ⵜⵏⵏⴰ ⵜⵎⴰⵡⴰⵙⵜ ⵏ ⵓⵎⴰⵡⵙⴰⵙ ⵏ ⴳⵡⴰⵜⵉⵎⴰⵍⴰ ⴳ ⵢⴰⵏ ⵓⵏⵎⵓⵇⵇⴰⵔ ⵏⵏⵙ ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⵎⴰⵙ ⵙⵏⵉⵍⵏ ⵜⴰⵙⵏⵜⴰⵢⵜ ⵏ ⵓⵙⵏⴱⴹ ⴰⵏⵉⵎⴰⵏ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⵉⵏⵉ ⵎⴰⵙ ⵜⴳⴰ ⴰⴼⵙⵙⴰⵢ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ .
ⵜⵣⴰⵢⴷ ⵜⵏⵏⴰ ⵎⴰⵙ ⵍⵍⴰⵏⵜ ⵜⵣⵎⵎⴰⵔ ⵉⴷⵓⵙⵏ ⴷⴰⵔ ⵍⵎⵖⵔⵉⴱ, ⵎⴰ ⴰⵏⵏ ⴰⴼ ⵔⴰⴷ ⵕⵥⵎⵏ ⵜⴰⵎⵙⵇⴰⴷⵜ ⵏⵏⵙⵏ ⴳ ⵜⵖⵔⵎⵜ ⵏ ⴷⴷⴰⵅⵍⴰ .
ⵜⵙⵎⴷ ⵜⵎⵙⵜⴳⴳⴰⵔⵜ ⵏ ⴳⵡⴰⵜⵉⵎⴰⵍⴰ ⴰⵡⴰⵍ ⵏⵏⵙ ⵜⵏⵏⴰ ⵎⴰⵙⴷ ⵜⴷⴷⴰ ⴰⵙⵙ ⴰⴷ ⵙ ⵍⵎⵖⵔⵉⴱ ⴰⴼⴰⴷ ⴰⴷ ⵜⵃⵢⵢⵍ ⵉⵓⵔⵣⴰⴼ ⵏⵏⴰ ⵔⴰⴷ ⵉⵙⴽⵔ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⵓⴳⵏⵙ ⵏ ⵜⵎⴰⵣⵉⵔⵜ ⵏⵏⵙ ⵙ ⵍⵎⵖⵔⵉⴱ ⵏⵏⴰ ⵔⴰⴷ ⵉⵕⵥⵎ ⵜⴰⵎⵙⵇⴰⴷⵜ ⵏ ⵜⵎⴰⵣⵉⵔⵜ ⴰⴷ ⵏ ⴳⵡⴰⵜⵉⵎⴰⵍⴰ ⴳ ⵜⵖⵔⵎⵜ ⵏ ⴷⴷⴰⵅⵍⴰ .
ⵜⴽⴽⴰ ⵜⵜ ⵉⵏⵏ ⴳⵡⴰⵜⵉⵎⴰⵍⴰ ⴳ 23 ⵛⵓⵜⴰⵏⴱⵉⵔ 2022 ⵙⴳ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⵓⴳⵏⵙ ⵎⴰⵕⵢⵓ ⴱⵓⴽⴰⵔⵓ ⵡ ⴼⵍⵓⵕⴰⵏⵙ, ⵎⴰⵙ ⵔⴰⴷ ⵉⵕⵥⵎ ⵜⴰⵎⵙⵇⴰⴷⵜ ⵏ ⵜⵎⴰⵣⵉⵔⵜ ⵏⵏⵙ ⴳ ⴷⴷⴰⵅⵍⴰ, ⵎⴽⵍⵍⵉ ⵉⵙⵎⴰⵢⵏⵓ ⴰⵡⵏⵏⵉ ⵏ ⵜⵎⴰⵣⵉⵔⵜ ⵏⵏⵙ ⵉ ⵓⵙⵏⴱⴹ ⴰⵏⵉⵎⴰⵏ ⵉ ⵓⵏⵅⵉⴱⴱⵍ ⵏ ⵜⵣⴷⴰⵢⵉⵏ ⵏⵏⴰ ⵉⵙⴰⵕⵏ ⴳ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ .
ⴳ ⵜⵙⴳⴰ ⵏⵏⵙ ⵉⵏⵏⴰ ⵓⵏⵙⵙⵉⵅⴼ ⴰⴷⵉⴱⵍⵓⵎⴰⵙⵉ ⵏ ⵖⵡⴰⵜⵉⵎⴰⵍⴰ ⴳ ⵓⵏⵎⵓⵇⵇⴰⵔ ⴷ ⵓⵎⴰⵡⵙⴰⵙ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴳ ⵓⴳⵔⴰⵡ ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵉⵎⵓⵏⵏ ⵎⴰⵙ ⵜⵙⵏⵉⵍ ⵜⵎⴰⵣⵉⵔⵜ ⵏⵏⵙ ⵜⴰⵎⵓⵏⵜ ⵜⴰⴳⴷⵓⴷⴰⵏⵜ ⴷ ⵓⵙⵏⴱⴹ ⴰⵏⵉⵎⴰⵏ ⴷ ⵓⵣⵓⵣⵣⵔ ⵏ ⵓⴼⵔⴰ ⴳ ⵉⴽⴰⵍⵉⵡⵏ ⵏ ⵜⵏⵣⵔⵓⴼⵜ ⵏⵏⵙ .
ⴳ ⵉⴳⵔ ⴰⴷ ⵏⵉⵜ, ⵉⵏⵏⴰ ⵎⴰⵙⵙ ⴱⵓⴽⴰⵕⵓ ⴼⵍⵓⵔⵉⵙ ⵎⴰⵙ ⵉⵡⵇⵇⵔ ⴽⵉⴳⴰⵏ ⵉⵙⴳⴳⴷⵏ ⵏⵏⴰ ⵉⵜⵜⵓⴳⴰⵏ ⴳ ⵍⵎⵖⵔⵉⴱ ⵙ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴷ ⵜⵉⵍⴰⵍ ⵏⵏⵙ ⴳ ⵓⵙⴰⵜⵉ ⵏ ⵓⴼⵙⵙⴰⵢ ⵏ ⵉⵎⵓⴽⵔⵉⵙⵏ ⵉⴼⵔⵉⵇⵉⵏ ⵙ ⵜⵖⴰⵔⴰⵙⵉⵏ ⵏ ⵜⵏⴼⵔⵓⵜ ⵉⵙⵓⵍⵏ .