ⴰⴼ ⴰⴷ ⵉⵙⴱⴰⵢⵏ ⵜⵖⴱⵉ ⴳ ⵓⵎⵣⵔⴰⵢ ⵏ ⵜⵣⵓⵣⴰⴼ ⴰⴷ, ⵉⵙⵙⵓⴼⵖ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ ⵢⴰⵏ ⵓⴷⵍⵉⵙ ⴰⵎⴰⵟⵓⵏ ⵙ ⵓⵣⵡⴰⵏ "ⵜⵉⵣⵓⵣⴰⴼ", ⵙ ⵓⵙⵏⵍⴰ ⵏ ⵄⴱⴷⵙⵙⵍⴰⵎ ⴰⵎⴰⵔⵉⵔ, ⵉⵍⵍⴰ ⴳⵉⵙ ⵉⵏⴰⵡⵏ ⵏ ⵜⵣⵓⵣⴰⴼ ⵍⵍⵉ ⴰⵔ ⵜⵙⵎⵓⵔ ⵜⵎⵖⴰⵔⵜ ⵜⵎⴰⵣⵉⵖⵜ ⴰⵎⵎⴰⵙ ⵏ ⵜⵇⵔⴰⵟ ⵏ ⵉⵎⵊⴰⵏ ⴷ ⵉⵏⴰⵡⵏ ⵏ ⵉⵣⴱⴳⴰⵏ ⴷ ⵎⵏⵏⴰⵡ ⵢⴰⴹⵏⵉⵏ.
ⴳ ⵢⴰⵜ ⵜⵙⴳⵓⵔⵉ ⵉ ⵜⵡⵡⵓⵔⵜ ⵜⵎⴰⵣⵉⵖⵜ ⵏ ⵜⵙⵏⵓⵕⴰⵢⵜ ⵜⵎⵖⵔⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⵉⵏⵏⴰ ⵎⴰⵙⵙ ⵍⵃⵓⵙⴰⵢⵏ ⴰⵢⵜ ⴱⴰⵃⵙⵉⵏ, ⴰⵔⵣⵣⵓ ⴳ ⵜⴷⵍⵙⴰ ⵜⵎⴰⵣⵉⵖⵜ, ⵎⴰⵙ ⵜⵓⵇⵇⵏⴰ ⵏ ⵉⵎⴰⵣⵉⵖⵏ ⴷ ⵜⵣⵣⵓⵣⴰⴼ ⵜⵍⵍⴰ ⵙⴳ ⵉⵣⵎⵣⴰⵏ ⵉⵇⴱⵓⵕⵏ ⵉⵣⵔⵉⵏ, ⵉⵔⵏⴰ ⵢⵏⵏⴰ ⵎⴰⵙ ⵜⵜⵢⴰⴼⴰⵏ ⴳ "ⵉⴼⵔⵉ ⵏ ⵉⵜⴱⵉⵔⵏ" ⵎⵏⵏⴰⵡ ⵏ ⵉⵣⵓⵣⴰⴼ ⵉⵇⴱⵓⵕⵏ ⴰⵜⵜⴰⵡⵙⴽⴰⵔⵏ ⵙⴳ ⵚⵚⴰⴹⴰⴼⵢⴰⵜ.