ⵜⵏⵏⴰ ⵜⵎⵙⵜⴳⴳⴰⵔⵜ ⵏ ⵓⵙⵔⵙⵉⵡ ⵏ ⵟⴰⵏⵊⴰ ⴰⵏⴰⵎⵎⴰⵙ ⴳ ⵓⵙⵉⵡⴹ ⵏⵏⵙ ⴰⵏⴰⵖⵎⴰⵙ, ⵎⴰⵙⴷ ⵓⵟⵟⵓⵏ ⵏ ⵉⵎⵖⵔⵉⴱⵉⵏ ⵏ ⴱⵕⵕⴰ ⵍⵍⵉⴷ ⵉⴽⵛⵎⵏ ⵙ ⵍⵎⵖⵔⵉⴱ ⵉⵣⴰⵢⴷ ⵙ 10 ⴳ ⵜⵎⵉⴹⵉ ⴳ ⵓⵙⵎⵣⴰⵣⴰⵍ ⴷ ⵓⵙⴳⴳⵯⴰⵙ ⵏ 2019,, ⵉⵏⵏⴰ ⴰⵡⴷ ⵎⴰⵙⴷ ⵜⵉⵀⵉⵔⵔⵉⵜⵉⵏ ⵏⵏⴰ ⴷ ⵉⴽⵛⵎⵏ ⵍⴽⵎⵏⵜ 136 ⵏ ⵉⴼⴹ ⴷ 263 .
ⵉⵙⵎⴷ ⵓⵖⴱⴰⵍⵓ ⴰⴷ ⵏ ⵉⵏⵖⵎⵉⵙⵏ ⵉⵏⵏⴰ ⵎⴰⵙⴷ ⴰⵣⵎⵣ ⴰⴷ ⵏ ⵓⴽⵛⵛⵓⵎ ⵏ ⵉⵎⵖⵔⵉⴱⵉⵏ ⵏ ⴱⵕⵕⴰ ⵉⵣⴰⵢⴷ ⴳ ⵜⵉⵣⵉ ⴰⴷ ⵏⵉⵜ, ⴳ ⵜⴳⵉⵔⴰ ⵏ ⵉⵎⴰⵍⴰⵙⵙ ⵙⴳ 2 ⴰⵔ 4 ⵢⵓⵍⵢⵓⵣ ⴰⵔ 1 ⵖⵓⵛⵜ ⵙ ⵓⴽⵛⵛⵓⵎ ⵏ 62 ⵏ ⵉⴼⴹ ⵏ ⵓⵎⵖⵔⵉⴱⵉ ⵏ ⴱⵕⵕⴰ ⴷ 61 ⵉⴼⴹ ⴷ 468 .
ⵣⴰⵢⴷⵏ ⵉⵎⵙⵜⴳⴳⴰⵔⵏ ⵓⵏⴱⵉⴹⵏ ⵏ ⵓⵙⵔⵙⵉⵡ ⵏ ⵟⴰⵏⵊⴰ ⴰⵏⴰⵎⵎⴰⵙ ⵎⴰⵙⴷ ⴰⵣⵔⴰⵢ ⴷⴷⵅ ⵉⵣⵔⵉ ⴳ ⵢⴰⵏ ⵡⴰⴷⴷⴰⴷ ⵉⵀⵉⵢⵢⴰⵏ ⵙ ⵜⵣⵎⵎⴰⵔ ⵏ ⵉⵎⵙⵡⵡⵓⵔⵉⵏ ⴷ ⵉⵎⵙⵜⴳⴳⴰⵔⵏ ⴰⴽⴽⵯ, ⵙⵍⴰⵡⴰⵏ ⴰⴽⴽⵯ ⵉⵎⵙⵜⴳⴳⴰⵔⵏ ⵏ ⵜⵏⴼⵔⵓⵜ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⴷⴷⵉⵡⴰⵏⴰ ⵙ ⵜⵣⴷⴰⵢⵜ ⴷ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⵏ ⵓⵎⵢⴰⵡⴰⵙ .
ⵜⵜⵓⵙⴽⴰⵔⵏⵜ ⴰⴽⴽⵯ ⵜⵖⴰⵡⵙⵉⵡⵉⵏ ⵏ ⵓⵙⵓⵊⵊⴷ, ⵎⴽⵍⵍⵉ ⵏⵏⴰⵏ ⵉⵎⵙⵜⴳⴳⴰⵔⵏ ⵉ ⵉⵎⵖⵔⵉⴱⵉⵏ ⵏ ⴱⵕⵕⴰ ⴰⴷ ⵏⵏ ⵜⵜⴰⴳⴳⵯⴰⵏ ⴰⵏⵙⴰ ⴰⵍⵉⴽⵜⵕⵓⵏⵉ ⴷ ⵓⵏⵎⴰⵍⵍⵓ ⴷ ⵓⵟⵟⵓⵏ ⵏ ⵜⵜⵉⵍⵉⴼⵓⵏ ⵉⵣⵍⵉⵏ ⵙ ⵜⵖⴰⵡⵙⴰ ⴰⴷ , ⴰⴼⴰⴷ ⴰⴷ ⴰⵏⴼⵏ ⵉ ⵉⵎⵓⴽⵔⵉⵙⵏ ⵏ ⵓⵙⴰⴳⴳⵯⵎ ⵉⴳⴳⵓⵜⵏ ⵙⵍⴰⵡⴰⵏ ⴰⴽⴽⵯ ⴳⵔ 25 ⴰⵔ 30 ⵖⵓⵛⵜ ⵏⵏⴰ ⴷ ⵉⴷⴷⴰⵏ , ⵙⴳ ⵓⵏⵎⴰⵍⴰ ⴷ ⵡⴰⵀⵉⵍ ⵏⵏⴰ ⵉⵜⵜⵓⴼⵙⴰⵔⵏ ⴳ ⵓⵎⵏⵉⴷ ⴰⴷ .
ⵎⴽⵍⵍⵉ ⵜⵜⵉⵏⵉ ⵜⵎⵀⵍⴰ ⵎⴰⵙⴷ ⵉⵇⵇⴰⵏ ⴰⴷ ⴱⴱⵉⵏ ⵉⵏⵎⵎⵓⴷⴷⴰ ⵜⴰⵏⴼⵓⵍⵜ ⵏ ⵓⵡⵔⵔⵉ ⵙⴳ ⴷⴰⵔ ⵜⴷⵔⴰⵡⵜ ⵏ ⵢⵉⵍ ⵜⵓⵥⵍⴰⵢⵜ ⵏⵏⴰⴳ ⵉⵍⵍⴰ ⵡⴰⴽⵓⴷⵏ ⵓⵡⵓⵔⵔⵉ, ⵓⵔⵜⴰ ⴷⴷⵉⵏ ⵙ ⵓⵙⵔⵙⵉⵡ .
ⵜⵜⵓⵙⵔⴰⵙⵏ ⴽⵉⴳⴰⵏ ⵏ ⵉⵏⵎⴰⵍⵍⵓⵜⵏ ⴷ ⵉⵎⴰⵙⵙⵏ ⵏ ⵓⵎⵙⴰⵡⴰⴹ ⵉⵥⵍⵉⵏ ⵙ ⵉⵏⵎⵎⵓⴷⴷⴰ ⵏ ⵍⵎⵖⵔⵉⴱ ⴳ ⴱⵕⵕⴰ ⵉⵖⵉ ⴰⴷ ⴰⴽⴽⵯ ⵥⵕⵕⴰⵏ ⴰⵢⵏⵏⴰ ⵉⵥⵍⵉⵏ ⵙ ⵓⵙⵔⵙⵉⵡ ⴳ ⵡⴰⵏⵙⴰ ⴰⵍⵉⴽⵜⵕⵓⵏⵉ www.tangermed-passagers.ma ⵙⵍⴰⵡⴰⵏ ⴰⴽⴽⵯ ⵜⴰⴷⵔⴰⵡⵜ ⵏ ⵓⵎⵢⴰⵡⴰⴹ ⴰⵏⴰⵎⵓⵏ ⴷ ⵓⵏⵎⴰⵍⵍⵓ ⵏ ⵓⵜⵜⵉⵍⵉⴼⵓⵏ ⵏⵖⴷ ⴳ ⵜⵏⵣⵡⴰⵢⵜ ⵏ FM 100 .