ⴷⴼⴼⵉⵔ ⵏ ⵓⴼⵛⴰⴷ ⴷⴷⴰⵏ ⵉⵏⴱⴳⵉⵡⵏ ⴰⴽⴽⵯ ⴰⴼⴰⴷ ⴰⴷ ⴰⵡⵙⵏ ⴳ ⵓⵙⵏⵓⴱⴳ ⵏⵏⴰ ⵉⵙⴽⵔ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⴱⵕⵉⵟⴰⵏⵢⴰ .
ⵉⴽⴽⴰ ⵜⵜ ⵉⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵢⵓⵣⵏ ⵜⴰⴱⵔⴰⵜⵜ ⴳ 8 ⵛⵓⵜⴰⵏⴱⵉⵔ ⵉ ⵓⴳⵍⵍⵉⴷ ⵜⵛⴰⵕⵍⵥ ⵡⵉⵙⵙ ⴽⵕⴰⴹ ⵜⴰⴱⵔⴰⵜⵜ ⴰⴷ ⵜⴳⴰ ⵜⵉⵏ ⵓⴼⵛⴰⴷ ⵏ ⵜⴳⵍⵍⵉⴷⵜ ⵉⵍⵉⵣⴰⴱⵉⵟ ⵜⵉⵙⵙ ⵙⵏⴰⵜ .
ⴳ ⵜⴱⵔⴰⵜⵜ ⴰⴷ ⵏ ⵓⴼⵛⵛⴰⴷ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵙ ⵡⴰⵙⵙⴰⵖ ⵏ ⵓⵖⵔⴼ ⴰⵎⵖⵔⵉⴱⵉ ⵜⵉⴳⵓⵔⵉⵡⵉⵏ ⵏ ⵓⴼⵛⵛⴰⴷ ⴷ ⵓⵎⵢⴰⵡⴰⵙ ⵉ ⵜⵎⴰⵣⵉⵔⵜ ⵏ ⴱⵔⵉⵟⴰⵏⵢⴰ .
ⵉⵣⴰⵢⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙⴷ ⴰⵖⵔⴼ ⴰⵎⵖⵔⵉⴱⵉ ⵜⴷⴷⴰ ⴰⵙ ⵜⵎⴷⴷⴰⴽⴽⵯⵍⵜ ⴱⴰⵀⵔⴰ ⴷⴰⵔⵙ ⵉⵄⵣⵣⴰⵏ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵜⵜ ⵉⵏⵏ ⵜⴽⴽⴰ ⵜⵙⴱⵓⵖⵍⴰ ⵜⵉⵣⴷⴰⵢⵉⵏ ⴳⵔⴰⵙ ⴷ ⵡⴰⵎⵓⵏ ⴰⵎⵖⵔⵉⴱⵉ ⵙ ⵓⵎⴰⵜⴰ , ⴷ ⵜⵣⴷⴰⵢⵉⵏ ⵏ ⵓⵎⵣⵔⵓⵢ ⵏⵏⴰ ⵉⵍⵍⴰⵏ ⴷⴰⵔ ⵙⵏⴰⵜ ⵜⴳⵍⴷⵉⵜⵉⵏ ⴰⴷ .