ⴽⵕⴰⴹ ⵡⴰⴷⴷⴰⴷⵏ ⵏ ⵜⵎⴰⴹⵓⵏⵜ ⵏ ⵊⴰⴷⵔⵉ ⵍⵇⵉⵔⴷ ⴳ ⵍⵎⵖⵔⵉⴱ( ⵜⴰⵏⵖⵍⴰⴼⵜ)

24 ⵎⴰⵢⵢⵓ 2022 Version Imprimable

ⵕⵕⴱⴰⵟ - ⵜⵏⵏⴰ ⵜⵏⵖⵍⴰⴼⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ, ⵉⴹⵍⵍⵉ ⴰⵙⵙ ⵏ ⴰⵢⵏⴰⵙ ⵎⴰⵙ ⵜⵙⵙⵏ ⵉⵙ ⵍⵍⴰⵏ ⴽⵕⴰⴹ ⵡⴰⴷⴷⴰⴷⵏ ⵏ ⵜⵎⴰⴹⵓⵏⵜ ⵏ ⵊⴰⴷⵔⵉ ⵍⵇⵉⵔⴷ, ⵎⴰⵛⴰⵏ ⵓⵔ ⵉⵍⵍⵉ ⴰⵡⴷ ⴽⵔⴰ ⵏ ⵡⴰⴷⴷⴰⴷ ⵉⵜⵜⵓⵣⵎⵎⴰⵎⵏ .

ⵉⵏⵏⴰ ⵎⴰⵙⵙ ⵎⵓⵄⴰⴷ ⵍⵎⵕⴰⴱⵟ, ⴰⵎⵣⴷⴰⵢ ⵏ ⵡⴰⵎⵎⴰⵙ ⴰⵏⴰⵎⵓⵔ ⵏ ⵜⵡⴰⵖⵉⵜⵉⵏ ⴳ ⵜⵏⵖⵍⴰⴼⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⴳ ⵢⴰⵏ ⵓⵙⵉⵡⴹ ⴰⵏⴰⵖⵎⴰⵙ, ⵎⴰⵙ ⵜⵍⵍⴰ ⵜⵓⵔⴷⴰ ⵉⵙ ⵜⵜⵢⴰⴼⴰⵏ ⴽⵕⴰⴹ ⵡⴰⴷⴷⴰⴷⵏ ⵏ ⵜⵎⴰⴹⵓⵏⵜ ⴰⴷ ⵜⴰⵎⴰⵢⵏⵓⵜ,ⴷⴼⴼⵉⵔ ⵍⵍⵉⵖ ⵙⴽⵔⵏ ⴰⴳⴳⵉⵡⵙ ⴰⴷⵓⵙⴰⵏ , ⴷⵖⵉ ⴰⵔ ⵜⵜⵉⵏⵉⴳⵏ ⴰⴼⴰⴷ ⴰⴷ ⴼⴼⴰⵖⵏⵜ ⵜⵢⴰⴼⵓⵜⵉⵏ ⵏ ⵓⴳⴳⵉⵡⵙ.

ⵉⵏⵏⴰ ⵎⴰⵙⵙ ⵍⵎⵕⴰⴱⵟ ⵎⴰⵙ ⵉⵜⵜⵓⵙⴽⴰⵔ ⵓⵙⵎⵓⵜⵜⴳ ⵏ ⴽⵉⴳⴰⵏ ⵏ ⵉⵎⵙⴳⵏⴰⴼⵏ ⴰⴼⴰⴷ ⴰⴷ ⵙⵏⵢⵓⴷⴷⵓⵏ ⴷ ⵡⴰⵏⴰⵡ ⴰⴷ ⵏ ⵜⵎⴰⴹⵓⵏⵜ ⵜⴰⵎⴰⵢⵏⵓⵜ ⵍⵍⵉ ⵜⵜ ⵉⵏⵏ ⵊⵊⵓ ⵓⵔ ⵉⴽⴽⵉⵏ ⴳ ⵎⴰⴷ ⵉⵣⵔⵉⵏ .

ⵉⵏⵏⴰ ⵎⴰⵙⵙ ⵍⵎⵕⴰⴱⵟ ⵎⴰⵙⴷ ⴰⵏⵎⴰⵍⵍⵓ ⴷⴷⵅ ⴰⵔ ⵉⵙⴽⴰⵔ ⴰⵙⵓⵙⵙⵏ ⵉ ⵡⴰⴷⴷⴰⴷⵏ ⵏⵏⴰ ⴳ ⵜⵍⵍⴰ ⵜⵎⴰⴹⵓⵏⵜ ⴷ ⵜⵎⴰⵎⴽⵉⵏ ⵏ ⵓⵙⵏⵢⵓⴷⴷⵓ ⴷ ⵡⵉⵏⵏⴰ ⴰⴽⴽⵯ ⵉⵜⵜⵉⵍⵉⵏ ⵜⴰⵎⴰ ⵏ ⵉⵎⵓⴹⴰⵏ ⴷⴷⵅ .

ⵎⴽ ⴰⴷ ⴰⵙⴰ ⵜⵙⵡⵡⵓⵔⵉ ⵜⵏⵖⵍⴰⴼⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⴷ ⵜⵡⴰⵖⵉⵜⵉⵏ ⵏⵖⴷ ⵜⵉⵎⵓⴹⴰⵏ ⵜⵉⵎⴰⵢⵏⵓⵜⵉⵏ ⵣⵓⵏⴷ ⵅⵜⵉⴷ .

Dernière modification : 24 ⵎⴰⵢⵢⵓ 2022

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%BD%E2%B5%95%E2%B4%B0%E2%B4%B9-%E2%B5%A1%E2%B4%B0%E2%B4%B7%E2%B4%B7%E2%B4%B0%E2%B4%B7%E2%B5%8F-%E2%B5%8F-%E2%B5%9C%E2%B5%8E%E2%B4%B0%E2%B4%B9%E2%B5%93%E2%B5%8F%E2%B5%9C-%E2%B5%8F-%E2%B5%8A%E2%B4%B0%E2%B4%B7%E2%B5%94%E2%B5%89-%E2%B5%8D%E2%B5%87%E2%B5%89%E2%B5%94%E2%B4%B7-%E2%B4%B3-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%9C%E2%B4%B0%E2%B5%8F%E2%B5%96%E2%B5%8D%E2%B4%B0%E2%B4%BC%E2%B5%9C