Published on MAPNews (https://www.mapnews.ma/am)

Accueil > ⵜⴰⵙⴰⵡⴰⵢⵜ ⵏ ⵍⵎⵖⵔⵉⴱ ⵜⵙⴽⵔ ⵢⴰⵜ ⵜⵙⵏⵓⵔⴰⵢⵜ ⵏⵏⵙ ⴳ ⵍⴳⵔⴳⴰⵔⴰⵜ

ⵜⴰⵙⴰⵡⴰⵢⵜ ⵏ ⵍⵎⵖⵔⵉⴱ ⵜⵙⴽⵔ ⵢⴰⵜ ⵜⵙⵏⵓⵔⴰⵢⵜ ⵏⵏⵙ ⴳ ⵍⴳⵔⴳⴰⵔⴰⵜ

10 ⵏⵓⵡⴰⵏⴱⵉⵔ 2021 Version Imprimable
ⵍⴳⵔⴳⴰⵔⴰⵜ - ⵜⴼⴽⴰ ⵜⵙⴰⵡⴰⵢⵜ ⵏ ⵍⵎⵖⵔⵉⴱ ⵜⵓⵎⵍⴰⵢⵉⵏ ⴰⴼⴰⴷ ⴰⴷ ⵜⵜⵓⵙⴽⴰⵔ ⵢⴰⵜ ⵜⵙⴰⵡⴰⵢⵜ ⴷ ⵜⵙⵏⵓⵔⴰⵢⵜ ⵜⴰⵎⴰⵢⵏⵓⵜ ⴳ ⵍⴳⵔⴳⴰⵔⴰⵜ, ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ 46 ⵏ ⵜⵡⴰⴷⴰ ⵜⴰⵣⴳⵣⴰⵡⵜ.

ⵜⵏⵏⴰ ⵜⵙⴰⵡⴰⵢⵜ ⵏ ⵍⵎⵖⵔⵉⴱ ⴳ ⵢⴰⵏ ⵓⵙⵉⴷ ⵏⵏⵙ, ⵎⴰⵙⴷ ⴰⵙⴽⴽⵉⵔ ⴷ ⵓⵙⴽⵓ ⵏ ⵜⵙⵏⵓⵔⴰⵢⵜ ⴰⴷ ⴳ ⵍⴳⴰⵔⴳⴰⵔⴰⵜ ⵢⵓⵛⴽⴰⴷ ⴳ ⵓⵍⵜⵜⵓⵖ ⴳ ⵓⵙⵏⴼⴰⵕ ⴷ ⵡⴰⵀⵉⵍ ⵏ ⵓⵙⴽⴽⵉⵔ ⵏ ⴽⵉⴳⴰⵏ ⵏ ⵉⵙⵏⴼⴰⵕⵏ ⵏ ⵜⵏⴼⴰⵍⵉⵜ ⵏⵏⴰ ⵜⵙⵙⵏⵜⴰ ⵜⵏⴱⴰⴷⵜ, ⴰⵡⵜⵜⴰⵙ ⵏ ⵓⵙⴽⴽⵉⵔ ⵏ ⵜⵙⵏⵓⵔⴰⵢⵜ ⴰⴷ ⵜⴰⵎⴰⵢⵏⵓⵜ ⵉⴳⴰ ⵜ ⴰⴷ ⵉⵙⴰⵣⵣⴹ ⵜⴰⵙⴰⵡⴰⵢⵜ ⵏ ⵉⵏⵙⵎⵓⵔⵏ ⵏⵏⴰ ⵍⵍⴰⵏⵉⵏ ⴳ ⵜⵎⵏⴰⴷⵜ ⴰⴷ, ⵎⴽⵍⵍⵉ ⵜⵏⵏⴰ ⵎⴰⵙⴷ ⴰⴱⴰⵏⴽ ⴰⴷ ⵉⴳⴰ ⵡⴰⵍⵍⵉ ⴱⴷⴷⴰ ⵉⵍⵍⴰⵏ ⴳ ⵜⴰⵎⴰ ⵏ ⵉⵏⵙⵎⵓⵔⵏ ⵏⵏⵙ ⵙ ⵢⴰⵜ ⵜⵖⴰⵔⴰⵙⵜ ⵜⴰⵙⵓⵍⴰⵏⵜ.

ⵉⴷⴷⴰⴷ ⵓⵙⴽⴽⵉⵔ ⴰⴷ ⵏ ⵜⵙⵏⵓⵔⴰⵢⵜ ⵜⴰⵎⴰⵢⵏⵓⵜ ⵍⵍⵉⵖ ⵉⵣⵔⵉ ⵓⵙⴳⴳⵯⴰⵙ ⴼ ⵜⵏⴼⵔⵓⵜ ⵏ ⵉⵙⵔⴷⴰⵙⵏ ⵉ ⵓⵙⴰⴽⴰ ⵏ ⵍⴳⴰⵔⴳⴰⵔⴰⵜ, ⵍⵍⵉⵖ ⵙⵔⵙⵏ ⵢⴰⵏ ⵓⵙⵙⵓⵜⵏ ⴰⵏⴼⵔⴰⵢ ⴰⴼⴰⴷ ⴰⴷ ⵜⵜⵏⴼⵔⵓⵏⵜ ⵜⵖⴰⵡⵙⵉⵡⵉⵏ ⵏⵏⴰ ⵉⵣⵣⵔⴰⵢⵏ ⴳ ⵓⵙⴰⴽⴰ ⴰⴷ , ⴷⴼⴼⵉⵔ ⵍⵍⵉⵖ ⴱⴱⵉⵏ ⴰⵢⵜ ⴱⵓⵍⵉⵣⴰⵕⵢⵓ ⴰⵖⴰⵔⴰⵙ ⴰⴷ ⴼ ⵡⴰⵙⵙⴰⵢⵏ ⵏⵏⴰ ⵉⵣⵣⵔⴰⵢⵏ ⵜⵉⵖⴰⵡⵙⵉⵡⵉⵏ ⵙ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ.

ⵉⵏⵏⴰ ⵓⵙⵉⵡⴷ ⵏ ⵜⵙⵏⵓⵔⴰⵢⵜ ⵎⴰⵙⴷ ⴰⵙⴽⴽⵉⵔ ⵏ ⵜⵙⵏⵓⵔⴰⵢⵜ ⴰⴷ ⵜⴰⵎⴰⵢⵏⵓⵜ ⵔⴰⴷ ⵉⵙⴱⵓⵖⵍⵓ ⵜⵉⵏⴰⴼⵓⵜⵉⵏ ⴷ ⵜⵡⵡⵓⵔⵉⵡⵉⵏ ⵏⵏⴰ ⵜⴰⴽⴽⴰ ⵜⵙⴰⵡⴰⵢⵜ ⵏ ⵍⵎⵖⵔⵉⴱ ⵉ ⵎⵉⴷⴷⵏ ⴰⴽⴽⵯ ⵏⵏⴰ ⵜⵜ ⵉⵙⵙⵎⵔⴰⵙⵏ , ⵔⴰⴷ ⵜⵙⵎⴷ ⴰⵡⴷ ⵉ ⵜⵎⵏⴰⴹⵜ ⴰⴷ ⵏ ⵍⴳⴰⵔⴳⴰⵔⴰⵜ ⵢⴰⵏ ⵡⴰⴷⴷⵓⵔ ⴰⵎⵇⵔⴰⵏ ⵏⵏⴰ ⵔⴰⴷ ⵢⴰⵊⵊ ⵉⵡⴷⴰⵏ ⴰⴷ ⵎⵢⵓⵔⵏ ⴳ ⵜⵎⵏⴰⴷⵜ ⴰⴷ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ.

Dernière modification : 10 ⵏⵓⵡⴰⵏⴱⵉⵔ 2021
Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B5%9C%E2%B4%B0%E2%B5%99%E2%B4%B0%E2%B5%A1%E2%B4%B0%E2%B5%A2%E2%B5%9C-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%9C%E2%B5%99%E2%B4%BD%E2%B5%94-%E2%B5%A2%E2%B4%B0%E2%B5%9C-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%8F%E2%B5%8F%E2%B5%99-%E2%B4%B3-%E2%B5%8D%E2%B4%B3%E2%B5%94%E2%B4%B3%E2%B4%B0%E2%B5%94%E2%B4%B0%E2%B5%9C