ⵉⴳ ⵓⴱⵔⴰⴳⵔⴰⵡ ⴰⵎⴰⵜⴰⵢ ⵏⵏⴰ ⵉⵜⵜⵓⵙⴽⴰⵔⵏ ⴳ ⵜⵙⵙⵓⵜⵍⵜ ⵏⵏⵙ ⵜⵓⵙⵍⵉⴷⵜ ⵢⴰⵏ ⵓⵏⵎⴰⵍⵍⵓ ⴰⵎⵇⵔⴰⵏ ⵏⵏⴰ ⵖ ⵍⵍⴰⵏ 22 ⵏ ⵓⵡⴰⵏⴽ ⴳⴳⴰ ⴳⵉⵙ ⵉⴳⴰⵏ ⵉⵎⵍⵜⴰⵖⵏ, ⴰⵔ ⴰⴽⴽⴰⵏ ⵜⴰⵏⴰⵍⵉⵜ ⵉ ⴱⴰⴱ ⵏ ⵡⴰⴷⴷⵓⵔ ⴳ ⵜⵓⵎⴰⵏⵜ ⵏ ⵜⴰⵢⵎⵓⵏⵜ ⵏ ⵍⵇⵓⴷⵙ .
ⵎⴽⵍⵍⵉ ⵜⵎⵍⴰ ⵜⵡⵡⵓⵔⵉ ⵏ ⵡⴰⵢⴷⴰ ⵏ ⵜⴰⴷⴷⴰⵔⵜ ⵏ ⵓⵙⴼⵍⵙ ⵏ ⵍⵇⵓⴷⵙ ⵜⴰⵡⵡⵓⵔⵉ ⵏ ⵓⵏⵙⵙⵉⵅⴼ ⵉⴷⵓⵙⵏ ⵙ ⵜⵣⵎⵎⴰⵔ ⵏⵏⵙ ⴷⵓⵙⵏⵉⵏ ⵛⵉⴳⴰⵏ .
ⴳ ⵜⴳⵓⵔⵉ ⵏⵏⵙ ⵙ ⵜⵎⵍⴷⴰ ⴰⴷ, ⵉⵏⵏⴰ ⵓⴳⵎⴰⵎ ⵏ ⵜⴰⵢⵎⵓⵏⵜ ⵏ ⵜⵎⴰⴳⵔⴰⵡⵜ ⵏ ⵓⵙⴷⴷⵔⴼⵉ, ⴰⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵜⴰⵏⴰⵎⵓⵔⵜ ⵏ ⵓⵙⴳⵎⵉ ⴷ ⵜⴷⵍⵙⴰ ⴷ ⵜⵎⴰⵙⵙⴰⵏⵉⵏ , ⵄⵍⵉ ⴰⴱⵓ ⵣⵀⵔⵉ, ⴼ ⵓⵙⵎⵖⵔ ⵉⴷⵓⵙⵏ ⵏ ⵜⵎⴰⵣⵉⵔⵜ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵙ ⵜⵣⵎⵎⴰⵔ ⴷ ⵡⴰⵏⵏⴰⵍ ⵏⵏⵙ ⵉⴷⵓⵙⵏ ⴷ ⵓⵏⵣⴰⵖ ⵏⵏⵙ ⴼ ⵜⵓⵎⴰⵏⵜ ⵏ ⵍⵇⵓⴷⵙ .
ⵉⵙⴽⵔ ⵜⴰⵙⵖⵔⵜ ⵏⵏⵙ ⵉ ⵜⵎⵓⵔⴰ ⵢⴰⴹⵏⵉⵏ ⴰⴼⴰⴷ ⴰⴷ ⴽⴽⵉⵏⵜ ⴰⴱⵔⵉⴷ ⵏⵏⴰ ⵜⴽⴽⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵉⴳⵔ ⴰⴷ ⴷ ⵍⵓⵕⴹⵓⵏ ⴷ ⵜⵎⵓⵔⴰ ⵏ ⵍⵅⴰⵍⵉⵊ ⴳ ⵎⴰⴷ ⵉⵣⵍⵉⵏ ⵙ ⵡⴰⵏⵏⴰⵍ ⵏ ⵍⵇⵓⴷⵙ .
ⴳ ⵜⵙⴳⴰ ⵏⵏⵙ, ⵉⵏⵏⴰ ⵓⵎⴰⵔⴰ ⴰⵎⴰⵜⴰⵢ ⵏ ⵜⵏⵖⵍⴰⴼⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⵎⴰⵙⵙ ⵢⵓⵙⴼ ⴱⵍⵇⴰⵙⵎⵉ, ⵎⴰⵙⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷⴷⵓ ⵜⵏⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵚ ⴰⵔ ⵜⵙⴽⴰⵔ ⵜⵉⵣⵎⵎⴰⵔ ⴷⵓⵙⵏⵉⵏ ⴳ ⵎⴰⴷ ⵉⵥⵍⵉⵏ ⵙ ⵓⴼⵔⴰⴳ ⵏ ⵜⵏⴼⵔⵓⵜ ⴳ ⵉⴽⴰⵍⵉⵡⵏ ⵏ ⵍⵇⵓⴷⵙ ⴷ ⵡⴰⴽⴰⵍ ⵏ ⴼⵉⵍⵉⵚⵟⵉⵏ .