(ⴽⵓⴼⵉⴷ-19) ..ⵜⵖⵜⵙ ⵜⵏⴱⴰⴹⵜ ⴰⴷ ⵜⴰⵎⵣ ⵎⵏⵏⴰⵡⵜ ⵏ ⵉⵙⵡⵓⴷⴷⵓⵏ ⴳ ⵉⴹ ⵏ 31 ⴷⵓⵊⴰⵏⴱⵉⵔ 2021 ⴰⵔ 1 ⵉⵏⵏⴰⵢⵔ 2022 (ⴰⵙⵉⵡⴹ)
ⵕⵕⴱⴰⵟ - ⵜⵙⴳⵓⵔⴰ ⵜⵏⴱⴰⴹⵜ ⵎⴰⵙ ⵜⵖⵜⵙ ⴰⴷ ⵜⴰⵎⵣ ⵎⵏⵏⴰⵡⵜ ⵏ ⵉⵙⵡⵓⴷⴷⵓⵏ ⴳ ⵉⴹ ⵏ 31 ⴷⵓⵊⴰⵏⴱⵉⵔ 2021 ⴰⵔ 1 ⵉⵏⵏⴰⵢⵔ 2022 ⵖⵉⴽ ⵏⵏⴰⵏ ⴰⵃⴽⴰⵎ ⵉⵙⵍⴳⵏ ⵉⵣⵍⵉⵏ ⵙ ⵓⵡⵙⵓⴷⴷⴷⵓ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴷ ⵓⵙⴷⵓⵙ ⵏ ⵉⵎⴰⴽⵏ ⵏ ⵓⵃⵟⵟⵓ ⵉⵅⵚⵚⴰⵏ ⵏ ⵡⵜⵜⵓ ⵏ ⵓⵙⴼⵙⵔ ⵏ ⵓⴱⴰⵢⵢⵓⵔ ⵏ ⴽⵓⵕⵓⵏⴰ ⴰⵎⴰⵢⵏⵓ ⵎⵔⴰ ⵜⵜⵓⴼⵔⴰⴳ ⵏ ⵜⴷⵓⵙⵉ ⵏ ⵜⵉⵏⵎⵓⵔⵉⵏ ⴷ ⵉⵏⵎⵓⵔⵉⵏ ⴷ ⵓⵙⵓⵜⴳ ⵏ ⵜⵢⴰⴼⵓⵜⵉⵏ ⵉⵖⵓⴷⴰⵏ ⵉⴷⴷⵓⵔⵏ ⵍⵍⵉ ⵜⵙⴽⵔ ⵜⴳⵍⴷⵉⵜ ⴷⴰⵜ ⵏ ⵓⴱⴰⵢⵢⵓⵕ ⴰⴷ .
ⵜⴼⵔⴰ ⵜⵏⵏⴰ ⵜⵏⴱⴰⴹⵜ ⴳ ⵢⴰⵏ ⵓⵙⵉⵡⴹ ⴳ ⵓⵣⵎⵎⵣⵓ ⵎⴰⵙ ⴳⵉⵏ ⵉⵙⵡⵓⴷⴷⵓⵏ ⴰⴷ ⴰⵙⴱⵉⴷⴷ ⵏ ⴰⴽⴽⵯ ⵜⴼⵓⴳⵍⴰⵡⵉⵏ ⵉⵣⵍⵉⵏ ⵙ ⵉⵅⴼ ⵏ ⵓⵙⴳⴳⵯⴰⵙ ⴰⵎⵉⵍⴰⴷⵉ ⴷ ⵓⵙⴱⵉⴷⴷ ⵏ ⵉⵙⵏⵙⵓⵏ ⴷ ⵜⵙⵉⵔⵎⵉⵏ ⴷ ⴰⴽⴽⵯ ⵜⵎⵔⵙⴰⵍⵉⵏ ⴷ ⵜⵏⴰⴼⵓⵜⵉⵏ ⵏ ⵜⵎⴰⵍⵍⴰⵢⵜ ⵙ ⵓⵙⵏⵎⴰⵍⴰ ⵏ ⵜⴼⵓⴳⵍⴰⵡⵉⵏ ⴷ ⵉⵖⴰⵡⴰⵙⵏ ⵉⵣⵍⵉⵏ ⴳ ⵓⵣⵎⵎⵣⵓ ⴰⴷ .
ⵉⵣⵉⵏ ⵓⵍⴰ ⵉⵙⵡⵓⴷⴷⴷⵓⵏ ⴰⴷ ⴰⵇⵇⵏ ⵏ ⵜⵉⵙⵉⵔⵎⵉⵏ ⴷ ⵍⵇⵀⴰⵡⵉ ⴳ ⵜⵙⵔⴰⴳⵜ ⵏ 11:30 ⵏ ⵉⴹ ⴷ ⵓⵙⴱⵉⴷⴷ ⵏ ⵓⵙⵙⴰⵢ ⵏ ⵉⴹ ⴳ ⵉⵅⴼ ⵏ ⵓⵙⴳⴳⵯⴰⵙ ⵙⴳ ⵜⵙⵔⴰⴳⵜ ⵏ 12:00 ⵏ ⵉⴹ ⴰⵔ 06:00 ⵏ ⵜⴼⴰⵡⵜ .