ⵜⵏⵏⴰ ⵜⵙⵏⵓⵔⴰⵢⵜ ⵏ ⵜⴰⴷⴷⴰⵔⵜ ⵏ ⵜⴷⵔⵉⵎⵜ ⵏ ⵍⵇⵓⴷⵙ ⴳ ⵢⴰⵏ ⵓⵙⵉⵡⴷ ⵏⵏⵙ ⵎⴰⵙⴷ ⵜⴰⵙⵙⵓⵜⵍ ⵏ ⵓⵙⴳⴳⵯⴰⵙ ⴰⴷ ⵔⴰⴷ ⵜⴽⴽ ⵙⵉⵏ ⵉⵎⴰⵍⴰⵙⵙⵏ ⵔⴰⴷ ⴳⵉⵙ ⴰⵡⵙⵏ ⵎⴰⴷ ⵉⵜⵜⴳⴳⴰⵏ 50 ⵏ ⵡⴰⵣⵣⴰⵏ ⴷ ⵜⴰⵣⵣⴰⵏⵜ ⵏⵏⴰ ⵉⵍⵍⴰⵏ ⴳⵔ 11-15 ⵏ ⵉⵙⴳⴳⵯⴰⵙⵏ ⴷ ⵙⵎⵎⵓⵙ ⵏ ⵉⵎⵥⵥⴰⵡⵕⵏ ⵙⴳ ⵜⵎⴰⵣⵉⵔⵜ ⵏ ⵍⵇⵓⴷⵙ , ⴳ ⵓⵙⴰⵜⵉ ⵏ ⵓⵎⵙⴰⵙⴰ ⴷ ⵡⴰⵀⵉⵍ ⴰⵏⴰⵎⵓⵔ ⵏ ⵉⵣⴰⴳⵯⵣⵏ .
ⵉⵣⴰⵢⴷ ⵓⵙⵉⵡⴹ ⵉⵏⵏⴰ ⵎⴰⵙⴷ ⵣⵓⵏⴷ ⴰⴽⴽⵯ ⵉⵙⴳⴳⵯⴰⵙⵏ ⴷ ⵜⵙⵙⵓⵜⵍⵉⵏ ⵏⵏⴰ ⵉⵣⵔⵉⵏⵜⵙⵔⵙ ⵜⵙⵏⵓⵔⴰⵢⵜ ⵢⴰⵏ ⵡⴰⵀⵉⵍ ⵉⴷⵓⵙⵏ ⵏ ⵜⵙⵙⵓⵜⵍⵜ ⴰⴷ , ⵏⵏⴰⵖ ⵍⵍⴰⵏ ⴽⵉⴳⴰⵏ ⵏ ⵉⵎⵓⵙⵙⵓⵜⵏ ⴷ ⵜⵙⴰⵡⵓⵔⵉⵏ ⵙ ⵓⵡⵇⵇⵔ ⵏ ⵉⵜⴳⴰⵔⵏ ⵏ ⵜⵏⴼⵔⵓⵜ ⵜⴰⴷⵓⵙⴰⵏⵜ ⵏⵏⴰ ⵉⵣⴷⵉⵏ ⴷ ⴽⵓⴼⵉⴷ 19 .
ⵉⴱⴷ ⵓⵙⵉⵡⴷ ⴰⴷ ⵎⴰⵙⴷ ⵜⴰⵙⵙⵓⵜⵍ ⴰⴷ ⵜⵓⵙⵉ ⵜⵓⵎⴰⵏⵜ ⵏ ⵓⵙⵏⴼⵍ ⵏ ⵓⵏⵣⵡⵉ ⴷ ⵓⵙⵔⴰⴳ ⵏⵏⵙ ⵅⴼ ⵜⵡⵏⵏⴰⴹⵜ , ⵍⵍⵉⵖ ⵔⴰⴷ ⵜⵜⵓⵙⴽⴰⵔⵏⵜ ⴽⵉⴳⴰⵏ ⵏ ⵜⵙⴰⵡⵓⵔⵉⵏ ⴳ ⵉⴳⵔ ⴰⴷ , ⴷ ⵓⵙⴼⵔⴽ ⵏ ⵡⴰⵣⵣⴰⵏ ⵎⴰⵙⴷ ⵉⵇⵇⴰⵏ ⴰⴷ ⵉⵡⵇⵇⵔ ⴰⵙⵎⵔⵙ ⵏ ⵡⴰⵎⴰⵏ ⴷ ⵓⵜⵓⵢ ⵏ ⵓⵥⵍⴰⵢⵏ ⴳ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵜⵎⴰⵍⵍⴰⵢⵜ ⵜⴰⵢⴽⵓⵍⵓⵊⵉⵢⵢⵜ ⴷ ⵓⴼⵔⴰⴳ ⵏ ⵜⵡⵏⵏⴰⴹⵜ , ⴷ ⵓⵙⵎⵔⵙ ⵏ ⵜⵉⵜⵉⵇⵏⵉⵢⵉⵏ ⵜⵉⵜⵉⴽⵏⵓⵍⵓⵊⵉⵢⵢⵉⵏ ⵉⴱⵓⵖⵍⴰⵏ .
ⴰⵀⵉⵍ ⵏ ⵓⵙⴳⴳⵯⴰⵙ ⴰⴷ , ⵙⴳ ⴰⵢⵏⵏⴰ ⵙ ⵉⵏⵏⴰ ⵓⵙⵉⵡⴹ ⵔⴰⴷ ⴳⵉⵙ ⵉⵍⵉⵏ ⵉⵎⵓⴷⴷⵓⵜⵏ ⵏ ⵜⴰⵣⵣⴰⵏⵉⵏ ⵏⵏⴰ ⵉⵍⵍⴰⵏ ⴳ ⵜⵙⵙⵓⵜⵍ ⴰⴷ ⵉ ⵉⴷⵔⵉⵣⵏ ⵏ ⵜⵖⵔⵎⵉⵏ ⵏ ⵍⵎⵖⵔⵉⴱ, ⵣⵓⵏⴷ ⵜⵉⴳⵎⵎⵉ ⵜⵓⵎⵍⵉⵍⵜ ⴷ ⵕⵕⴱⴰⵟ, ⵟⴰⵏⵊⴰ , ⵜⵉⵟⵟⴰⵡⵉⵏ , ⵍⵎⴹⵢⵇ, ⴰⵛⵛⴰⵡⵏ, ⵔⴰⴷ ⴱⵉⴷⴷⵏ ⴰⵡⴷ ⴰⴷ ⵙⵙⵏ ⴽⵉⴳⴰⵏ ⵏ ⵉⵙⵏⴼⴰⵔⵏ ⵏⵏⴰ ⵜⵙⵙⵏⵜⴰ ⵜⴳⵍⴷⵉⵜ ⴳ ⵜⴳⵉⵔⵉⵡⵉⵏ ⴰⴷ , ⵙⴳ ⴳⵉⵙⵏ ⴰⵙⵔⵙⵉⵡ ⵏ ⵟⴰⵏⵊⴰ ⴰⵏⴰⵎⵎⴰⵙ, ⴷ ⵉⵙⵓⴽⴰⵔⵏ ⵏ ⵜⵀⵉⵔⵔⵉⵜⵉⵏ ⴷ ⵉⵙⵏⴼⴰⵕⵏ ⵏ ⵜⵓⵙⴽⵉⵡⵉⵏ ⴷ ⵉⴱⵔⴷⴰⵏ ⴷ ⵉⵣⴰⴳⵯⵣⵏ ⵓⵍⴰ ⵓⴳⴳⵓⴳⵏ .
ⵔⴰⴷ ⴼⵡⵡⵊⵏ ⵜⴰⵣⵣⴰⵏⵉⵏ ⵏⵏⴰ ⵢⵉⵡⵙⵏ ⴳ ⵜⵙⵙⵓⵜⵍ ⴰⴷ ,ⵍⵍⵉⵖ ⵔⴰⴷ ⴰⵡⵙⵏ ⴳ ⴽⵉⴳⴰⵏ ⵏ ⵉⵎⵃⵉⵣⵡⴰⵔⵏ , ⵔⴰⴷ ⵎⵢⴰⵙⵙⴰⵏⵏ ⴰⵡⴷ ⴷ ⵡⵉⵢⵢⴰⴷ ⵏⵏⴰ ⴳⴰⵏⵉⵏ ⵉⵎⵖⵔⵉⴱⵉⵏ ⴳ ⵜⵎⵕⵚⵉⵜⵉⵏ ⵢⴰⴹⵏⵉⵏ ⴳ ⵜⴰⴳⴰⵏⵜ ⵜⴰⴷⵉⴱⵍⵓⵎⴰⵙⵉⵜ ⵏ ⵟⴰⵏⵊⴰ .
ⵔⴰⴷ ⴰⵡⵙⵏ ⴰⵡⴷ ⵜⴰⵣⵣⴰⵏⵉⵏ ⵏ ⵍⵎⵖⵔⵉⴱ ⵉ ⵡⵉⵏ ⵍⵇⵓⴷⵙ ⵜⵉⴼⵓⴳⵍⵉⵡⵉⵏ ⵏⵏⵙⵏ ⵜⵉⵏⴰⵎⵓⵔⵉⵏ ⵏⵏⴰ ⴷ ⵉⴷⴷⴰⵏ ⴳ ⵜⵉⵣⵉ ⴰⴷ ⵏⵏⴰⵖ ⵍⵍⴰⵏ ⴳ ⵜⵎⵕⵚⵉⵜ ⵙ ⴽⵉⴳⴰⵏ ⵏ ⵉⵎⵓⵙⵙⵓⵜⵏ ⵏ ⵔⵔⴽⵣ ⴷ ⵓⵔⴰⵔⵏ ⵙⵡⴰ ⴳ ⴷⴰⵔ ⵉⵎⵖⵔⵉⴱⵉⵏ ⵏⵖⴷ ⵙⴳ ⴷⴰⵔ ⵜⴰⵣⵣⵣⴰⵏⵉⵏ ⵏ ⵍⵇⵓⴷⵙ .