ⵜⴰⵙⵎⵖⵓⵔⵜ ⵜⴰⵎⵣⵡⴰⵔⵓⵜ ⵏ ⵓⵃⵙⵙⵓ ⵏ ⵍⵇⵔⴰⵏ ⵍⴽⴰⵔⵉⵎ ⵜⴳⴰ ⵜⵉⵏ ⵓⵏⵉⵊⵉⵔⵉ ⵎⵓⵕⵜⴰⴹⴰ ⵓⵍⴰⵜⵊⵉ, ⴷ ⵜⵙⵎⵖⵓⵔⵜ ⵜⵉⵙⵙ ⵙⵏⴰⵜ ⵉ ⵎⴰⵙⵙ ⵄⴱⴷⵏⵏⴰⵚⵕ ⵃⴰⵙⴰⵏ ⴱⵕⴰⵀⵉⵎ ⵙⴳ ⵜⵎⴰⵣⵉⵔⵜ ⵏ ⵚⵚⵓⵎⴰⵍ, ⵎⴽⵍⵍⵉ ⵜⵜⵓⴼⴽⴰ ⵜⵙⵎⵖⵓⵔⵜ ⵜⵉⵙⵙ ⴽⵕⴰⴹⵜ ⵉ ⵓⵎⵓⵕⵉⵟⴰⵏⵉ ⵅⵟⵕⵉ ⴷⴷⵅⵅⴰ .
ⵎⴽⵍⵍⵉ ⵜⵜⵓⴼⴽⴰⵏⵜ ⵜⵙⵎⵖⵓⵔⵉⵏ ⴰⵡⴷ ⵉ ⵓⵃⵙⵙⵓ ⵙ ⵡⴰⵏⴰⵡⵏ ⴰⴽⴽⵯ ⵏ ⵍⵇⵇⵔⴰⵏ, ⵍⵍⵉⵖ ⵜⵜⵓⴼⴽⴰ ⵜⵙⵎⵖⵓⵔⵜ ⵜⴰⵎⵣⵡⴰⵔⵓⵜ ⵉ ⵎⴰⵙⵙ ⵄⵓⴱⴰⵢⴷ ⵍⵍⴰⵀ ⴰⴱⵓ ⴱⴰⴽⵔ ⵙⴳ ⵏⵏⵉⵊⵉⵔ , ⵉⴹⴼⵕⵜ ⵉⴷ ⴱⵕⴰⵀⵉⵎ ⵜⵉⵢⵢⴰⵎ ⵙⴳ ⵖⴰⵎⴱⵢⴰ, ⵎⴽⵍⵍⵉ ⵜⵍⵍⴰ ⵎⴰⵙⴰ ⵙⴰⵢⵎⴰ ⵃⴰⵙⴰⵏ ⵙⵍⵉⵎⴰⵏⵉ ⵜⴰⵜⴰⵏⵥⴰⵏⵉⵜ ⴳ ⵜⵙⴽⴼⵍⵜ ⵜⵉⵙⵙ ⴽⵕⴰⴷⵜ .
ⴰⴽⴷ ⵓⵖⵣⴷⵉⵙ ⵏ ⵜⵎⵡⵛⴰ ⵏ ⵜⵙⵎⵖⵓⵔⵉⵏ, ⵜⵙⵙⵎⵖⵔ ⵜⵉⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵏ ⵉⵎⵙⵙⵏⴰⵡⵏ ⵉⴼⵔⵉⵇⴰⵏⵏ ⵢⴰⵏ ⵙⴳ ⵉⵎⴷⵔⴰⵡⵏ ⵉⵎⵥⵥⵢⴰⵏⵏ ⵍⴰ ⵙⴳ ⵉⵡⵜⵎⴰⵏ ⵏⵖⴷ ⵜⵉⵡⵜⵎⵉⵏ, ⵏⵉⵜⵏⵉ ⴷ ⵄⴱⴷⵍⵍⴰⵀ ⴼⴰⴹⵍ ⵊⴰⵍⵓ (09 ⵉⵙⴳⴳⵓⵙⴰ) ⵙⴳ ⵙⵉⵔⴰⵍⵢⵓⵏ, ⴷ ⵊⵓⵡⴰⵢⵔⵉⵢⴰ ⵃⴰⴱⵉⴱ ⵔⵔⴰⵃⵎⴰⵏ (10 ⵉⵙⴳⴳⵓⵙⴰ) ⵙⴳ ⴽⵉⵏⵉⵢⴰ. ⴰⵎⴽ ⵜⵙⵙⵎⵖⵔ ⵢⴰⵏ ⵙⴳ ⵡⵏⵏⴰ ⵉⵃⵙⵙⵓⵏ ⵍⵇⵓⵕⴰⵏ ⴳ ⵜⴳⴷⵓⴷⴰ ⵏ ⵜⴰⵏⵥⴰⵏⵉⵢⴰ, ⵏⵙⵙⴰⵡⴰⵍ ⴷⴰ ⵅⴼ ⵄⴱⴷⵍⵎⴰⵍⴽ ⵕⴰⵎⴰⴹⴰⵏ ⵙⵍⵉⵎⴰⵏ ⴷ ⵀⵓⵊⵔⴰ ⵟⴰⵀⵕ ⵄⵍⵉ.
ⴰⴽⴷ ⵓⵢⴰ, ⵜⵙⵙⵎⵖⵔ ⵜⵉⵎⵔⵙⵍⵜ ⵙ ⵢⴰⵏ ⵛⵛⵉⵅ ⵙⴳ ⵛⵛⵢⵓⵅ ⵏ ⵍⵇⵕⴰⵏ ⵉⵎⵇⵇⵔⴰⵏⵏ ⴳ ⵜⴳⴷⵓⴷⴰ ⵏ ⵜⴰⵏⵥⴰⵏⵉⵢⴰ (ⵛⵛⵉⵅ ⴰⴷⴰⵎ ⵃⵎⴰⴷ ⵄⴱⴷⵍⵍⴰⵀ) ⴷ ⵢⴰⵏ ⵙⴳ ⵉⵎⵖⵔⴰⵢⵏ ⵏⵏⵙ (ⵎⵓⵃⵎⵎⴰⴷ ⵏⴰⵚⵕ ⵄⵉⵎⵕⴰⵏ).
ⴳ ⵎⴰⴷ ⵉⵥⵍⵉⵏ ⵙ ⵡⵉⵏⵏⴰ ⵉⵃⴰⴹⵕⵏ ⵉ ⵜⴼⵓⴳⵍⴰ ⵏ ⵓⵣⵓⵣⵣⵔ ⵏ ⵜⵙⵎⵖⵓⵔⵉⵏ , ⵉⵍⵍⴰ ⵎⴰⵙⵙ ⴰⵏⵙⵙⵉⵅⴼ ⵏ ⵉⵏⵖⵍⴰⴼⵏ ⵏ ⵟⴰⵏⵥⴰⵏⵢⴰ ⵎⴰⵙⵙ ⵇⴰⵙⵎ ⵎⵊⴰⵍⵢⵓ, ⴰⵏⵙⵙⵉⵅⴼ ⵏ ⵜⵎⵔⵙⵍⵜ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏ ⵉⵎⴰⵙⵙⴰⵏⵏ ⵏ ⵉⴼⵔⵉⵇⵢⴰ ⴳ ⵜⵎⴰⵣⵉⵔⵜ ⵏ ⵜⴰⵏⵥⴰⵏⵢⴰ, ⴷ ⵛⵛⵉⵅ ⴱⵓⴱⴰⴽⵔ ⵣⵣⵓⴱⴰⵢⵔ ⴱⵏ ⵄⵍⵉ ⴰⵎⴱⵓ ⴰⵏⴰ , ⴷ ⵓⵎⴰⵣⴰⵏ ⵏ ⵍⵎⵖⵔⵉⴱ ⴳ ⵜⵎⴰⵣⵉⵔⵜ ⵏ ⵟⴰⵏⵥⴰⵏⵢⴰ, ⵎⴰⵙⵙ ⵣⴰⴽⴰⵔⵉⵢⵢⴰ ⵍⴽⵓⵎⵉⵔⵉ , ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵉⵎⵖⵔⵉⴱⵉⵏ ⴳ ⴱⵕⵕⴰ ⵎⴰⵙⵙ ⵄⴱⴷⵓⵍⵍⴰⵀ ⴱⵓⵚⵓⴼ ⴷ ⵓⵎⵏⵀⴰⵍ ⵏ ⵜⵙⴷⵍⵉⵙⵜ ⵜⴰⵏⴰⵎⵓⵔⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵎⴰⵙⵙ ⵎⵓⵃⵎⵎⴰⴷ ⵍⴼⵕⵕⴰⵏ.
ⵎⴽⵍⵍⵉ ⵉⵡⵙⵏ ⴽⵉⴳⴰⵏ ⵏ ⵉⵡⵔⵉⴽⵏ ⵉⴷⵉⴱⵍⵓⵎⴰⵙⵉⵢⵢⵏ ⴷ ⵉⴳⵎⴰⵎⵏ ⵏ ⵡⴰⵢⵢⴰⵡⵏ ⵏ ⵜⵎⵔⵙⵍⵜ ⴳ 34 ⵏ ⵜⵎⴰⵣⵉⵔⵜ ⵏ ⵉⴼⵔⵉⵇⵢⴰ ⴷ ⵜⵡⵉⵙⵉ ⵏ 86 ⵏ ⵓⴳⵎⴰⵎ ⵏⵏⴰ ⵉⵍⵍⴰⵏ ⴳ ⵡⴰⵢⵢⴰⵡⵏ ⵏ ⵜⵎⵔⵙⵍⵜ ⴰⴽⴽⵯ, ⴳ ⵎⴰⴷ ⵉⵥⵍⵉⵏ ⵙ ⵓⵃⵙⵙⵓ ⴷ ⵜⵉⵖⵔⵉ ⵏ ⵍⵇⵇⵔⴰⵏ ⵙ ⵡⴰⵏⴰⵡⵏ ⵏⵏⵙ ⴰⴽⴽⵯ .
ⴳ ⵉⴳⵔ ⵢⴰⴹⵏ, ⵜⵙⵜⵉ ⵜⵎⵔⵙⵍⵜ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵙ ⴽⵉⴳⴰⵏ ⵏ ⵜⵙⵎⵖⵓⵔⵉⵏ ⵉ ⵉⵎⵔⵏⴰ ⴰⴽⴽⵯ ⵙ ⴽⵕⴰⴹ ⴷ ⴽⵉⴳⴰⵏ ⵏ ⵜⵎⵍⴷⵉⵡⵉⵏ ⵢⴰⴹⵏⵉⵏ ⵉ ⵉⵎⴷⵔⴰⵡⵏ ⴰⴽⴽⵯ .