ⵙ ⵓⵣⵎⵓⵣⵣⵓ ⵢⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵉⴳⴰ ⵍⵎⵖⵔⵉⴱ ⵢⴰⵜ ⵜⵎⵓⵔⵜ ⵏ ⵓⵙⵏⵓⴱⴳ ⵏ ⵉⵎⵣⵡⴰⴳ, ⵉⵣⵓⵢ ⴷ ⵖⵉⵍⴰ ⵡⴳⵓⴷ ⵏ ⵉⵎⵣⵡⴰⴳⵏ ⵍⵍⵉ ⴷ ⵓⵛⴽⴰⵏⵉⵏ ⴳ ⵉⴼⴼⵓⵙ ⵏ ⵚⵚⵃⵕⴰ ⴽⴽⵓⵥⵟ ⵜⵡⴰⵍ, ⵖⵎⴽⵍⵍⵉ ⵙ ⵉⵏⵏⴰ ⵓⵙⵉⵡⴹ.
ⵓⵛⴽⴰⵏ ⴷ ⵖⵉⵍⴰ ⵙ ⵍⵎⵖⵔⵉⴱ ⵓⵍⴰ ⵉⵎⵣⵡⴰⴳⵏ ⵏ ⵙⴱⴰⵏⵢⴰ ⴷⴼⵕⴰⵏⵙⴰ ⴷ ⵜⵎⵓⵔⴰ ⴰⴹⵏⵉⵏ ⵏ ⵓⵕⵓⴱⴱⴰ. ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵅⵚⵚⴰ ⴰⴷ ⵢⵉⵍⵉ ⵓⵙⵎⵙⴰⵙⴰ ⵏ ⵓⵙⵓⵔⵙ ⵏ ⵎⵉⴷⴷⵏ ⴰⴷ ⴳ ⵜⴰⵙⴳⴰ ⵏ ⵜⵡⵓⵔⵉ, ⵓⵍⴰ ⵙⵓⵍ ⴰⴽⴽⵯ ⵉⵎⵣⵡⴰⴳⵏ ⴰⴹⵏⵉⵏ ⵣⵓⴷ ⵡⵉⵏ ⵉⴼⴼⵓⵙ ⵏ ⵚⵚⵃⵕⴰ.
ⵉⵖ ⵍⵍⴰⵏⵜ ⴽⵔⴰ ⵏ ⵉⵣⵣⵓⵔⵏ ⴷⵔⵓⵙⵏ ⴳ ⵓⵙⵡⵓⴷⴷⵓ ⵏ ⵜⴰⵎⵙⴰⵔⵜ ⵏ ⵜⵎⵣⵣⵉⵜ ⵓⵔ ⵢⵓⵍⴳⵉⵏ, ⵓⵔ ⵙⵎⵔⵙⵏ ⵜⴰⴳⴳⴰⵍⵉⵏ ⵏ ⵓⵏⵎⴰⵍⴰ ⴰⵏⴰⴳⵔⴰⵡⴰⵏ ⵏ ⵜⴽⵕⴹⵉ. ⵢⵓⴳⵉ ⵍⵎⵖⵔⵉⴱ ⴽⵔⴰ ⵢⴳⴰⵜ ⵉⵡⵏⵏⴰⵏ ⵉⵎⵙⵃⵉⵍⵍⵉⵍⵏ ⵍⵍⵉ ⵢⵔⴰⵏ ⴰⴷ ⵉⵙⵉⴳⵙ ⴰⵙⵓⵎⵍ ⵏⵏⵙ”, ⵎⴰⵢⴰⴷ ⴰⴷ ⵉⵏⵏⴰ ⵓⵙⵉⵡⴹ.
ⴼ ⵖⵉⴽⴰⵏⵏ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⵏⵏⴰⵡ ⵏ ⵜⴽⵍⴰⵢ, ⵉⵏⴹⵏ ⵢⴰⵜⵜⵓⵢⵏ ⵏⵏⵙ ⴰⴼⴰⴷ ⴰⴷ ⵣⵔⴽⵏ ⵉⵣⵔⴼⵏ ⵏ ⵉⵎⵣⵡⴰⴳⵏ ⴷ ⴰⴷ ⵜⴼⴽ ⵜⴰⵎⴰⵡⴰⵙⵜ ⵉ ⵡⵉⵍⵍⵉ ⵔⴰⵏ ⴰⴷ ⵔⵓⵔⵏ ⵙ ⵜⵎⵉⵣⴰⵔ ⵏⵏⵙⵏ.
ⵉⵙⴷⴷⵉⴷ ⵙⵓⵍ ⵓⴳⵍⵍⵉⴷ ⵅⴼ ⵜⴰⵙⵛⵉⵍⴰⵢⵜ ⴰⴷ ⵉⴹⴼⵕ ⴰⵙⴱⴷⴷⵉ ⵏ ⵓⵥⵟⵟⴰ ⵏ ⵓⵙⵖⵏⵣⵉ ⵏ ⵉⴼⴳⴰⵏⵏ.
“ⴰⵎⵎⴰⵙ ⵏ ⵜⵖⵉⵎⵉⵜ ⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵡⴰⵍⴰⵏ ⵢⴰⵜⵜⵓⵢⵏ ⵏⵏⵙ ⵉ ⵜⵏⴱⴰⴹⵜ ⴰⴼⴰⴷ ⴰⴷ ⵜⵙⵙⵏⵜⵉ, ⴱⵍⴰ ⵡⵎⴰⵟⵍ, ⴰⵙⴽⴰⵔ ⵏ ⵢⴰⵜ ⵜⴰⵙⵟⵕⴰⵜⵉⵊⵉⵜ ⴷ ⵢⴰⵜ ⵜⵙⵓⵍⴼⵜ ⵏ ⵜⵉⴳⴰⵡⵜ ⵢⵓⵙⴰⵏ, ⵙ ⵓⵣⴷⴷⵓⵢ ⵏ “ⵛⵉⵏⴷⵉⵢⴰⵛ” ⴷ ⴽⵓⵍⵍⵓ ⵉⵎⵙⴽⴰⵔⵏ ⵉⵎⵙⴷⴷⵓⵔⵏ ⴰⴼⴰⴷ ⴰⴷ ⵙⵙⵓⴼⵖⵏ ⵢⴰⵜ ⵜⴰⵙⵔⵜⵉⵜ ⵉⵖⵣⵓⵔⴰⵏ ⵏ ⵜⴰⵎⵣⵣⵉⵜ”, ⵉⵔⵏⵓ ⵢⵏⵏⴰ ⵓⵙⵉⵡⴹ.
“ⴰⵎⵎⴰⵙ ⵏ ⵜⵖⵉⵎⵉⵜ ⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵡⴰⵍⴰⵏ ⵢⴰⵜⵜⵓⵢⵏ ⵏⵏⵙ ⵉ ⵜⵏⴱⴰⴹⵜ ⴰⴼⴰⴷ ⴰⴷ ⵜⵙⵙⵏⵜⵉ, ⴱⵍⴰ ⵡⵎⴰⵟⵍ, ⴰⵙⴽⴰⵔ ⵏ ⵢⴰⵜ ⵜⴰⵙⵟⵕⴰⵜⵉⵊⵉⵜ ⴷ ⵢⴰⵜ ⵜⵙⵓⵍⴼⵜ ⵏ ⵜⵉⴳⴰⵡⵜ ⵢⵓⵙⴰⵏ, ⵙ ⵓⵣⴷⴷⵓⵢ ⵏ “ⵛⵉⵏⴷⵉⵢⴰⵛ” ⴷ ⴽⵓⵍⵍⵓ ⵉⵎⵙⴽⴰⵔⵏ ⵉⵎⵙⴷⴷⵓⵔⵏ ⴰⴼⴰⴷ ⴰⴷ ⵙⵙⵓⴼⵖⵏ ⵢⴰⵜ ⵜⴰⵙⵔⵜⵉⵜ ⵉⵖⵣⵓⵔⴰⵏ ⵏ ⵜⴰⵎⵣⵣⵉⵜ".
ⵎⴰⵙⵙ ⴼⵓⴰⴷ ⵍⵀⵉⵎⵎⴰ, ⴰⵎⵛⵛⵉⵡⵕ ⵏ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ, ⴷ ⵓⵎⴰⵡⵙⴰⵙ ⵏ ⵓⴳⵏⵙⵓ, ⴷ ⵓⵎⴰⵡⵙⴰⵙ ⵏ ⵜⵣⵔⴼⵜ ⴷ ⵜⴰⴷⵔⴼⵉⵏ, ⴷ ⵓⵎⴰⵡⵙⴰⵙ ⵏ ⵜⵎⵙⴰⵔⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ, ⴷ ⵓⵎⴰⵡⵙⴰⵙ ⴰⵎⴰⵔⵉ ⵏ ⵓⵎⴰⵡⵙⴰⵙ ⵏ ⵓⴳⵏⵙⵓ, ⴷ ⵎⴰⵙⵙ ⴼⴰⴹⵉⵍ ⴱⵏⵢⴰⵄⵉⵛ, ⵉⵜⵜⵓⵙⵎⴰⴳⵍⵏ ⵙ ⵜⵙⵎⵉⴳⵍⵜ ⴰⵎⵎⴰⵙ ⵏ ⵓⴱⵔⵙⵉⵔⴰ ⴰⴳⵍⴷⴰⵏ ⴷ ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵎⴰⵡⴰⵙⵜ ⵏ ⵓⵙⵡⵓⵔⵉ, ⵎⴰⵢⴰⴷ ⴰⴷ ⴰⵡⵣⵏ ⵙ ⵜⵉⵖⵉⵎⵉⵜ ⵏ ⵜⵡⵓⵔⵉ ⵢⴰⴷ.