ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜⵜ ⴰⴷ ⵎⴰⵙ ⵉⵖⵓⵍⴼ ⵍⵍⵉⵖ ⵜⵉⵡⵉ ⵜⵎⵜⵜⴰⵏⵜ ⵜⴰⴳⵍⵍⵉⴷⵜ ⵉⵍⵉⵥⴰⴱⵉⵟ ⵜⵉⵙⵙ ⵙⵏⴰⵜ, ⵜⴰⵎⵍⵍⴰ ⵏ ⴱⴰⴱ ⵏ ⵉⴳⵏⵡⴰⵏ ⴼⵍⵍⴰⵙ .
ⵉⵣⴰⵢⴷ ⴱⴰⴱ ⵏ ⵡⴰⴷⴷⵓⵔ ⵉⵏⵏⴰ ⵎⴰⵙ ⵜⵛⵛⴰⵔ ⵜⵡⵊⴰ ⵜⴰⴳⵍⴷⴰⵏⵜ ⴷ ⵓⵖⵔⴼ ⴰⵎⵖⵔⵉⴱⵉ ⴰⵖⵉⵍⵓⴼ ⵏ ⵜⵎⵜⵜⴰⵏⵜ ⵏ ⵜⴳⵍⵍⵉⴷⵜ ⵏ ⴱⵕⵉⵟⴰⵏⵢⴰ,ⵙ ⵡⴰⵙⵙⴰⵖ ⵏ ⵜⵡⵊⴰ ⵜⴰⴳⵍⴷⴰⵏⵜ ⴷ ⵓⵖⵔⴼ ⴰⵎⵖⵔⵉⴱⵉ ⴰⵔ ⵉⵜⵜⵉⵏⵉ ⴱⴰⴱ ⵏ ⵡⴰⴷⴷⵓⵔ ⵉ ⵓⵖⵔⴼ ⵏ ⴱⵕⵉⵟⴰⵏⵢⴰ ⴷ ⵣⵣⵉⴹⵕⵏ , ⵜⴰⵎⵍⵍⴰ ⵏ ⴱⴰⴱ ⵏ ⵉⴳⵏⵡⴰⵏ ⵅⴼ ⵉⵍⵉⵣⴰⴱⵉⵟ ⵜⵉⵙⵙ ⵙⵏⴰⵜ .
ⵎⴽⵍⵍⵉ ⵉⵙⵙⴽⵯⵜⵉ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜⵜ ⴰⴷ ⵜⵉⵍⴰⵍ ⵏ ⵜⴳⵍⵍⵉⵏⵜ ⵍⵍⵉⵖ ⵜⴼⴽⴰ ⵜⵓⴷⵔⵜ ⵏⵏⵙ ⴰⴽⴽⵯ ⵉ ⵜⵏⴰⴼⵓⵜ ⵏ ⵜⵎⴰⵣⵉⵔⵜ ⵏⵏⵙ ⴳ ⵓⵣⵎⵣ ⵏⵏⵙ ⵉⴱⵓⵖⵍⴰⵏ , ⵍⵍⵉⵖ ⵜⵙⵔⴳ ⵉ ⵓⴱⵓⵖⵍⵓ ⴳ ⴽⵉⴳⴰⵏ ⵏ ⵉⵙⵡⵉⵔⵏ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⵓⵎⴰⴹⵍⴰⵏ .
ⵉⵙⵎⴷ ⴱⴰⴱ ⵏ ⵡⴰⴷⴷⵓⵔ ⵜⴰⴱⵔⴰⵜⵜ ⵎⴰⵙⴷ ⴰⵖⵔⴼ ⴰⵎⵖⵔⵉⴱⵉ ⵜⴼⵜⴰ ⴰⵙ ⵢⴰⵜ ⵜⵎⴷⴷⴰⴽⴽⵯⵍⵜ ⴱⴰⵀⵔⴰ ⴷⴰⵔⵙ ⵉⵄⵣⵣⴰⵏ ⵜⴳ ⵡⴰⵥ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴱⴷⴷⴰ ⵜⵙⵙⴷⵓⵙ ⵜⴳⵍⵍⵉⵏⵜ ⵜⵉⵣⴷⴰⵢⵉⵏ ⴳⵔ ⵙⵏⴰⵜ ⵜⴳⵍⴷⵉⵜⵉⵏ ⵏ ⵍⵎⵖⵔⵉⴱ ⴷ ⴱⵔⵉⵟⴰⵏⵢⴰ .