙⵏⴰⵜ ⵜⵏⵙⵙⵉⵅⴼⵉⵏ (2) ⵏ ⵜⵙⵏⴱⴹⴰⵢⵉⵏ ⵏ ⵓⵙⵖⵏⵣⵉ, ⵙⵏⴰⵜ ⵜⵙⵏⵓⵔⴰⵢⵉⵏ ⵏ ⵓⴳⵍⵍⵉⴷ ⴷⴰⵔ ⵜⵙⵏⴱⴹⴰⵢⵉⵏ ⵜⵉⵎⵣⵡⵓⵔⴰ , ⴷ ⴽⵔⴰⴹⵜ (3) ⵜⵙⵏⵓⵔⴰⵢⵉⵏ ⵏ ⵓⴳⵍⵍⵉⴸ ⴷⴰⵔ ⵜⵙⵏⴱⴹⴰⵢⵉⵏ ⵏ ⵓⵙⵖⵏⵣⵉ.
ⵉⴱⵔⵣ ⵓⵙⵉⵡⴹ ⵎⴰⵙ ⴷ ⵙ ⵜⵔⵏⴰⵡⵜ ⵏ ⵜⵡⵓⵔⵉⵡⵉⵏ ⴰⴷ ⴷ ⵓⵟⵟⵓⵏ ⵏ ⵜⵏⴱⴰⴹⵉⵏ ⵜⵉⵎⴰⵢⵏⵓⵜⵉⵏ, ⵉⵖⵍⵉ ⵓⵟⵟⵓⵏ ⵏ ⵜⵡⵜⵎⵉⵏ ⵜⵉⵏⴱⴰⴹⵉⵏ ⵏⵏⴰ ⵉⵙⵡⵓⵔⵉⵏ ⵖⵉⵍⴰⴷ ⴳ ⵜⵎⵙⵙⵜⴳⴳⴰⵔⵜ ⵜⴰⵏⵣⵔⴰⴼⵜ ⴳ ⵜⵓⴳⵜⵜ ⵏ ⵜⵙⵏⴱⴹⴰⵢⵉⵏ ⴳ ⵜⴳⵍⴷⵉⵜ ⴰⵔ 20 ⵏ ⵜⵏⴱⴹⴰⵜ , ⵎⴰⴷ ⵉⴳⴰⵏ 9% ⴳ ⵓⵙⵎⵓⵏ ⵏ ⵎⴰⴷ ⵉⵙⵡⵓⵔⵉⵏ ⴳ ⵜⵎⵙⵙⵜⴳⴳⴰⵔⵜ ⵜⴰⵏⵣⵔⴰⴼⵜ.
ⵉⵎⵙⴳⵔⴰ ⵓⵙⵉⵡⴹ ⵏ ⵓⵙⵇⵇⵉⵎ ⵎⴰⵙ ⴷ ⵉⴳ ⵉⴳⴰ ⵓⵙⵖⵍ ⴰⴷ ⵓⵔ ⴰⵔ ⵉⵜⵎⵏⴳⴰⵍ ⵜⵉⴽⴰⵢⵍⴰⵍⵉⵏ ⵏ ⵜⵏⴱⴰⴹⵉⵏ ⵜⵉⵎⵖⵔⵉⴱⵉⵢⵉⵏ ⴳ ⵜⵡⵓⵔⵉ ⵏⵏⵙⵏⵜ, ⵉⵣⵓⵢⴷ ⵓⵙⵖⵍ ⴰⴷ ⴳ 2020. ⵎⴰ ⴰⵙ ⴰⵔ ⵉⵎⵎⴰⵍ ⵜⵉⵔⵉⵜ ⵏ ⵓⵙⵇⵇⵉⵎ ⴰⴼⴰⴷ ⴰⴷ ⵉⴼⴽ ⵉ ⵜⵎⵖⴰⵔⵜ ⵜⴰⵏⴱⴰⴹⵜ ⴰⴷⵖⴰⵔ ⵏⵏⵙ ⴳ ⵜⵡⵓⵔⵉ ⵏ ⵜⵎⵙⵙⵜⴳⴳⴰⵔⵜ ⴳⵔ ⴰⵙ ⴷ ⵉⵎⴷⴷⵓⴽⴽⴰⵍ ⵏⵏⵙ ⵉⵏⴱⴰⴹⵏ , ⴰⵙⵏⵜⵍ ⴰⴷ ⵉⴳⴰ ⴰⵡⵜⵜⴰⵙ ⵏ ⵜⵙⵜⴰⵜⵉⵊⵉⵢⵜ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵏⴱⴰⴹⵜ ⵜⴰⵏⵣⵔⴰⴼⵜ, ⴰⵔ ⵖⵉⴼⵙ ⵉⵙⵡⵓⵔⵉ ⵓⵙⵇⵇⵉⵎ ⴰⴼⴰⴷ ⴰⴷ ⵉⵙⴱⵖⵙ ⵜⵉⵏⴱⴰⴹⵉⵏ ⴳ ⵜⵡⵓⵔⵉ ⵏ ⵜⵎⵙⵙⵜⴳⴳⴰⵔⵜ, ⴰⵔ ⵉⵜⵜⵍⵍⵉ ⴰⵡⴷ ⵅⴼ ⵜⵙⵓⴳⴰⵔ ⵜⵉⵏⴱⴰⴹⵉⵏ ⵏ ⵜⵡⵜⵎⵜ.