ⴳ ⵜⴳⵓⵔⵉ ⵏ ⵓⵏⵏⵓⵕⵥⵎ, ⵉⵏⵏⴰ ⵓⵎⵙⵜⴳⴳⴰⵔ ⴰⵎⴰⵜⴰⵢ ⵏ ⴼⵕⴰⵏⵚⴰ ⴳ ⵜⵖⵔⵎⵜ ⵏ ⵟⴰⵏⵊⴰ, ⵎⴰⵙⵙ ⴼⵉⵍⵉⴱ ⵜⵕⵓⴽⵉ, ⵎⴰⵙⴷ ⴰⵎⵓⵙⵙⵓ ⴰⴷ ⴰⴷⵍⵙⴰⵏ ⵉⴷⴷⴰⴷ ⴷⴼⴼⵉⵔ ⵏ ⵙⵉⵏ ⵉⵙⴳⴳⵯⴰⵙⵏ ⵏ ⵜⵎⴰⴹⵓⵏⵜ ⵏ ⴽⵓⵕⵓⵏⴰ, ⴷ ⵓⵙⵏⵜⵉ ⵏ ⵉⵎⵉⵔ ⵏ ⵜⴰⴼⵙⵓⵜ ⴷ ⵡⴰⵖⵓⵍ ⵏ ⵡⵓⵙⵙⴰⵏ ⵉⵣⴷⴷⵉⴳⵏ, ⵉⵏⵏⴰ ⵎⴰⵙⴷ ⴰⵎⵓⵙⵙⵓ ⴰⴷ ⵉⵍⴰ ⴰⵜⵉⴳ ⴰⵅⴰⵜⴰⵔ ⴳ ⵉⴳⵔ ⵏ ⵓⵙⵏⴼⵍ ⵏ ⵜⵓⵙⵙⵏⵉⵡⵉⵏ ⴷ ⵉⵏⵎⵓⵇⵇⴰⵔⵏ ⴳ ⵜⵖⵔⵎⵜ ⵏ ⵟⴰⵏⵊⴰ ⵜⴰⴳⵔⴰⵖⵍⴰⵏⵜ .
ⵉⵏⵏⴰ ⵓⴷⵉⴱⵍⵓⵎⴰⵙⵉ ⴰⴼⴰⵕⴰⵏⵙⵉ ⵎⴰⵙⴷ ⴰⴼⵙⴰⵔ ⴷⴷⵅ ⵉⴳⴰ ⵢⴰⵜ ⵜⵎⵍⴷⴰ ⵉ ⵜⴷⵍⵙⴰ ⴷ ⵜⴰⴹⴼⵉ ⵏ ⵜⵖⵔⵉ, ⴷ ⵓⵎⵔⴰⵔⴰ ⵏ ⵡⴰⵡⴰⵍ ⴳⵔ ⵉⵎⵙⵏⴼⵍⴰⵍ ⴷ ⵉⵎⴰⵔⴰⵜⵏ ⴷ ⴰⵢⵜ ⵓⵥⴰⵡⴰⵏ ⵏⵏⴰ ⵉⵙⵎⵓⵏⴰⵏ ⴳⵔ ⵉⵖⵔⴼⴰⵏ, ⵎⴰ ⴰⵏⵏ ⴰⴷ ⵉⵣⵏⵥⴰⵕⵏ ⵉⵏⵍⵍⵉⵜⵏ ⵏⵏⵙⵏ , ⵎⴽⵍⵍⵉ ⵉⵙⵏⵉⵎⵎⵔ ⴰⵢⵜ ⵜⵏⴼⵔⵓⵜ ⵉⵎⵖⵔⵉⴱⵉⵏ ⵏⵏⴰ ⵢⵉⵡⵣⵏ ⴼ ⵓⵎⵓⵙⵙⵓ ⴰⴷ ⴰⴼⴰⴷ ⴰⴷ ⵉⵎⵓⵔⵙ ⴳ ⵜⴰⵖⵢⴰ ⵏ ⵓⴷⵔⴰⵔ ⵏ ⵟⴰⵕⵉⵇ .