ⵙⵏⵓⴱⴳⵏⵜ ⵜⴳⴳⴰⵍⵉⵏ ⵜⵉⵍⵓⴱⵏⴰⵏⵉⵢⵏ ⵜⴽⵍⵉⵜ ⵜⵉⵙⵙ ⵙⵏⴰⵜ ⵏ ⵜⵡⵉⵙⵉ ⵜⴰⵎⵙⴷⵓⵔⵜ ⵉⵜⵜⵢⴰⴽⴽⴰⵏ ⵙ ⵉⴹⵏ ⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵉ ⵜⴳⴰⵍⵍⵉⵏ ⵜⵉⵍⴰⴼⵉⵏ ⵜⵉⵍⵓⴱⵏⴰⵏⵉⵢⵏ ⴷ ⵓⵎⴰⴷⴰⵏ ⴰⵍⵓⴱⵏⴰⵏⵉ
ⴱⴰⵢⵔⵓⵜ - ⵜⵔⵏⴰ ⵜⵉⵍⴳⴳⵯⵉⵜ ⵏ ⵓⴹⵓ ⵏ ⵓⵙⵙⴰⵢ ⵏ ⵜⵡⵉⵙⵉ ⵜⴰⵎⵙⴷⵓⵔⵜ ⵉⵜⵜⵢⴰⴽⴽⴰⵏ ⵙ ⵉⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵏⵙⵙⵉⵅⴼ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵍⵉⵟⴰ ⵎⴰⵊⵓⵕ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵉ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⵍⵓⴱⵏⴰⵏⵉⵢⵏ ⴷ ⵓⵎⴰⴷⴰⵏ ⴰⵍⵓⴱⵏⴰⵏⵉ, ⴷⴼⴼⵉⵔ ⵍⵍⵉⵖ ⵍⴽⵎⵏⵜ ⵙⵏⴰⵜ ⵜⵍⴰⵢⵉⵏ ⵜⵉⵄⵚⴽⵕⵉⵏ ⴳ ⵜⴼⴰⵡⵜ ⵏ ⵉⴹ ⵍⵍⵉ ⵏ ⵓⵙⴰⵎⴰⵙ ⵙ ⵓⵣⴰⴳⵣ ⴰⵎⴰⴹⵍⴰⵏ "ⵍⵃⴰⵔⵉⵔⵉ".
ⵉⵙⵏⵓⴱⴳ ⵜⵡⵉⵙⵉ ⵢⴰⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⵍⵓⴱⵏⴰⵏ, ⵎⴰⵙⵙ ⵎⵃⵎⵎⴷ ⴳⵔⵉⵏ, ⴷ ⵉⴳⵎⴰⵎⵏ ⵏ ⵜⵎⵙⵇⴰⴷⵜ ⴷ ⵓⵙⵎⴷⵢⴰ ⵏ ⵓⵎⵖⴰⵕ ⵏ ⵜⴳⴳⴰⵍⵉⵏ ⵜⵉⵍⵓⴱⵏⴰⵏⵉⵢⵏ.
ⵉⵎⵍⴰ ⴷⴰⵖ ⵓⵙⵎⴷⵢⴰ ⵏ ⵜⴳⴳⴰⵍⵉⵏ ⵜⵉⵍⵓⴱⵏⴰⵏⵉⵢⵏ ⴰⵙⵓⵜⴳ ⵏⵏⵙ ⴷ ⵓⵙⵏⵎⵉⵔ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⴼ ⵜⵙⵏⵜⴰⵢⵜ ⵜⴰⵏⴼⴳⴰⵏⵜ ⵉⴼⵓⵍⴽⵉⵏ ⴰⴷ ⵍⵍⵉ ⵢⵓⵛⴽⴰⵏ ⴳ ⵢⴰⵏ ⵡⴰⴽⵓⴷ ⵍⵍⵉⵖ ⵉⵣⵣⵔⵉ ⵍⵓⴱⵏⴰⵏ ⵢⴰⵜ ⵜⴽⵍⵉⵜ ⵉⵛⵇⵇⴰⵏ.