ⵢⵓⵛⴽⴰⴷ ⴳ ⵜⴱⵔⴰⵜ ⴰⴷ "ⵏⵙⵏⵓⴱⴳ ⵙ ⵡⴰⴷⴷⴰⴷ ⵉⵛⵇⵇⴰⵏ ⵜⵎⵜⵜⴰⵏⵜ ⵏ ⵓⵎⵙⵇⴰⴷ ⵉⴳⵍⵍⵉⵏ ⴰⵃⵎⴰⴷ ⵙⵙⵏⵓⵙⵉ ⴰⴷ ⵜ ⵉⵕⵃⵎ ⵕⴱⴱⵉ".
ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵣⵎⵣ ⴰⴷ ⵉⵛⵇⵇⴰⵏ ⵉ ⵢⴼⵔⴷⵉⵙⵏ ⵏ ⴰⵢⵜ ⵓⵅⵅⴰⵎ ⵏ ⵉⴳⵍⵍⵉⵏ, ⵓⵍⴰ ⵉ ⴰⴽⴽⵯ ⵏ ⴰⵢⵜ ⵓⵅⵅⴰⵎ ⵏⵏⵙⵏ, ⴰⴼⵛⴰⴷ ⵉⵔⵖⴰⵏ ⴷ ⵜⴱⴷⴷⴰⴷⵜ ⵅⴼ ⵜⵎⵜⵜⴰⵏⵜ ⵏ ⵢⴰⵏ ⵓⵔⴳⴰⵣ ⴰⵏⴰⵎⵓⵔ, ⴷ ⵓⵔⴳⴰⵣ ⵏ ⵓⵡⴰⵏⴽ ⴰⵎⵇⵕⴰⵏ ⵉⵜⵜⵢⵓⵙⵙⴰⵏⵏ ⵙ ⵉⴽⴽⵯⵙ ⵏ ⵉⵅⴼ ⵏⵏⵙ ⴷ ⵜⵏⴰⴼⵓⵜ ⵏ ⵉⵙⵖⵖⵓⵔⵏ ⵢⴰⵜⵜⵓⵢⵏ ⵏ ⵜⵓⵎⵔⵜ ⴳ ⵎⵛⵜⴰ ⵏ ⵜⵎⵙⵙⴳⵓⵔⵉⵏ ⵜⵉⵎⵉⵜⴰⵢⵏ ⵍⵍⵉ ⵢⵓⵎⵥ, ⵙⵡⴰ ⴳ ⵜⵏⴰⴼⵓⵜ ⵏ ⵉⵏⵙⴰⵏ ⵉⵛⵔⵉⴼⵏ ⵏⵖⴷ ⴳ ⵉⵏⵙⴰⵏ ⵉⵏⴱⵉⴹⵏ ⴷ ⵉⴷⵉⴱⵍⵓⵎⵙⵉⵢⵏ, ⵍⵍⵉⵖ ⵉⴳⴰ, ⴰⴷ ⵜ ⵉⵕⵃⵎ ⵕⴱⴱⵉ, ⴰⵎⵙⵇⴰⴷ ⴰⴼⵓⵍⴽⵉ ⴷ ⵓⵙⵎⴷⵢⴰ ⵏ ⵜⴷⵉⴱⵍⵓⵎⴰⵙⵉⵜ ⵜⵎⵖⵔⴰⴱⵉⵜ ⴳ ⵉⵏⵙⴰⵏ ⵏ ⵜⵎⵜⵜⴰ, ⴷ ⴳ ⵎⵏⵏⴰⵡ ⵏ ⵉⵡⴰⵏⴽⵏ ⴷ ⵉⴳⴰ ⵓⵙⵎⴷⵢⴰ ⵏ ⵓⵕⵥⵥⵓⵎ ⵏ ⵜⵉⴽⴽⵉ ⵉⵖⵓⴷⴰⵏ ⴷ ⵓⵎⵏⵣⴰⵖ ⴰⴷⴷⵓⵙ ⵅⴼ ⵜⵖⴰⵙⵉⵡⵉⵏ ⵉⵣⵔⴼⴰⵏ ⵏ ⵜⵓⵎⵔⵜ ⵏⵏⵙ ⴷ ⵉⵔⴳⵉⴳⵏ ⵏ ⵜⵎⵜⵜⴰ ⴷ ⵜⵎⵓⵇⴷⵉⵙⵉⵏ ⵏⵏⵙ.