ⴰⵎⵣⵉⵣⵣⵍ ⴰⴷ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⵓⵙⴰⵜⵉ ⵏ ⵓⵙⵙⵉⴷⵔ ⵏ ⵉⵎⵓⵙⵙⵓⵜⵏ ⵉⵏⵎⵍⴰⵏⵏ, ⵢⵉⵡⵙ ⴳⵉⵙ ⵓⴳⴳⴰⵔ ⵏ 50 ⵏ ⵓⵃⵏⵊⵉⵔ ⴷ ⵜⵃⵏⵊⵉⵔⵜ ⵏⵏⴰ ⴷ ⵉⴷⴷⴰⵏ ⵙⴳ ⴽⵉⴳⴰⵏ ⵏ ⵜⵎⵔⵙⴰⵍ ⵏ ⵓⵙⵙⵍⵎⴷ ⵏⵏⴰ ⴳ ⵜⵍⵍⴰ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴷⴼⴼⵉⵔ ⵏ ⵓⵣⵣⵔⴰⵢ ⵏ ⵜⴱⵔⵣⵉⵡⵉⵏ ⵜⵉⵎⵣⵡⵓⵔⴰ ⴳ ⵎⴰⴷ ⵉⵥⵍⵉⵏ ⵙ ⴽⵓ ⵜⴰⵎⵔⵙⵍⵜ .
ⴳ ⵓⵎⵓⵙⵙⵓ ⴰⴷ ⵉ ⵉⵜⵜⵡⴰⴳⴳⵏ ⴳ ⵜⵎⵔⵙⵍⵜ ⵏ ⵓⵏⵓⵕⵥⵎ ⵏ ⵜⵥⵓⵕⵉ ⴷ ⵜⵙⴽⵍⴰ ⴳ ⵍⵃⵓⵙⵉⵎⴰ, ⵙ ⵜⵡⴰⵙⵉⵜ ⵏ ⵓⵏⵎⵀⴰⵍ ⴰⵙⴳⴰⵡⴰⵏ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵉⵎⵙⴰⵜⵉⵢⵏ ⵏ ⵜⵎⵀⵍⴰ, ⵜⵜⵓⵙⵏⵎⴰⵍⴰⵏⵜ ⴳⵙ ⵜⵉⵙⴰⵡⵓⵔⵉⵏ ⵜⵥⵓⵕⵉⵏ ⵉⵏⵏⵓⵃⵢⴰⵏ ⴷ ⵜⵎⵣⴳⵓⵏⵉⵏ ⴷ ⵜⵡⴰⴼⵉⵜⵉⵏ ⴷ ⵉⵎⵃⵉⵣⵡⴰⵔⵏ ⵉⴷⵍⵙⴰⵏⵏ ⵅⴼ "ⵜⵉⴼⵉⵏⴰⵖ" ⵙ ⵓⵙⵙⵎⵔⵙ ⵏ ⵉⵙⵓⴳⴰⵎ ⵉⵎⵓⵟⵟⵓⵏⵏ.
ⴰⵖⴰⵡⴰⵙ ⵏ ⵓⵎⵃⵉⵣⵡⴰⵔ ⴰⴷ, ⵉⵙⵙⵏ ⵢⴰⵏ ⵡⴰⴷⴰⴼ ⴷ ⴰⵎⵇⵇⵔⴰⵏ ⵏ ⵜⵎⵙⵎⵓⵏⵜ ⵏ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵍⵃⵓⵙⵉⵎⴰ ⴷ ⵓⵎⴳⴳⵉⵡⵙ ⴰⵙⴳⵎⴰⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵎⴰⵏⵉ ⴳⴳⵉⵏ ⵉⵎⵓⵙⵙⵓⵜⵏ ⴷ ⵉⵔⵉⵎⵏ ⵏ ⵓⵙⴼⵜⵉ ⵙ ⵓⵙⴽⴽⵉⵍ ⵏ ⵜⴼⵉⵏⴰⵖ.
ⵏⵏⴰⵏ ⵉⵎⵙⵙⵓⴷⴰⵙ ⵎⴰⵙⴷ ⵢⵓⴷⴼ ⵓⵎⵙⴰⴳⴰⵔ ⴰⴷ, ⴳ ⵢⵉⴳⵔ ⵏ ⵓⵙⵎⵀⵍ ⵏ ⵉⵎⵓⵙⵙⵓⵜⵏ ⵏ ⵜⵓⴷⵔⵜ ⵜⴰⵏⵎⵍⴰⵏⵜ, ⴷ ⵓⵙⴷⵡⵙ ⵏ ⵓⴷⵖⴰⵔ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵢⵉⴳⵔ ⴰⵙⴳⵎⴰⵏ, ⴷ ⵓⵙⴳⵄⵄⴷ ⵏⵏⵙ ⴳ ⵓⵣⵔⵔⵓⵢ ⵏ ⵓⵙⵖⵓⴷⵓ ⵏ ⵓⵎⴷⵢⴰ ⴰⴱⵉⴷⴰⴳⵓⵊⵉ.