ⵜⴳⴰ ⵅⵜⴰⴷ ⵜⴰⴽⴽⵍⵉⵜ ⵉⵣⵡⴰⵔⵏ ⴰⴷ ⴷ ⵢⴰⵛⴽ ⵎⴰⵙⵙ ⴱⵍⵉⵏⴽⵏ ⵙ ⴷⴷⵣⴰⵢⵔ, ⵉⵍⴽⵎⴷ ⵙⵉⵙ ⴷⴼⴼⵉⵔ ⵍⵍⵉⵖⴷ ⵉⴽⴽⴰ ⵉⵙⵕⴰⵢⵍ, ⵍⵍⵉⵖ ⴳⵉⵙ ⴰⴽⴽⵯ ⵎⵓⵏⵏ ⵉⵏⵖⵍⴰⴼⵏ ⵏ ⴱⵕⵕⴰ ⵏ ⵜⵎⵓⵔⴰ ⵜⵉⵎⵖⴰⵔⴱⵉⵢⵢⵉⵏ ⵍⵍⵉⵖ ⴷ ⵎⵙⴰⵙⴰⵏⵜ ⴷ ⵜⵎⵓⵔⴰ ⵏ ⵉⵄⵉⴱⵔⵉⵢⵢⵏ, ⵓⵔⵜⴰ ⵓⵉⴷⴷⵉ ⵙ ⵉⵙⵕⴰⵢⵍ ⵉⴽⴽⴰ ⵏⵏ ⵣⵡⴰⵔ ⵍⵎⵖⵔⵉⴱ ⵏⵏⴰ ⴷ ⴷⴰⵔ ⵜⵉⵣⴷⴰⵢⵉⵏ ⴷⵓⵙⵏⵉⵏ ⴷ ⵜⴰⵍ ⴰⴱⵉⴱ ⵜⵙⴱⵉⴷⴷ ⴰⵡⴷ ⵜⵉⵣⴷⴰⵢⵉⵏ ⵏⵏⵙ ⴷ ⴷⴷⵣⴰⵢⵔ.
ⵔⴰⴷ ⵉⵎⵎⴰⴳⴳⴰⵔ ⵓⵎⴰⵡⵙⴰⵙ ⴱⵍⵉⵏⴽⵏ ⴷ ⵓⵏⵙⵙⵉⵅⴼ ⵏ ⴷⴷⵣⴰⵢⵔ ⵄⴱⴷⵍⵎⵊⵉⴷ ⵜⴱⵓⵏ ⴳ ⵓⵙⴰⵢⵍⴰⵍ ⵏ ⵍⵄⵎⴰⵎⵕⴰ.
ⴳ ⵜⵙⴳⴰ ⵢⴰⴷⵏ, ⵜⵏⵏⴰ ⵜⵎⴰⵡⴰⵙⵜ ⵏ ⵓⵏⵖⵍⴰⴼ ⵏ ⴱⵕⵕⴰ ⴰⵎⵉⵔⵉⴽⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵙⵏⵇⵕ ⴷ ⵉⵣⵣⵍⵎⴹ ⵏ ⵉⴼⵔⵉⵇⵢⴰ ⵍⴰⵎⴱⴰⵕⵜ, ⵎⴰⵙⴷ ⴱⵍⵉⵏⴽⵏ ⴷ ⵓⵏⵙⵙⵉⵅⴼ ⵏ ⴷⴷⵣⴰⵢⵔ ⵄⴱⴷⵍⵎⵊⵉⴷ ⵜⴱⵓⵏ, ⵔⴰⴷ ⵎⵔⴰⵔⴰⵏ ⵜⴰⵏⴼⵔⵓⵜ ⴳⵔ ⵙⵉⵏ ⵉⵎⵏⴰⴷⵏ ⴰⴷ, ⴷ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵉⵜⴳⴰⵔⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵍⴻⵍⵍⵉⵜⵉⵏ.
ⴰⵔⵣⴰⴼ ⴰⴷ ⵏⵏⴰ ⵉⵙⴽⵔ ⵓⵏⵖⵍⴰⴼ ⵏ ⴱⵕⵕⴰ ⵏ ⵎⵉⵔⵉⴽⴰⵏ ⵜⵓⵛⴽⴰⴷ ⴷⴼⴼⵉⵔ ⵏ ⵜⴰⵙⵙⴰⵙⵜ ⵏⵏⴰ ⵉⵍⵍⴰⵏ ⴳⵔ ⵜⴰⵣⴷⴰⵢⵜ ⵏ ⵍⵎⵖⵔⵉⴱ ⴷ ⴷⴷⵣⴰⵢⵔ ⴳ ⵜⵙⴳⴰ ⵏ ⵉⵎⵔⴰⵔⴰⵜⵏ ⵏ ⵡⴰⵡⴰⵍ ⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⴰⴷⴷⴰⴷ ⴰⴷ ⵔⴰⴷ ⵉⵙⴽⵔ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⵉ ⵜⴰⵔⵏⴰ ⵏⵏⴰ ⵉⵜⵜⴷⴷⵓⵏ ⵙ ⵜⵎⴰⵣⵉⵔⵜ ⵏ ⵓⵕⵓⴱⴱⴰ ⴷⴼⴼⵉⵔ ⵏ ⵜⴰⵙⵙⴰⵙⵜ ⵏⵏⴰ ⵉⵍⵍⴰⵏ ⴳⵔ ⵔⵓⵙⵢⴰ ⵏ ⵓⴽⵕⴰⵏⵢⴰ .
ⵍⵍⵉⵖ ⵜⴱⴱⵉ ⴷⴷⵣⴰⵢⵔ ⵜⴰⵣⴷⴰⵢⵜ ⵏⵏⵙ ⴷ ⵍⵎⵖⵔⵉⴱ ⴳ ⵡⴰⵢⵢⵓⵔ ⵏ ⵖⵓⵛⵜ,ⵜⵏⵏⴰ ⵎⴰⵙ ⵔⴰⴷ ⵜⵙⴱⵉⴷⴷ ⵜⵉⴽⴽⵉ ⵏ ⵍⴳⴰⵣ ⵉ ⵍⵎⵖⵔⵉⴱ ⵏⵏⴰ ⵜⵙⵙⵎⵔⴰⵙ ⴰⴼⴰⴷ ⴰⴷ ⵜⵙⵙⵍⴽⵎ ⵍⴳⴰⵣ ⴰⴷ ⵙ ⵓⵔⵓⴱⴱⴰ.