ⵎⵏⵏⴰⵡ ⵏ ⵉⵏⴰⵎⴽⵏ ⴰⴷ ⵉⵟⵟⴰⴼ ⵓⵔⵎⵎⵓⵙ ⴰⴷ, ⴽⵔⴰ ⵢⴳⴰⵜⵜ ⵢⴰⵏ ⵎⴰⵏⵉⴽ ⴰⴷ ⵜ ⵉⵥⵕⴰ. ⵉⵍⵍⴰ ⵎⴰⴷ ⵉⵏⵏⴰⵏ ⵉⵙ ⵜⴳⴰ ⵜⵎⵖⵔⴰⴱⵉⵜ ⵢⴰⵜ ⵜⴳⴰⵎⵉⵜ ⵉⵛⵛⴰⵔⵏ ⵍⵍⵉ ⵢⵣⵔⵉⵏ ⵉⵎⵣⴰⵔⴰⵢⵏ ⴷ ⵉⵙⴷⵓⵙ ⵓⴼⵔⴰⵢ ⵏ ⵜⴳⵯⵎⴰⵏⵉⵜ ⵜⴰⵏⴰⵎⵓⵔⵜ, ⵉⵍⵍⴰ ⵎⴰⴷ ⵉⵏⵏⴰⵏ ⵉⵙ ⵉⴳⴰ ⵡⵔⵎⵎⵓⵙ ⴰⴷ ⴰⵎⵥⵍⴰⵢ, ⴷ ⵉⵍⵍⴰ ⵎⴰⴷ ⵉⵏⵏⴰⵏ ⵉⵙ ⵉⴳⴰ ⵢⴰⵜ ⵜⵔⴰⵔⵜ ⵉⵄⵍⴷⵏ ⵉ ⵜⵡⵓⵔⵉⵡⵉⵏ ⵍⵍⵉ ⵢⵜⵙⴰⴳⴳⵯⴰⵎⵏ ⴰⵎⵓⵏ ⴰⵎⵖⵔⴰⴱⵉ ⴳ ⵜⵙⵓⵜ ⵜⵉⵙⵙ 21 ⴰⴷ.
ⵉⵏⵏⴰ ⵡⵙⵍⵎⴰⴷ ⵏ ⵜⵎⴰⵙⵙⴰⵏⵉⵏ ⵜⵉⵏⴰⵎⵓⵏⵉⵏ ⴳ ⵜⵙⴷⴰⵡⵉⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵕⵕⴱⴰⵟ, ⵙⴰⵄⵉⴷ ⴱⵏⵏⵉⵙ, ⵎⴰⵙ ⵜⵎⴰⵏ ⵜⵎⵖⵔⴰⴱⵉⵜ ⴰⵎⵎⴰⵙ ⵏ ⵉⴼⵔⴷⵉⵙⵏ ⵍⵍⵉ ⵢⵣⴷⵉⵏ ⴷ ⵡⴰⴽⴰⵍ ⴰⵎⵖⵔⴰⴱⵉ, ⵣⵓⵏⴷ ⵓⵎⵣⵔⵓⵢ, ⵜⵓⵙⵙⵏⴰ, ⵜⵓⵜⵍⴰⵢⵉⵏ ⴷ ⵜⵣⴷⴰⵖⵜ ⵜⴼⴳⴰⵏⵜ.