ⵉⵙⵎⵓⵙⵙⴰ ⵜⴰⵎⵙⵙⵉⵔⴷⵜ ⴰⴷ ⵎⴰⵙⵙ ⵎⵚⵟⴰⴼⴰ ⵣⴰⵎⵀⵏⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴷⵖⵔⴰⵏ ⵏ ⵍⵄⵓⵍⴰⵎⴰ ⵏ ⵅⵏⵉⴼⵔⴰ ⵅⴼ ⵜⵎⵔⵏⵓⵜ ⵏ « ⵎⴰⵏ ⵜⵉⵍⴰⵍⵜ ⵟⵟⴰⴼ ⵜⵎⵣⴳⵉⴷⴰ ⵖ ⵜⵓⴷⵔⵜ ⵜⴰⴳⴷⵓⴷⴰⵏⵜ » .
ⵉⵏⵏⴰ ⵉⵏⴰⵡ ⵉⵙ ⵉⵙⴽⵔ ⵙⵉⴷⵏⴰ ⵎⵓⵃⵎⵎⴷ ⴳ ⵜⵉⵎⵣⴳⵉⴷⵉⵏ ⵢⴰⵏ ⵓⵎⵎⴰⵙ ⵉⵎⵙⴷⴷⵓⵔⵏ ⵉ ⵉⵎⵓⵎⵏⵏ ⵍⵍⵉ ⴳⵉⵜ ⵙⴽⴰⵔⵏ ⵓⵔⴷ ⴽⴰ ⵜⴰⵥⴰⵍⵍⵉⵜ ⵜⴰⵎⴳⵔⵓⵜ. ⴰⵔ ⵢⴰⴷⴷⵍⵍⵉ ⵢⵜⵜⴰⵡⵙⴽⴰⵔⵏ ⴳ ⵜⵉⵎⵣⴳⵉⴷⴰ ⵎⵏⵏⴰⵡ ⵏ ⵉⵎⵔⵙⵉⵏ ⵉⴽⵓⴷⴰⵏ ⵏ ⵍⵓⵎⵎⴰ.
ⴰⴷⵖⴰⵔ ⵍⵍⵉ ⵢⴼⴽⴰ ⵍⵉⵙⵍⴰⵎ ⵉ ⵜⵉⵎⵣⴳⵉⴷⴰ ⵜⴱⴰⵢⵏ ⴳ ⵎⵏⵏⴰⵡ ⵏ ⵍⴰⵢⴰⵜ ⵏ ⵍⵇⵓⵕⴰⵏ ⵍⴽⴰⵔⵉⵎ ⴷ ⵍ ⴰⵃⴰⴷⵉⵜ ⵏ ⵔⵔⴰⵙⵓⵍ ⵍⵍⵉ ⵢⴰⵢⵜ ⴼⴽⴰⵏ ⵢⴰⵜ ⵍⵇⵓⴷⵙⵢⵢⴰ ⵉⵎⵇⵇⵓⵕⵏ.
ⵉⵙⵎⴰⵏ ⵎⴰⵙⵙ ⵣⴰⵎⵀⵏⵉ ⵜⴰⵙⵎⵉⴳⵍⵜⵉⵏ ⵏ ⵜⵉⵎⵣⴳⵉⴷ ⴰⵎⵎⴰⵙ ⵏ ⴽⵕⴰⴹ ⵏ ⵜⵡⵓⵔⵉⵏ : ⴰⵙⴳⴷ ⴷ ⵓⵙⵎⴳ ⴷ ⵓⵏⵖⵎⴰⵙ.
ⵍⵍⵉⵖ ⵜⵎⵎⴰ ⵜⵎⵙⵙⵉⵔⴷⵜ ⴰⴷ, ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵍⵄⵓⵍⴰⵎⴰ.
ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⵃⵎⴷ ⵜⴰⵡⴼⵉⵇ, ⴰⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵜⵎⵙⴰⵔⵜⵉⵏ ⵏ ⴱⵕⵕⴰ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵢⴰⵜ ⵜⵓⵏⵖⵉⵍⵜ ⵉⵙⵉⴳⴳⵣⵏ ⴷ ⵢⴰⵜ ⵉⵙⵓⵙⵔⵏ ⴳ ⵛⵛⵉⴷ ⵏ ⵜⵎⵙⵙⵉⵔⴷⵜⵉⵏ ⵏ ⵔⵎⴹⴰⵏ ⵏ ⵓⵙⴳⴳⵯⴰⵙ ⵍⵍⵉ ⵢⵣⵔⵉⵏ.