ⵜⵜⵓⴼⴽⴰ ⵜⵙⵎⵖⵓⵔⵜ ⴰⴷ ⵉ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵙⴳ ⵢⴰⵏ ⵓⵡⵏⵏⵉ ⵏⵏⴰ ⵉⵜⵜⵓⵙⴳⵎⴹⵏ ⴳ ⵕⵔⴱⴰⵟ ⵙⴳ ⵓⵙⵇⵇⵉⵎ ⵏ ⵓⵏⵏⵓⵕⵥⵎ ⵏ ⵜⵙⵙⵓⵜⵍⵜ ⵜⵓⵙⵍⵉⴷⵜ ⵜⵉⵙⵙ 26 ⵏ ⵓⵙⴳⵔⴰⵡ ⵏⵏⴰ ⵉⵙⵏⵓⴱⴳ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵡⵡⵓⵔⵉⵡⵉⵏ ⵏⵏⵙ ⴳⵔ 19 ⴷ 21 ⵎⴰⵢⵢⵓ ⴰⴷ .
ⵉⵏⵏⴰ “ⴼⵓⴱⵔⵉⵍ” ⵏⵏⴰ ⵖ ⵉⴳⴰ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴰⴳⵎⴰⵎ ⵏⵏⵙ ⵙⴳ ⵓⵙⴳⴳⵯⴰⵙ ⵏ 2014 ⵎⴰⵙⴷ ⵜⴰⵙⵎⵖⵓⵔⵜ ⴷ ⵓⵙⵎⵖⵕ ⴰⴷ ⵜⴳⴰ ⵢⴰⵜ ⵜⵡⵡⵓⵔⵉ ⵏ ⵓⵙⵎⵖⵕ ⵉ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵏⵏⴰ ⵉⵙⵡⵡⵓⵔⵉⵏ ⴳ ⵉⴳⵔ ⴰⵏⴼⴳⴰⵏ ⴰⴼⴰⴷ ⴰⴷ ⵉⵙⵎⴰⵜⵜⵉ ⵉⵎⵓⴽⵔⵉⵙⵏ ⴷ ⵓⵙⵙⵉⴷⵔ ⵏ ⵓⴼⵔⴰ ⴳ ⵓⵎⴰⴹⴰⵍ ⴷ ⴳⵔ ⵉⵖⵔⴼⴰⵏ ⴰⴽⴽⵯ .
ⵉⴷⴷⴰⴷ ⴳ ⵓⴹⵕⵉⵚ ⵏ ⵜⵙⵎⵖⵓⵔⵜ ⴰⴷ, ⵎⴰⵙⴷ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉⴳⴰ ⵢⴰⵏ ⵓⵎⴷⵢⴰ ⵉⴷⵓⵙⵏ ⴳ ⵉⴳⵔ ⵏ ⵓⵡⵇⵇⵔ ⵏ ⵉⵜⴳⴰⵔⵏ ⴷⴰⵔ ⴽⵉⴳⴰⵏ ⵏ ⵜⴷⵍⵙⵉⵉⵏ ⴷ ⵉⵖⵔⴼⴰⵏ ⴳ ⵓⵎⴰⴹⴰⵍ , ⵉⵣⴰⵢⴷ ⵢⵉⵏⵉ ⵎⴰⵙⴷ ⵜⵉⴽⴽⵉ ⵏ ⵜⵙⵎⵖⵓⵔⵜ ⴰⴷ ⵜⴳⴰ ⴰⵙⵎⵖⵕ ⵉ ⵓⵍⵓⵢ ⵏ ⵓⵛⵏⵢⴰⵍ ⵏ ⵓⴼⵔⴰ ⴷ ⵜⵣⵎⵎⴰⵔ ⵏⵏⴰ ⵏⵏ ⴰⴽⴽⵯ ⵉⵜⵜⴳⴳⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⴳⵔ ⵏ ⵓⵙⴷⵓⵙ ⵏ ⵓⴼⵔⴰ ⵙⴳ ⵍⵍⵉⵖ ⵉⵏⴱⴹ ⵅⴼ ⵜⵎⴰⵣⵉⵔⵜ ⵏ ⵍⵎⵖⵔⵉⴱ .
ⴰⵡⵜⵜⴰⵙ ⵏ ⵜⵙⵎⵖⵓⵔⵜ ⴰⴷ ⵏ “ⴰⵙⴽⵉⴱⵓⵍⴰⵙ” ⴰⴼⴰⴷ ⴰⴷ ⵜⵙⴱⵓⵖⵍⵓ ⵉⵜⴳⴰⵔⵏ ⵏ ⵜⵉⴷⴷⵓⴽⴽⵍⴰ ⴷ ⵓⵎⵢⴰⴷⴰⵙ ⴷ ⵓⵎⵙⴰⴷⴷⴰⵔ ⴳⵔ ⵉⵖⵔⴼⴰⵏ ⴰⴽⴽⵯ, ⴷ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵜⴳⴰⵔⵏ ⵏ ⵜⴷⵍⵙⴰ ⴷ ⵓⴼⵔⴰ ⴰⵎⴰⵜⴰⵢ .