ⵀⴰ ⵎⴰⴷ ⵉⵏⵏⵉ ⵢⴰⵏ ⵓⵙⵉⵡⴹ ⵏ ⵓⵎⵙⵉⵡⵍ ⵙ ⵉⵙⵎ ⵏ ⵜⴰⴳⴰⴷⵉⵔⵜ ⵜⴰⴳⵍⴷⴰⵏⵜ ⵄⴱⴷ ⵍⵃⴰⵇ ⵍⵎⵔⵉⵏⵉ ⴳ ⵓⵣⵎⵎⵣⵓ ⴷⵖ
ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵢⴰⴷ ⵉⵎⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰ ⴰⵙⵙ ⵏ ⵓⵙⵉⵏⴰⵙ 18 ⴽⵟⵓⴱⵕ 2022 ⴰⵎⵉⵍⴰⴷⵉ ⵉⵎⴰⴳⴳⴰⵔ 21 ⵕⴰⴱⵉⵄ ⴰⵎⴰⵣⵡⴰⵔⵓ 1444 ⴰⵀⵉⵊⵔⵉ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵖ ⵕⵕⴱⴰⵟ ⵢⴰⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵉⵣⵍⵉⵏ ⵙ ⵉⵙⵏⵡⴰⵏ ⵉⵎⵜⴰⵜⵢⵏ ⵏ ⵓⵙⵏⵜⵉ ⵏ ⵓⵙⵍⴳⴰⵏ ⵓⵥⵕⴼ ⵏ ⵓⵙⴳⴳⴰⵙ 2023 ⴷ ⵓⵙⵖⵣⵏ ⵅⴼ ⴰⵙⵏⵜⵉ ⵏ ⴹⴹⴰⵀⵉⵔ ⴰⵛⵛⵔⵉⴼ ⴷ ⴽⵕⴰⴹ ⵏ ⵉⵙⵏⵜⵉⵏ ⵏ ⵉⵙⵍⴳⴰⵏ ⵉⵎⵙⴷⵙⵏ ⴷ ⴽⵕⴰⴹ ⵏ ⵉⵙⵏⵜⵉⵏ ⵏ ⵍⵎⴰⵕⴰⵚⵉⵎ ⵓⵍⴰ ⵎⵏⵏⴰⵡⵜ ⵏ ⵜⵎⵢⴰⵇⵇⴰⵏⵉⵏ ⵜⵉⵎⴰⴹⵍⴰⵏⵏ
ⴳ ⵍⴱⵓ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⵖⵉⴽ ⵏⵏⴰⵏ ⴰⵃⴽⴰⵎ 49 ⵙⴳ ⵓⴷⵓⵙⵜⵓⵔ ⵜⵙⵎⵏⵉⴷ ⵜⴰⵎⴰⵡⴰⵙⵜ ⵏ ⵜⴷⵍⵙⴰ ⴷ ⵓⵥⵕⴼ ⵢⴰⵏ ⵓⴼⵙⵙⴰⵔ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵉⵣⵔⵉⴳⵏ ⵏ ⵓⵙⵏⵜⵉ ⵏ ⵓⵥⵕⴼ ⵏ ⵓⵙⴳⴳⵯⴰⵙ 2023.
ⵜⵙⴷⴷⵉⴷ ⵜⴰⵎⴰⵡⴰⵙⵜ ⵎⴰⵙ ⴰⵙⵓⵊⴷ ⵏ ⵓⵙⵏⵜⵉ ⵉⴳⴰ ⴳ ⵓⵙⴰⵜⵉ ⵏ ⵓⵏⵣⵡⵉ ⴰⵎⴰⴹⵍⴰⵏ ⵓⵔ ⵉⵔⴳⴳⵉⴳ ⵎⴰⵢⴰⴷ ⵢⵓⵊⵊⴰⵏ ⵜⵉⵎⵓⴽⵔⵉⵙⵉⵏ ⴳ ⵓⵙⴷⵉ ⵏ ⵜⴰⵙⵢⴰⴼⵓⵜ :
ⵉⴱⵉⴷⴷⵏ ⵉⵙⵏⵡⴰⵏ ⵉⵙⵏⵡⴰⵏ ⵉⵎⵜⴰⵜⵢⵏ ⵏ ⵓⵙⵏⵜⵉ ⵏ ⵓⵙⵍⴳⴰⵏ ⵓⵥⵕⴼ ⵏ ⵓⵙⴳⴳⴰⵙ 2023 ⵅⴼ ⴽⴽⵓⵣ ⵉⵙⴳⵓⵎⵏ ⵉⴷⵙⵍⴰⵏ .
ⴰⵎⵣⵡⴰⵔⵓ : ⴰⵙⴷⵓⵙ ⵏ ⵉⵙⵓⵜⴰⵔ ⵏ ⵓⵡⴰⵏⴽ ⴰⵏⴰⵎⵓⵏ : ⵙⴳ ⵓⵣⵣⵓⴳⵯⵣ ⵏ ⵓⵙⵏⴼⴰⵕ ⴰⴳⵍⴷⴰⵏ ⵏ ⵓⵣⵓⵣⵣⵔ ⵏ ⵡⴰⵔⴰⵢ ⴰⵏⴰⵎⵓⵏ, ⵙⵍⴰⵡⴰⵏ ⴰⴽⴽⵯ ⴰⵙⵎⴰⴷ ⵏ ⵓⵙⵏⴼⴰⵕ ⴰⴷⵓⵙⴰⵏ ⵏ ⵉⵙⵡⵉⵔⵏ ⵉⵏⴰⵎⵓⵏⵏ, ⴷ ⵓⵙⴼⵍⵙ ⵏ ⵜⴰⵡⵊⵉⵡⵉⵏ , ⵙⴳ ⵓⵎⵢⴰⴷⴰⵙ ⴰⵎⴰⵢⵏⵓ ⵏ ⵉⵡⴷⴰⵏ ⵉⵙⵖⴰⵡⵙⴰⵏ ⵙ ⵓⵙⵎⵔⵙ ⵏ ⵡⴰⵍⵓⴳ ⴰⵏⴰⵎⵓⵏ, ⴷ ⵓⵣⵓⵣⵣⵔ ⵏⵏⵙ ⴳ ⵜⵙⴳⴳⵉⵡⵉⵏ ⴰⴽⴽⵯ ⵏ ⵜⴳⵍⴷⵉⵜ .
ⵔⴰⴷ ⵉⵜⵜⵓⵙⵎⴰⴷ ⵓⵏⵎⴰⵍⵍⵓ ⵏ ⵜⴷⵓⵙⵉ ⴰⵏⴰⵎⵓⵔ ⵙⴳ ⵓⵙⴷⵓⵙ ⵏ ⵜⴷⵔⵉⵎⵜ ⵏⵏⴰ ⵉⵜⵜⵓⴼⴽⴰⵏ ⵉ ⵉⴳⵔ ⴰⴷⵓⵙⴰⵏ ⴷ ⵡⴰⵔⴰⵢ ⴰⵏⴰⵎⵓⵏ .
ⵎⴽⵍⵍⵉ ⵔⴰⴷ ⵜⴻⵜⵜⵓⵙⴽⴰⵔ ⵢⴰⵜ ⵜⴽⴰⵕⴹⴰ ⵏ ⵓⴱⵔⵉⴷ ⵏⵏⴰ ⵉⵣⴷⵉⵏ ⴷ ⵓⵙⴳⴳⴷ ⵏ ⵓⵏⵎⴰⵍⵍⵓ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⴷ ⵓⵙⴷⵓⵙ ⵏ ⵜⵡⵉⵙⵉ ⵏ ⵜⵎⵖⴰⵔⵜ ⴳ ⵉⴳⵔⴰⵏ ⴰⴽⴽⵯ ⵉⴷⵎⵙⴰⵏⵏ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏⵏⵙ, ⴷ ⵓⵙⵙⵉⴷⴼ ⵏ ⵉⵡⴷⴰⵏ ⵉⵙⵖⴰⵡⵙⴰⵏ ⴳ ⵜⴷⵓⵙⵉ ⵏⵏⵙⵏ .
ⵙⴳ ⵓⵙⵙⵔⵅⵓ ⵏ ⵓⴽⵛⵛⵓⵎ ⵙ ⵜⵓⵙⴽⴰ, ⴷ ⵓⵙⴷⴷⵉⴷ ⵏ ⵜⵓⴷⵔⵜ ⵉⵣⴷⴷⵉⴳⵏ, ⵉⵍⵍⴰ ⵡⴰⵏⵏⴰⵍ ⵏ ⵓⵡⴰⵏⴽ ⴳ ⵉⴳⵔ ⴰⴷ , ⵉ ⵉⵡⴷⴰⵏ ⵏⵏⵙ .
ⵡⵉⵙⵙ ⵙⵉⵏ : ⴰⵙⴱⵓⵖⵍⵓ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⵙⴳ ⵡⴰⵏⵏⴰⵍ ⵏ ⵓⵙⵙⵔⵏⵓ: ⵙⴳ ⵓⵣⵣⵓⴳⵣ ⵏ ⵜⵏⵜⵜⴰⵎⵜ ⵏ ⵓⵙⵙⵔⵏⵓ ⴰⵎⴰⵢⵏⵓ, ⴷ ⵓⵙⴽⴽⵉⵔ ⵏ ⵜⵓⵎⵍⴰⵢⵉⵏ ⵏⵏⴰ ⵉⵍⵍⴰⵏ ⴳ ⵓⵙⵏⴼⴰⵕ ⵏ ⵓⵙⵙⵔⵏⵓ ⴰⵎⴳⵓⵔⴰⵏ .
ⵙ ⵓⵙⴽⴽⵉⵔ ⵙ ⵜⵓⵎⵍⴰⵢⵉⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ, ⵔⴰⴷ ⵉⵜⵜⵓⵙⴽⴰⵔ ⵓⴼⵏⵉⵇ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏ ⵓⵙⵙⵔⵏⵓ, ⴷ ⵜⴷⵉⵏⴰⵎⵉⴽⵜ ⵜⴰⵎⴰⵢⵏⵓⵜ ⵅⴼ ⵓⵙⵙⵔⵏⵓ ⴰⵏⴰⵎⵓⵏ, ⵙ ⵓⵙⵎⵔⵙ ⵏ ⵉⵙⵏⴼⴰⵕⵏ ⵏ ⵜⵓⵙⴽⵉⵡⵜ ⴷ ⵜⵙⵜⵕⴰⵜⵉⵊⵉⵜ ⵏ ⵉⴳⵔ ⴰⴷ , ⵎⴰ ⴰⵏⵏ ⴰⴷ ⵔⴰⴷ ⵉⵙⴽⵓ ⵜⴰⵏⴰⵣⴰⵕⵜ ⵜⴰⵏⴰⵎⵓⵔⵜ ⴳ ⵉⴳⵔ ⵏ ⵓⵙⴰⴷⵓⵔ ⴷ ⵜⴷⵓⵙⵉ ⴷ ⵜⴰⵔⵏⴰ .
ⵙ ⵜⵉⵍⴰⵍ ⵏ ⵜⴼⴳⵓⵔⵉⵏ ⴳ ⵉⴳⵔ ⵏ ⵓⵙⴱⵓⵖⵍⵓ ⵏ ⵉⵏⴰⵣⴰⵕⵏ ⵉⴷⵎⵙⴰⵏⵏ, ⴷ ⵓⵙⴷⴷⵉⴷ ⵏ ⵉⵡⵜⵜⴰⵙⵏ ⵏⵏⴰ ⵉⵜⵜⵓⵙⵓⵜⵔⵏ ⴳ ⵉⴳⵔ ⵏ ⵓⵙⴱⵓⵖⵍⵓ ⵏ ⵜⴷⴰⵎⵙⴰ, ⵔⴰⴷ ⵉⵜⵜⵓⵙⴽⴰⵔ ⵓⵙⵍⴳⵏ ⵏⵏⴰ ⵉⵣⴷⵉⵏ ⴷ ⵜⴼⴳⵓⵔⵜ, ⴰⴼⴰⴷ ⴰⴷ ⵉⴼⴰⵡ ⵓⵏⵎⴰⵍⵍⵓ ⴰⴷ ⴳ ⵉⴳⵔ ⵏ ⵜⴷⴰⵎⵙⴰ ⴼ ⵜⴷⵔⴰⵡⵉⵏ, ⴷ ⵉⴳⵔ ⵏ ⵉⴱⴰⵏⴽⵏ ⴷ ⵜⵏⴼⵔⵓⵜ ⴷ ⵓⵙⵙⵉⴼⵙⵓⵙ ⵏ ⵜⴼⴳⵓⵔⵜ ⴼ ⵉⵎⵙⵡⵡⵓⵔⵉⵏ ⵙⵓⵍ ⵓⵔ ⵉⵙⵡⵡⵓⵔⵉⵏ ⴷ ⵓⵙⵡⵉⵔ ⴰⵏⴰⵎⵎⴰⵙ .
ⵡⵉⵙⵙ ⴽⵕⴰⴹ : ⴰⵙⴷⵓⵙ ⵏ ⵜⵖⴹⵎⵜ ⵜⴰⵔⴰⴽⴰⵍⵜ : ⵙ ⵓⵣⵣⵓⴳⵣ ⵏ ⵜⵏⵎⵏⴰⴹⵜ ⵉⴱⵓⵖⵍⴰⵏ, ⴷ ⵡⴰⵀⵉⵍ ⵏ ⵓⵙⴷⵔⵓⵙ ⵏ ⵉⵏⵓⵃⵢⵓⵜⵏ ⵉⵏⴰⵎⵓⵏⵏ .
ⵎⴽⵍⵍⵉ ⵔⴰⴷ ⵢⵉⵍⵉ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ ,ⵙⴳ ⵓⵙⵙⵉⴼⵙⵓⵙ ⵏ ⵜⵎⴰⵎⴽⵉⵏ ⵏ ⵓⵏⴱⴱⵕ ⵏⵏⵙ, ⴷ ⵓⵙⵏⵜⵉ ⵏ ⵜⵙⵜⵕⴰⵜⵉⵊⵉⵢⵢⵜ ⵜⴰⵏⴰⵎⵓⵔⵜ ⵜⴰⵎⴰⵢⵏⵓⵜ ⵏ ⵓⵎⵎⵓⵜⵜⵉ ⵓⵟⵟⵓⵏⴰⵏ,ⴷ ⵓⵙⵡⵓⵔⵉ ⴼ ⵡⴰⵔ ⵜⴰⵏⴰⵎⵎⴰⵙⵜ ⵏ ⵜⵎⵙⵙⵓⴳⵓⵔⵜ, ⴷ ⵓⵙⵎⵔⵙ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵉⴳⵔⴰⵏ ⴰⴽⴽⵯ ⵏ ⵜⵓⴷⵔⵜ ⵜⴰⵏⴰⵎⵓⵔⵜ .
ⵜⵉⵙⵙ ⴽⴽⵓⵙⵟ : ⴰⵙⵔⵓⵙ ⵏ ⵜⴷⵔⵉⵎⵜ ⵉ ⵜⵏⴰⴼⵓⵜ ⵏ ⵉⵙⴳⴳⴷⵏ ⴰⴷ,: ⵙ ⵓⵙⵎⵔⵙ ⵏ ⵉⵙⵓⴳⴰⵎ ⴰⴽⴽⵯ ⵏ ⵜⴷⵔⵉⵎⵜ ⴷ ⵓⵔⵣⵣⵓ ⵏ ⵓⵙⴼⵍⵙ ⵏ ⵉⵙⵏⴼⴰⵕⵏ, ⴷ ⵓⵏⴱⴱⵕ ⵏ ⵓⵙⵏⵢⵓⴷⴷⵓ ⵏ ⵜⵎⵙⵙⵓⴳⵓⵔⵉⵏ , ⴷ ⵓⵙⴳⴳⴷ ⵏ ⵉⵏⵎⴰⵍⵍⵓⵜⵏ ⵉⵏⴰⵎⵓⵏⵏ ⴷ ⵓⵙⵍⴳⵏ ⴰⵙⵏⵎⴰⵍⴰⵢ ⵏ ⵓⵙⵍⴳⵏ ⵏ ⵜⴷⵔⵉⵎⵜ , ⴷ ⵓⵙⴱⵓⵖⵍⵓ ⵏ ⵜⵏⴰⴼⵓⵜⵉⵏ ⴷ ⵓⴼⵔⵔⵓ .
ⵜⵏⵏⴰ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙⴷ ⴰⵙⵏⴼⴰⵕ ⴰⴷ ⵔⴰⴷ ⵉⵙⴽⵓ ⴼ ⵓⵙⵖⴰⵍ ⵏ ⵓⴱⵓⵖⵍⵓ ⵏ 4 ⴳ ⵜⵎⵉⴹⵉ ⴷ ⵓⵙⵖⴰⵍ ⵏ ⵓⵙⴰⵜⵜⵓⵢ ⴳ 2 ⴳ ⵜⵎⵉⴹⵉ , ⴷ ⵓⵙⴷⵔⵓⵙ ⵏ ⵜⴷⵔⵉⵎⵜ ⴳ 4.5 ⴳ ⵜⵎⵉⴹⵉ ⴳ ⵓⵢⴰⴼⵓ ⴰⴳⵯⵏⵙⴰⵏ ⴰⵎⴰⵜⴰⵢ .
ⴷⴼⴼⵉⵔ ⵏ ⵓⵙⴳⵎⴹ ⵏ ⵓⵙⵇⵇⵉⵎ ⵓⵏⴱⵉⴹ ⵅⴼ ⵜⵓⵎⵍⴰⵢⵉⵏ ⵜⵉⵎⴰⵜⴰⵢⵉⵏ ⵏ ⵓⵙⵏⴼⴰⵕ ⵏ ⵓⵙⵍⴳⵏ ⵏ ⵜⴷⵔⵉⵎⵜ ⵏ 2023, ⵉⵜⵜⵓⵙⴳⵎⴹ ⴰⵡⴷ ⵓⵙⵏⴼⴰⵕ ⵉⵣⴷⵉⵏ ⴷ ⵓⵙⴳⴳⴷ ⵏ ⵜⵀⵉⵔⵔⵉⵜⵉⵏ ⵜⵉⵙⵔⴷⴰⵙⵉⵏ ⴷ ⵜⵏⴼⵔⵓⵜ ⵏⵏⵙ .
ⴰⵡⵜⵜⴰⵙ ⵏ ⵓⵙⵏⴼⴰⵕ ⴰⴷ ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙ ⵓⵙⴽⴽⵉⵔ ⵏ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⵏⵙⵙⵉⵅⴼ ⵏ ⵉⵙⵔⴷⴰⵙ ⵉⴳⵍⴷⴰⵏⵏ ⵉⵙⴽⵔ ⵢⴰⵏ ⵓⵏⵎⴰⵍⵍⵓ ⵉⵥⵍⵉⵏ ⵙ ⵜⴰⵢⵍⴰⵍⵉⵏ ⵜⵉⵙⵔⴷⴰⵙⵉⵏ ⴷ ⵜⵏⴼⵔⵓⵜ ⵏⵏⵙⵏⵜ, ⴷ ⵓⵙⴽⴽⵉⵔ ⵏ ⵜⵏⴱⴱⴰⴹⵜ ⵉⵣⴷⵉⵏ ⴷ ⵉⵜⵉⵇⵏⵉⵏ ⴷⴰⵔ ⵉⵙⵔⴷⴰⵙ ⵉⴳⵍⴷⴰⵏⵏ ⵙ ⵜⵓⵎⵍⴰⵢⵉⵏ ⵏ ⵓⴳⵍⵍⵉⴷ .
ⵉⵙⵙⴳⵎⴹ ⵓⵙⵇⵇⵉⵎ ⵓⵏⴱⵉⴹ ⵅⴼ ⵙⵉⵏ ⵉⵙⵍⴳⴰⵏⵏ ⵉⵙⵏⵎⴰⵍⴰⵢ ⴷ ⵓⵙⵎⴰⴷ ⵏ ⵓⵙⵍⴳⵏ ⴰⵙⵏⵎⴰⵍⴰⵢ ⵉⵣⴷⵉⵏ ⴷ ⵓⵙⵇⵇⵉⵎ ⵓⵏⴱⵉⴹ ⴷ ⵓⵏⵎⴰⵍⵍⵓ ⴰⴷⵙⵍⴰⵏ ⵏ ⵉⵏⵖⴹⴰⴼⵏ .
ⴰⵡⵜⵜⴰⵙ ⵏ ⵓⵙⵏⴼⴰⵕ ⵉⵣⴷⵉⵏ ⴷ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵓⵏⴱⵉⴹⵜ, ⴰⴼⴰⴷ ⴰⴷ ⵜⵜⵔⴰⵔ ⵜⵖⴹⴼⵜ ⵙ ⵓⵙⵡⵉⵔ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⴷ ⵓⵏⴱⴱⵕ ⵏ ⵜⵎⵙⵙⵓⴳⵓⵔⵜ, ⴷ ⵓⵎⵙⴰⵙⴰ ⵏ ⵡⴰⴷⴷⴰⴷ ⵏ ⵓⵙⵍⴳⵏ ⵉ ⵓⵏⵎⴰⵍⵍⵓ ⴰⵎⴰⵙⵙⴰⵔ ⵏ ⵓⵎⵣⴷⴰⵢ ⴳ ⵉⴳⵔ ⵏ ⵜⵎⵙⵙⵓⴳⵓⵔⵜ ⵜⵓⵏⴱⵉⴹⵜ , ⴷ ⵓⵏⴱⴱⵕ ⵏ ⵓⵙⵜⴰⵢ ⵏ ⵉⴳⵎⴰⵎⵏ ⵏⵏⵙ , ⴷ ⵜⵙⵉⵎⴰⵏⵜ ⵏ ⵓⵏⵎⴰⵍⵍⵓ ⵏ ⵜⵖⴹⵎⵜ .
ⵉⴳ ⵓⵡⵜⵜⴰⵙ ⵏ ⵓⵙⵏⴼⴰⵕ ⵉⵣⴷⵉⵏ ⴷ ⵓⵏⵎⴰⵍⵍⵓ ⵏ ⵉⵏⵖⴹⴰⴼⵏ ⴰⵙⵏⵎⴰⵍⴰ ⵏ ⵉⵙⵡⵉⵔⵏ ⵏ ⵉⵏⵖⴹⴰⴼⵏ ⴷ ⵓⵙⴷⵓⵙ ⵏ ⵉⵎⵙⵜⴳⴳⴰⵔⵏ ⵓⵏⴱⵉⴹⵏ ⵉⵣⴷⵉⵏ ⴷ ⵜⵏⵖⴹⴰⴼⵜ .
ⵎⴽⵍⵍⵉ ⵉⵙⵙⴳⵎⴹ ⵓⵙⵇⵇⵉⵎ ⵓⵏⴱⵉⴹ ⵅⴼ ⵓⵙⵍⴳⵏ ⴰⵙⵏⵎⴰⵍⴰⵢ ⵏ ⵓⵙⵏⴼⵍ ⴷ ⵓⵙⴷⵓⵙ ⵏ ⵓⵙⵍⴳⵏ ⴰⵙⵏⵎⴰⵍⴰⵢ ⵉⵣⴷⵉⵏ ⴷ ⵜⵎⵍⴷⵉⵡⵉⵏ ⵏ ⵜⵡⵡⵓⵔⵉ ⵜⵉⵎⴰⵜⴰⵢⵉⵏ , ⴰⵡⵜⵜⴰⵙ ⵏ ⵓⵙⵏⴼⴰⵕ ⴰⴷ :
- ⴰⵙⵎⴰⴷ ⵏ ⵓⵎⴰⵔⵉⵙ ⴰⵎⵖⵔⵉⴱⵉ ⵏ ⵉⵣⵔⴼⴰⵏ ⵏ ⵓⵎⵥⵕⵉⴳ ⴷ ⵉⵣⵔⴼⴰⵏ ⵉⵎⵢⴰⴷⴰⵙⵏ, ⴷ ⵜⵎⵔⵙⵍⵜ ⵜⴰⵎⴰⵙⵙⴰⵔⵜ ⵏ ⵓⵙⴱⵓⵖⵍⵓ ⵏ ⵜⵡⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵉⵎⵙⵡⵡⵓⵔⵉⵏ ⵏ ⵜⵎⵙⵙⵓⴳⵓⵔⵉⵏ ⵜⵉⵏⴰⵎⵓⵏⵉⵏ ⵉ ⵜⵎⵔⵙⴰⵍ ⵏⵏⴰ ⵖ ⴰⵔ ⵙⵡⵡⵓⵔⵉⵏ ⵉⵎⵙⵜⴳⴳⴰⵔⵏ ⵓⵏⴱⵉⴹⵏ .
-ⴰⵙⵏⴼⵍ ⵏ ⵡⴰⵙⵙⴰⵖ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵓⵙⴽⵉⵡⵜ ⴷ ⵡⴰⵙⵙⴰⵢ ⴷ ⵍⵍⵓⵊⵉⵙⵜⵉⴽ ⴷ ⵡⴰⵎⴰⵏ ⵏⵏⴰ ⵖ ⵍⵍⴰⵏⵜ ⵜⵎⵍⴷⵉⵡⵉⵏ ⵏ ⵓⵙⵡⵡⵓⵔⵉ ⴳ ⵜⵎⵙⵙⵓⴳⵓⵔⵉⵏ ⵜⵉⵏⴰⵎⵓⵏⵉⵏ ⵙ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵓⵙⴽⵉⵡⵜ .
ⵙⴳ ⵜⵖⴹⴼⵜ ⵏⵏⴰ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵉⵙⵔⴷⴰⵙ ⵉⴳⵍⴷⴰⵏⵏ , ⵉⵜⵜⵓⵙⴳⵎⴹ ⵢⴰⵏ ⵓⵙⵍⴳⵏ ⵉⵣⴷⵉⵏ ⴷ ⵉⴳⵔ ⵏ ⵉⵙⵔⴷⴰⵙ .
ⵉⴳⴰ ⵍⵃⴰⵍ ⴰⵙⵍⴳⵏ ⵏ ⵓⵙⴷⵓⵙ ⵏ ⵓⵙⵍⴳⵏ ⵓⵏⴱⵉⴹ ⵉⵣⴷⵉⵏ ⴷ ⵡⴰⵜⵉⴳ ⵏ ⵓⵙⵡⵡⵓⵔⵉ ⵏ ⵉⵙⵔⴷⴰⵙ ⴷ ⵓⵙⴱⵓⵖⵍⵓ ⵏ ⵓⵙⵡⵉⵔ ⵏⵏⵙⵏ ⴷ ⵡⴰⴷⴷⵓⵔ ⵏⵏⵙⵏ ⴷ ⵡⵉⵏⵏⴰ ⴰⴽⴽⵯ ⵉⵙⵡⵡⵓⵔⵉⵏ ⴳ ⵉⴳⵔ ⵏ ⵜⴷⵓⵙⵉ ⵜⴰⵙⵔⴷⴰⵙⵜ .
ⴰⵙⵏⴼⴰⵕ ⵡⵉⵙⵙ ⵙⵉⵏ ⵉⵣⴷⵉ ⴷ ⵓⵙⴷⴷⵉⴷ ⵏ ⵓⵙⵍⴳⵏ ⵉⵣⴷⵉⵏ ⴷ ⵜⵏⴰⴼⵓⵜⵉⵏ ⵏ ⵜⴼⵍⵙⵜ ⴳ ⵉⴳⵔ ⵏ ⵉⵙⵏⴼⴰⵍ ⵉⵍⵉⴽⵜⵕⵓⵏⵉⵢⵢⵏ , ⴰⵡⵜⵜⴰⵙ ⵏⵏⵙ ⴰⴹⴼⵓⵕ ⵏ ⵓⴱⵓⵖⵍⵓ ⵓⵟⵟⵓⵏⴰⵏ , ⵍⵍⵉⵖ ⵉⴳⴰ ⵢⴰⵏ ⵙⴳ ⵉⵙⵏⴼⴰⵕⵏ ⵉⵍⴰⵏ ⴰⵜⵉⴳ .
ⵎⴽⵍⵍⵉ ⵉⵙⵙⴳⵎⴹ ⵓⵙⵇⵇⵉⵎ ⵓⵏⴱⵉⴹ ⵅⴼ ⵓⵙⵍⴳⵏ ⵏ ⵓⵙⵏⴼⵍ ⵏ ⵜⴼⴰⴷⵉⵡⵉⵏⵏ ⵜⵉⴽⴽⵉ ⵏ ⵡⴰⵏⵏⴰⵍ ⵉ ⵜⴰⵡⵊⵉⵡⵉⵏ ⵏ ⵉⵎⵙⵡⵡⵓⵔⵉⵏ ⴳ ⵜⵙⵔⴷⴰⵙⵜ ⴷ ⵉⵎⵙⵡⵡⵓⵔⵉⵏ ⵏ ⵓⵡⴰⵏⴽ ⴷ ⵜⵎⵔⵙⴰⵍ ⵜⵉⵏⴰⵎⵓⵏⵉⵏ .
ⴰⵡⵜⵜⴰⵙ ⵏ ⵓⵙⵏⴼⴰⵔ ⴰⴷ, ⵏⵏⴰⴷ ⵉⴷⴷⴰⵏ ⵙ ⵓⵙⵎⵔⵙ ⵏ ⵜⵓⵎⵍⴰⵢⵉⵏ ⵏ ⵜⵏⴱⴰⴹⵜ ⵏⵏⴰ ⵉⵍⵍⴰⵏ ⴳ ⵜⵎⵢⴰⵇⵇⴰⵏⵜ ⴳ ⵓⵏⵎⴰⵍⴰ ⵏ ⵓⵎⵔⴰⵔⴰ ⴰⵏⴰⵎⵓⵏ, ⵙ ⵓⵙⴷⵓⵙ ⴷ ⵓⵙⴱⵓⵖⵍⵓ ⵏ ⵡⴰⵜⵉⴳ ⵏ ⵜⵡⵡⵓⵔⵉ ⵏ ⵜⴰⵡⵊⵉⵡⵉⵏ ⵜⵉⴳⵍⴷⴰⵏⵉⵏ ⴷ ⵉⵎⵙⵡⵡⵓⵔⵉⵏ ⵏ ⵓⵡⴰⵏⴽ ⴳ ⵜⵎⵔⵙⴰⵍ ⵜⵉⵏⴰⵎⵓⵏⵉⵏ ⵅⴼ ⵜⴰⵔⵡⴰ ⵏⵏⵙⵏ ⵡⵉⵙⵙ ⴽⴽⵓⵥ ⴷ ⵙⵎⵎⵓⵙ ⴷ ⵡⵉⵙⵙ ⵙⴹⵉⵙ .
ⴳ ⵓⵙⴰⵜⵉ ⵏ ⵓⵙⵎⵔⵙ ⵏ ⵜⴰⵏⵏⴰⵢⵜ ⵜⴰⴳⵍⴷⴰⵏⵜ ⵉ ⵜⵙⵔⵜⵉⵜⵉⵏ ⵏ ⴱⵕⵕⴰ ⵏ ⵜⴳⵍⴷⵉⵜ, ⵙ ⵓⵙⵓⵙⵄⵓ ⵏ ⵜⵔⴰⵜⵙⵉⵡⵉⵏ ⴷ ⵓⵎⵢⴰⵏⴰⵡ ⵏ ⵉⴳⵔⴰⵏ ⴷ ⵓⵙⴽⴽⵉⵔ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴳ ⴽⵉⴳⴰⵏ ⵏ ⵉⴷⵖⴰⵔⵏ ⵉⵔⴰⴽⴰⵍⵏ, ⵉⵙⵙⴳⵎⴹ ⵓⵙⵇⵇⵉⵎ ⵓⵏⴱⵉⴹ ⵅⴼ ⵜⵥⴰ ⵏ ⵜⵎⵢⴰⵇⵇⴰⵏⵉⵏ ⵜⵉⵎⴰⴹⵍⴰⵏⵉⵏ ⴽⵕⴰⴹⵜ ⴳⵉⵙⵏⵜ ⵜⵉⵙⵉⵏⴰⵏⵉⵏ ⵙⵎⵎⵓⵙⵜ ⴳⵉⵙⵏ ⵎⵢⴰⵏⴰⵡⵏⵜ .
ⴳ ⵓⵙⵡⵉⵔ ⴰⵙⵉⵏⴰⵏ, ⵜⵣⴷⵉ ⵜⵎⵢⴰⵇⵇⴰⵏⵜ ⴰⴷ ⴷ ⵉⵎⴷⵔⴰⵡⵏ ⵉⴼⵔⵉⵇⵉⵏ ⴷ ⵉⵎⵖⴰⵔⴱⵉⵏ, ⴳ ⵉⴳⵔ ⵏ ⵓⴼⵔⴰⴳ ⵏ ⵓⵙⵙⵔⵏⵓ ⴷ ⵜⵏⴰⴼⵓⵜⵉⵏ ⵏ ⵉⴳⵏⵏⴰ ⴷ ⵓⵙⵎⵔⵙ ⵏ ⵜⴰⵔⵏⵉⵡⵉⵏ .
ⵜⴰⵎⵢⴰⵇⵇⴰⵏⵜ ⵉⵎⵢⴰⵏⴰⵡⵏ , ⵜⵣⴷⵉ ⴷ ⵉⴳⵔⴰⵏ ⵎⵢⴰⵏⴰⵡⵏⵉⵏ ⵣⵓⵏⴷ ⴰⴼⵔⴰⴳ ⵏ ⵓⴼⵔⵔⵔⵓ ⵏ ⵉⵎⵙⵡⵡⵓⵔⵉⵢⵢⵏ ⴷ ⵓⴷⵓⵙⵜⵓⵔ ⵏ ⵜⴰⵢⵎⵓⵏⵜ ⵜⴰⴼⵔⵉⵇⵉⵜ ⵏ ⵜⴰⵢⵍⴰⵍⵜ ⵜⴰⵎⴰⴷⴰⵏⵜ ⴷ ⵜⴰⵢⵎⵓⵏⵜ ⵜⴰⴼⵔⵉⵇⵉⵜ ⵏ ⵜⴰⵔⵏⴰ ⴷ ⵓⵙⵏⵎⴰⵍⴰ ⵏ ⵡⴰⵙⵙⴰⵢ ⵏ ⵉⵎⵙⵙⵓⴷⵓⵜⵏ ⴳ ⵉⴱⵔⴷⴰⵏ , ⴷ ⵜⵎⵢⴰⵇⵇⴰⵏⵜ ⴷ ⵜⵙⵏⵓⵔⴰⵢⵜ ⵏ ⵜⵙⴷⴰⵡⵉⵜ ⵜⴰⴼⵕⵓⵏⴽⵓⴼⵓⵏⵉⵜ .
ⴳ ⵜⴳⵉⵔⴰ ⵏ ⵜⵡⵡⵓⵔⵉⵡⵉⵏ ⵏ ⵓⵙⵇⵇⵉⵎ, ⵙⴳ ⵉⴳⵟⵟⵓⵎⵏ ⵏ ⵓⵙⵍⴳⵏ 49 ⵙⴳ ⵓⴷⵓⵙⵜⵓⵔ ⵙ ⵜⵓⵎⵍⴰⵢⵉⵏ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵜⵙⵏⵜⴰⵢⵜ ⵏ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵜⴷⵔⵉⵎⵜ, ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴳ ⵎⴰⵙⵙ ⵎⵓⵃⵎⵎⴰⴷ ⴱⵏⵛⵄⴱⵓⵏ ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴼⵏⵉⵇ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏ ⵓⵙⵙⵔⵏⵓ .