Published on MAPNews (https://www.mapnews.ma/am)

Accueil > ⵜⴰⵏⴱⴰⴹⵜ ⵜⵙⵙⵓⵖⵏ ⴰⴷ ⵜⵣⵣⴰⴳⵣ ⴰⵖⴰⵡⴰⵙ ⵏ ⵓⵔⴰⵢ ⴰⵏⴰⵎⵓⵏ ⴳ ⵓⵙⴳⴳⵯⴰⵙ 2022 (ⵎⴰⵙⵙ ⴰⵅⵏⵓⵛ )

ⵜⴰⵏⴱⴰⴹⵜ ⵜⵙⵙⵓⵖⵏ ⴰⴷ ⵜⵣⵣⴰⴳⵣ ⴰⵖⴰⵡⴰⵙ ⵏ ⵓⵔⴰⵢ ⴰⵏⴰⵎⵓⵏ ⴳ ⵓⵙⴳⴳⵯⴰⵙ 2022 (ⵎⴰⵙⵙ ⴰⵅⵏⵓⵛ )

03 ⵏⵓⵡⴰⵏⴱⵉⵔ 2021 Version Imprimable
ⵕⵕⴱⴰⵟ - ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⵙⵙ ⵏ ⵓⴽⵕⴰⵙ ⴳ ⵕⵕⴱⴰⵟ ⵎⴰⵙ ⵜⵙⵙⵓⵖⵏ ⵜⵏⴱⴰⴹⵜ ⴰⴷ ⵜⵣⵣⴰⴳⵣ ⴰⵖⴰⵡⴰⵙ ⵏ ⵓⵔⴰⵢ ⴰⵏⴰⵎⵓⵏ ⴳ ⵓⵙⴳⴳⵯⴰⵙ 2022 ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵉⴼⵔⴰ ⵉⵏⵏⴰ ⵎⴰⵙⵙ ⴰⵅⵏⵓⵛ ⴳ ⵢⴰⵜ ⵜⵙⴳⵓⵔⵉ ⵏ ⵜⵏⵖⵎⴰⵙⵜ ⴳ ⵜⴰⵎⴰ ⵏ ⵓⵏⵎⵓⵇⵇⴰⵔ ⵍⵍⵉ ⵉⵙⵙⵉⵅⴼ ⵅⴼ ⵜⵉⵙⵔⵜⴰⵏⵉⵏ ⵜⵉⵏⴰⵎⵓⵏⵉⵏ ⵉⴳⵔⴰⵏ ⵉⵥⵍⵉⵏ ⵙ ⵓⵖⴰⵡⴰⵙ ⵏ ⵓⵔⴰⵢ ⴰⵏⴰⵎⵓⵏ ⵔⴰⴷ ⵣⵣⵔⴱⵏ ⴰⵣⵣⴰⴳⵣ ⵏ ⵜⵡⵓⵔⵉ ⵢⴰ ⴷ ⵜⴰⵙⵜⵔⴰⵜⵉⵊⵉⵜ ⵍⵍⵉ ⵎⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴷⴷⵓⵔ ⴰⵅⴰⵜⴰⵔ ⴰⴼⴰⴷ ⴰⴷ ⵉⵖⵍⵉ ⵓⵟⵟⵓⵏ ⵏ ⵎⵉⴷⵏ ⵍⵍⵉ ⵓⵎⵥⵏ ⵉⴱⵖⵓⵔⵏ ⵙⴳ ⵓⵔⴰⵢ ⴰⵏⴰⵎⵓⵏ ⴳ ⵓⵙⴳⴳⵯⴰⵙ 2022.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵎⴰⵙ ⵉⵔⴰ ⵓⵙⴰⵜⵉ ⵢⴰⴷ ⴰⴷ ⵉⴼⴽ ⴰⵔⴰⵢ ⴰⵏⴰⵎⵓⴱ ⵉ ⵉⵎⵖⵔⴰⴱⵉⵢⵏ ⴰⴽⴽⵯ ⵍⵍⵉ ⵉⴳⴰ ⵜⵉⴼⵔⵉ ⵏ ⵜⵎⴰⴹⵓⵏⵜ ⴷ ⵓⴽⵛⵛⵓⵏ ⵙ ⵜⵉⵢⴰⴼⵓⵜⵉⵏ ⵜⵉⴷⴰⵎⵙⴰⵜⵉⵏ .

ⵉⵙⴽⵜⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙ ⵓⵎⵥⵏ 11 ⵎⵍⵢⵓⵏ ⵏ ⵉⵎⵖⵔⴰⴱⵉⵢⵏ ⵉⴱⵖⵓⵔⵏ ⵎⵏⵉⴷ ⴰⴷ ⵉⴽⵎⵍ ⵅⴼ ⴰⴽⴽⵯ ⵉⵙⵎⵉⵍⵏ ⵏ ⵓⵎⵓⵏ ⴳ ⵎⴰ ⵢⵓⵛⴽⴰⵏ ⵓⵓⵙⵙⴰⵏ .

 ⴰⵏⵎⵓⵇⵇⴰⵔ ⴰⴷ ⵉⵣⵔⵉ ⵙ ⵜⵉⵍⵉⵜ ⵏ ⵓⵎⴰⵡⴰⵙ ⵏ ⵜⴷⵓⵙⵉ ⴷ ⵓⵔⴰⵢ ⴰⵏⴰⵎⵓⵏ ⵎⴰⵙⵙ ⵅⴰⵍⵉⴷ ⴰⵢⵜ ⵟⴰⵍⴱ ⴷ ⵜⵎⴰⵡⴰⵙⵜ ⵏ ⵜⴰⴷⴰⵎⵙⴰ ⵎⴰⵙⵙⴰ ⵏⴰⴷⵉⵢⴰ ⵄⴰⵍⴰⵡⵉ ⴷ ⵓⵎⴰⵡⴰⵙ ⵉⵜⵜⵓⵙⵎⴳⴰⵍⵏ ⵙ ⵜⴰⵎⵙⴰⵙⵜⵍⵜ ⴼⴰⵡⵣⵉ ⵍⵇⵊⵄ .

ⵉⵍⵍⴰ ⴳ ⵓⵏⵎⵓⵇⵇⴰⵔ ⴰⴷ ⵓⵍⴰ ⵓⵎⴰⵡⴰⵙ ⵏ ⵜⵙⴱⴱⴰⴱⵜ ⵔⵢⵢⴰⴹ ⵎⵣⵣⵓⵔ ⴷ ⵓⵎⴰⵡⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⵎⵓⵃⵎⵎⴷ ⵚⴹⴹⵉⵇⵉ ⴷ ⵜⵎⴰⵡⴰⵙⵜ ⵏ ⵜⴰⵎⴰⵍⵍⵢⵜ ⴷ ⵜⴰⵎⴳⵓⵔⵉ ⵜⴰⵇⴱⵓⵔⵜ ⴳ ⵜⴰⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵉⵡⵉⵣⵉ ⴼⴰⵟⵉⵎⴰ ⵥⵥⵀⵕⴰ ⵄⵎⵎⵓⵕ.

 

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B5%9C%E2%B4%B0%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B5%9C%E2%B5%99%E2%B5%99%E2%B5%93%E2%B5%96%E2%B5%8F-%E2%B4%B0%E2%B4%B7-%E2%B5%9C%E2%B5%A3%E2%B5%A3%E2%B4%B0%E2%B4%B3%E2%B5%A3-%E2%B4%B0%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%93%E2%B5%94%E2%B4%B0%E2%B5%A2-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%8F-%E2%B4%B3-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-2022-%E2%B5%8E%E2%B4%B0%E2%B5%99%E2%B5%99-%E2%B4%B0%E2%B5%85%E2%B5%8F%E2%B5%93%E2%B5%9B